Jetzt läuft:

Smokie Needles And Pins
  • Als nächstes läuft:

  • Um 20:12 Uhr läuft: Moon Martin Bad News
  • Jetzt läuft:

    Smokie Needles And Pins
  • Davor lief:

  • Um> 20:05 Uhr lief: Whitney Houston I Wanna Dance With Somebody
  • Um> 19:56 Uhr lief: George Kranz Din Daa Daa (Trommeltanz)
  • Um> 19:51 Uhr lief: Bon Jovi Bed Of Roses
  • Um> 19:47 Uhr lief: Joan Baez Wozu Sind Kriege Da
  • Um> 19:42 Uhr lief: Paul McCartney It's So Easy
  • Um> 19:39 Uhr lief: The Smiths Still Ill
  • Um> 19:35 Uhr lief: Jackie DeShannon What The World Needs Now Is Love
  • Um> 19:31 Uhr lief: The Romantics Talking In Your Sleep
  • Um> 19:26 Uhr lief: Air Supply All Out Of Love

Der Abend mit Norbert Kuntze

Plattdeutsche Nachrichten Plattdüütsche Narichten vun'n 20. Mai 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 20. Mai 2022

Haftbefehl för den, de dat womööglich doon hebben schall +++ Bremer Paster Latzel freespraken +++ Bremen lehnt Gesetz üm weniger Stüer to betahlen af +++ Bo vun en Forschungsschipp kann utschreven weern +++ Thein Millionen Euro för Freebad Blomendal +++ Dat Weer

Bild: Radio Bremen

Informationen zum Audio

Haftbefehl för den, de dat womööglich doon hebben schall

Bremerhaben. Na den Fall, wo Gewalt an en School mit in´t Speel weer, hett dat Amtsgericht Bremerhaben Haftbefehl gegen den, de dat womööglich doon hebben schall, utschreven. De 21-jöhrig old Keerl schall en Mitarbeitersch vun de School döör Schöten ut en Armbrust so verletzt hebben, dat dat üm Leven un Doot bi ehr geiht. Wat dor achter stickt is noch nich kloor. De Schütt will dor nix to seggen, so de Staatsafkaat. Of sick de Keerl un de Mitarbeitersch kennen, mööt se noch ruutkriegen.

Bremer Paster Latzel freespraken

Bremen. Dat Landgericht Bremen hett in den Perzess wegen Volksverhetzung den Bremer Paster Latzel freesproken. De Staatsafkaat smiet den Karkenmann vör, dat he to Woot un Gewalt gegen Homosexuelle opropen harr. Dat Amtsgericht harr em dat eerste Mal to en Geldstraaf verurdeelt. En Gootachter harr seggt, dat in de Bibel Homosexualität as Sünn or gottlos sehn warrt. Dorüm wull sien Afwehr, dat Latzel freesproken warrt. De Staatsafkaat hollt an den Verdacht vun Volksverhetzung fast.

Bremen lehnt Gesetz üm weniger Stüer to betahlen af

Bremen. Börgermeister Bovenschulte will in den Bunnsrat dat Gesetz vun de Bunnsregerung, üm weniger Stüern to betahlen, aflehnen. De Mehrkosten vun knapp eenhunnert Millionen Euro in´t Johr kann Bremen nich övernehmen, wiel dat Land sporen mutt. De Bund will mit dat Paket för weniger Stüern de Minschen wegen de bannig anstegen Energiekosten un de hoge Inflatschoon ünnerstütten.

Bo vun en Forschungsschipp kann utschreven weern

Bremerhaben/ Berlin. De Bunnsdag hett twee Millionen Euro för dat Forschungsschipp „Polarstern II“ vun dat Alfred-Wegener-Institut freegeven. Nu draff dat Angebott utschreven weern. De Bo sülfst warrt wohrschienlich tominnst en Halv Milliarde Euro kosten. Dat neje Forschungsschipp schall de över 40 Johr old „Polarstern“ aflösen. De geiht 2027 ut ehrn Deenst.

Thein Millionen Euro för Freebad Blomendal

Berlin/ Bremen. De Bunnsdag hett thein Millionen Euro för dat plante „Swömmbad Blomendal“ toseggt. Dorop hett de Bremer FDP-Bunnsdagsafornte Redder henwiesen. Dat Geld warrt to glieken Delen in düsset un in´t tokamen Johr utbetahlt. Dat Swömmbad schall in en Hall, de ünner Denkmaalschutz steiht, op dat Land vun de fröher Bremer Wollkämmerei boot weern. De Sportvereen SG Aumund-Vegebüddel hett dorbei dat Leit.

Dat Weer

Un nu en Blick op dat Weer: in Nordholt 14,  an’n Bremer Flegerhaben un un in Bremerhaben 15, un in Wittmund sünd dat opstunns 17 Graad. Hüüt fang dat ruhig un dröög mit Sünnschien an. An´n Namiddag treckt de Heven to un dat fang reell an to pladdern. Hier un dor kann dat en rusig Weer mit starken Regen mit 25 bit 50 Litern per Quadratmeter geven. In´n Süüden vun Bremen sünd ok Blitz un Donnerslag möglich. De Wind weiht to eerst en beten. An´n Namiddag nimmt de Wind to un hier un dor sünd frische bit starke Böen möglich. De Themperaturen stiegen op 16 bit 23 Graad. In de Nacht hört dat rusig Weer op. De Heven is aver vull vun Wulken un an de Küst kann dat orntlich pladdern. Dat Thermometer wiest thein bit twölf Graad. Morn gift dat vör allen twüschen Weser un Elv noch en poor Regenschuer, de an´n Namiddag ophören. Anners is dat dröög mit Wulken bi 15 bit 19 Graad. Sünndag wiegahns dröög mit Sünn un Wulken bi 17 bit 21 Graad.

Dat weern de Narichten op platt. Tohoopstellt hett se Carola Schwirblatt. Op Platt trechtmaakt un vörleest vun Markus Weise.