Jetzt läuft:

Alannah Myles Black Velvet
  • Als nächstes läuft:

  • Um 21:59 Uhr läuft: Bee Gees Tragedy
  • Jetzt läuft:

    Alannah Myles Black Velvet
  • Davor lief:

  • Um> 21:51 Uhr lief: Calum Scott Goodbye, Again
  • Um> 21:45 Uhr lief: Creedence Clearwater Revival Proud Mary
  • Um> 21:40 Uhr lief: Joe Jackson You Can't Get What You Want (Till You Know What You Want)
  • Um> 21:35 Uhr lief: Seal Kiss From A Rose
  • Um> 21:31 Uhr lief: Queen We Are The Champions
  • Um> 21:27 Uhr lief: Lukas Graham 7 Years
  • Um> 21:21 Uhr lief: Supertramp Goodbye Stranger
  • Um> 21:16 Uhr lief: Mike Oldfield & Maggie Reilly To France
  • Um> 21:13 Uhr lief: Elvis Presley Long Black Limousine

Der Abend mit Norbert Kuntze

Plattdeutsche Nachrichten Plattdüütsche Narichten vun'n 19. Mai 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 19. Mai 2022

Mehr Geld un free’e Daag för Kita-Optreckers +++ Bremen hett in’t tokamen Johr nich noog Kita-Steden för Kinners +++ Bremer SPD liggt bi de Wählers vörn +++ Millionenschaden na Grootfüer in’n Kreis Vechte +++ Klimahuus kriggt Nahhaltigkeitspries +++ Dat Weer

Bild: Radio Bremen

Informationen zum Audio

Mehr Geld un free’e Daag för Kita-Optreckers

Berlin: De Tarifstriet vun de kommunalen Soziaal- un Erziehungsdiensten is vörbi. In de drütten Runn sünd sik de Gewarkschaft verdi, de Beamtenbund dbb un de Arbeitgevers enig worrn. De 330.000 Optreckerschen un Soziaalarbeiders kriggt ünner annern free’e Daag bavenop un Tolagen per Maand, so datt dat nu för’t Eerste keen wietere Kita-Streiks mehr gifft. Verdi will sien Maten in de tokamen Weken noch över de Tarifenigung afstimmen laten, wohrschienlich ward de Verdrag aver annahmen.

Bremen hett in’t tokamen Johr nich noog Kita-Steden för Kinners

Bremen: In de Stadt Bremen fehlt, as dat utsüht, na den Sommer mehr as 1.400 Kita-Steden för Kinners. Dat gellt besünners för 3- bet 6-Johrige, as en eersten Bericht vun’n Bremer Bildungsressort vermellt, de buten un binnen vörliggt. Besünners veele Kita-Steden fehlt dorna in’n Bremer Noorden un in Oosterholt. Um dor’n beten Damp vun den Ketel to nehmen, will Bildungssenatersche Aulepp ok Querinstiegers in de Kitas un mehr Oppass-Mudders insetten.

Bremer SPD liggt bi de Wählers vörn

Bremen: Een Johr vör de Börgerschaftswahl in’t Land Bremen liggt de SPD bi de Wählers düütlich vörn. Dat geiht ut en Ümfraag vun Infratest-Dimap in’n Opdrag vun’n Werser-Kurier vör. Dat mag woll ok dormit tosamenhangen, datt Börgermeister Bovenschulte so goot ankummt. Dree vun veer fraagten Lüüd sünd mit sien Arbeit tofreden oder bannig tofreden. De mehrsten finnt ok den heelen Senaat eher goot. Blots mit de Mobilitätssenatersche Schaefer vun de Grönen un de Bildungssenatersche Aulepp vun de SPD sünd de mehrsten nich trofreden.    

Millionenschaden na Grootfüer in’n Kreis Vechte

Vechte: En Grootfüer in’n Kreis Vechte hett en Millionenschaden anricht. In Bakum hett toeerst en Palettenfabrik brannt, later ok twee Industriehallen. Wegen den deegten Rook is ünner annern ok en Wahnflach rüümt un de Autobahn 1 blangenan för en Tiet sparrt worrn. Mehr as 200 Füerwehrlüüd weern in’n Insatz.

Klimahuus kriggt Nahhaltigkeitspries

Bremerhaben: Dat Bremerhabener Klimahuus hett den eersten Nahhaltigkeitspries vun’n Bund kregen, tosamen mit negen wieteren Inrichtungen, Initiativen oder Gemeenden. Dorbi is ok de Ernährungsraat Ollnborg. Dat geiht üm en Priesgeld vun tohooprekent 100.000 Euro.            

Dat Weer

Un nu en Blick op dat Weer: In Emmen 20, in Bremerhaben 22, an’n Bremer Flegerhaben 24, un in Deefholt un Nienborg sünd dat opstünns 25 Graad. Hüüt gifft dat in Bremen un in’n Süüdoosten dorvun’n poor Wulken un Sünnschien. Vun’t Ollenborger Münsterland över den Jadebusen betto dat Elv-Werser-Dreeeck sünd al an’n Vörmiddag enkelte Regenschuer mööglich. Vun’n Namiddag an kann dat hier un dor rusig Weer geven. Degte Gewidder sünd mööglich. Dorbi besteiht de Gefohr vun degten Regen, Hagel un swore Stormböen. Hier un dor blifft dat aver ok bi lichten Regen. Dat ward wedder bruttig-warm bi 24 bet 30 Graad. In de Nacht kann dat eerst noch enkelte Schuer un Gewidder geven, later blifft dat meisttiets dröög bi 12 bet 10 Graad. Morgen gifft dat veele Wulken un vörmiddags’n beten Sünnschien. Toeerst is dat noch dröög. Vun’n Namiddag an gifft dat degten Regen, un ok rusig Weer is wedder mööglich bi 18 bet 24 Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Marc Gelhart.