Jetzt läuft:

Seal Kiss From A Rose
  • Als nächstes läuft:

  • Um 21:40 Uhr läuft: Joe Jackson You Can't Get What You Want (Till You Know What You Want)
  • Jetzt läuft:

    Seal Kiss From A Rose
  • Davor lief:

  • Um> 21:31 Uhr lief: Queen We Are The Champions
  • Um> 21:27 Uhr lief: Lukas Graham 7 Years
  • Um> 21:21 Uhr lief: Supertramp Goodbye Stranger
  • Um> 21:16 Uhr lief: Mike Oldfield & Maggie Reilly To France
  • Um> 21:13 Uhr lief: Elvis Presley Long Black Limousine
  • Um> 21:08 Uhr lief: Max Giesinger Roulette
  • Um> 21:04 Uhr lief: Nik Kershaw I Won't Let The Sun Go Down On Me
  • Um> 20:57 Uhr lief: U2 One
  • Um> 20:54 Uhr lief: Mighty Oaks Brother

Der Abend mit Norbert Kuntze

Plattdeutsche Nachrichten Plattdüütsche Narichten vun'n 18. Mai 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 18. Mai 2022

Bovenschulte will Gesett to’n Entlasten bi de Stüer ännern +++ Lauterbach will Plaan vörleggen +++ Tarifverhanneln för sotschale Arbeitssteden geiht wieter +++ Schweden un Finnland leggt Andrääg op’n Disch +++ Erster Kriegsverbreker-Perzess in de Ukraine +++ Dat Weer

Bild: Radio Bremen

Informationen zum Audio

Bovenschulte will Gesett to’n Entlasten bi de Stüer ännern

Bremen – Dat Land Bremen ward an’n Freedag in’n Bunnesraat den Plaan vun’t Gesett to‘n Entlasten bi de Stüer, so as dat nu is, aflehnen. Dat hett Börgermeister Bovenschulte ankünnigt. För Bremen bedüüdt dat Gesett alleen in dütt Johr knapp 100 Millionen Euro Utgaven babenop, rekent he vör. Darüm mutt de Bund, na Meen vun Bovenschulte, een grötteren Deel darvun övernehmen, as dat bitnu plaant is. Opstunns schüllt de Länner 60 Perzent vun de Mehrkosten drägen un de Bund 40.

Lauterbach will Plaan vörleggen

Berlin – Bunnesgesundheitsminister Lauterbach will bold een Plaan vörleggen to’n Gegenangahn gegen Corona in’n Harvst. Sien Plaan is mit’n Bunneskanzler afstimmt, sä he in’n bayerischen Rundfunk. Se ward Impfmiddel köpen, de anpasst worrn sünd, un Medzin gegen Covid. De Impfzenter ward se open hollen un Krankenhüüs schüllt Corona-Patschenten gauer as nu an dat Robert-Koch-Institut mellen.

Tarifverhanneln för sotschale Arbeitssteden geiht wieter

Potsdam – Bi dat Tarifverhanneln för de Arbeiters in de kommunalen, sotschalen Berufe köönt de Gewarkschupp Verdi, de Beamtenbund un de Verenigung vun de kommunalen Arbeitgeververbänne vundag op een Brett kamen. De Gewarkschuppen wüllt dat henkregen, dat rund 330-dusend Mitarbeider vun de Gemeend-Kinnergaarn un annere Arbeiters in sotschalen Berufen mehr Geld kriegt un een beteret Arbeitsleven hebbt. In de verleden Weken is dat darüm jümmer wedder to Streiks kamen.

Schweden un Finnland leggt Andrääg op’n Disch

Stockholm – Sweden un Finnland leggt vundag in Brüssel ehr Andrääg op’n Disch, üm Littmaten vun de Nato to weern. De beid Länner wüllt in den Militärbund rin, wiel se üm ehr Sekerheit bang sünd, na dat Russland in de Ukraine inmarscheert is. Se geevt darmit ehr lange Traditschon vun de militärsche Bündnis-Freeheit op.

Erster Kriegsverbreker-Perzess in de Ukraine

Kiew – In de Ukraine fangt de erste Kriegsverbreker-Perzess gegen een russischen Suldaten an. Em ward vörsmieten, dat he an’n 28. Februar ut een Auto rut, dat he klaut harr, een Börger, de keen Wapen harr, dootschoten hett. Den 21-Jöhrigen draut een Leven lang achter de Trallen wegen Kriegsverbreken un vörsättlich Moord. As sien Anwalt vermellt, gifft he dat to, dat he den 62-Jöhrigen ümbröcht hett.

Dat Weer

Un nu een Blick op dat Weer: op Wangerooge 16, in Bremen, un Bremerhaven 21 un in Deefholt sünd dat opstunns 22 Graad. Vundag gifft dat bi blots een paar lockeren Wulken veel Sünnschien. Vun’n Namiddag an köönt denn ok mal Regenschuers opkamen, man meist blifft dat dröög – bi 26 bit 29 Graad in’n Binnenland, an de Küst kummt wi op 23 bit 24 Graad. Tokamen Nacht is dat erst blots licht wulkig, to’n Deel ok klaar un meist dröög. Later ward dat in’t Emsland un Ostfreesland wulkiger un to‘n Morrn hen kann dat dar orrig natt vun baben kamen, ok Blitz un Donner köönt darbi ween. Dat Thermometer sackt op 17 bit 13 Graad. Morrn fangt de Dag in Bremen un in’t südöstliche Ümland dröög an un de Sünn kann dör de Wulken kieken. Vun’t Ollenborger Münsterland bit to’n Elv-Werser-Dreeeck kummt dat dargegen all an’n Vörmiddag to Regenschuern. Den Dag över gifft dat denn jümmer wedder meist överall dullen Regen un Grummelschuers – bi 22 bit 29 Graad. Dat weern de Narichten op Platt. Carola Schwirblat hett se tohoopstellt. Op platt trechtmaakt un vörleest hett se Heidi Jürgens.