Jetzt läuft:

Mike Oldfield & Maggie Reilly To France
  • Als nächstes läuft:

  • Um 21:20 Uhr läuft: Supertramp Goodbye Stranger
  • Jetzt läuft:

    Mike Oldfield & Maggie Reilly To France
  • Davor lief:

  • Um> 21:13 Uhr lief: Elvis Presley Long Black Limousine
  • Um> 21:08 Uhr lief: Max Giesinger Roulette
  • Um> 21:04 Uhr lief: Nik Kershaw I Won't Let The Sun Go Down On Me
  • Um> 20:57 Uhr lief: U2 One
  • Um> 20:54 Uhr lief: Mighty Oaks Brother
  • Um> 20:51 Uhr lief: Emerson Lake & Palmer Fanfare For The Common Man
  • Um> 20:47 Uhr lief: Paul Young Come Back And Stay
  • Um> 20:43 Uhr lief: Dionne Warwick Anyone Who Had A Heart
  • Um> 20:39 Uhr lief: George Ezra Budapest

Der Abend mit Norbert Kuntze

Plattdeutsche Nachrichten Plattdüütsche Narichten vun'n 17. Mai 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 17. Mai 2022

Oordeel Bettenstüer +++ Hunnerte Suldaten ut Stahlwark ruthalt +++ Ungarn sett en P vör de Straafen gegen Russland +++ Jedeen drütt Student leevt in Armot +++ Börgerschaftspräsident Imhoff is Toppkandidaat vun de CDU +++ Dat Weer

Bild: Radio Bremen

Informationen zum Audio

Oordeel Bettenstüer

Karlsroh: Städer un Gemeenden dröfft en Bettenstüer, as se dat nöömt, vun Gäst verlangen. Dat hett dat Bunnsverfatensgericht just even üm Klock half teihn beslaten. Dormit hett dat Gericht de Klaagen vun Hotelleiters ut Hamborg, Bremen un Freeborg trüchwiesen. Dat liggt doran, dat de Stüer för de Bedrieve nich över de Maaten to Last warrt. In dat Land Bremen liggt de Citytax, as se dat nöömt, bi fief Perzent vun den Nettostuuvenpries.

Hunnerte Suldaten ut Stahlwark ruthalt

Kiew: Ut dat Stahlwark in Mariupol, wat al lang attackeert wurr, wurrn mehr as 260 ukrainsche Suldaten ruthalt. Dat Ministerium för´t Verdeffenderen in Kiew maakt künnig, dat se in Oorte brocht worrn, de russche Suldaten övernahmen hebbt. Later schüllt se denn gegen gefangen Lüüd uttuscht warrn. Ünner de Minschen de rett worrn, sünd mehr as 50 Lüüd de an Lief to schaden kamen sünd.

Ungarn sett en P vör de Straafen gegen Russland

Brüssel: Wiedere EU-Straafen gegen Russland hebbt sik vunwegen de Gewenwehr vun Ungarn nich dörsett. Dat see de EU-Butenbeopdraagte Borrel an Morgen, achterna dat Drepen vun de EU-Butenminister. Eegens weer plaant dat nüms mehr Öl ut Russland köfft.

Jedeen drütt Student leevt in Armot

Berlin: Um un bi dartig Perzent vun all de, de in Düütschland studeert, gellt as arm. Dat see en Studie vun den Paritätischen Wollfahrtsverband. Een Drüttel harr dorno je Maand weniger as 800 Euro in´ne Hand, dat liggt ünner de Grenz vun Armot. De Verband foddert höögere Bafögsätz.

Börgerschaftspräsident Imhoff is Toppkandidaat vun de CDU

Bremen: Frank Imhoff schall de Bremer CDU in de tokamen Börgerschaftswahl föhren. De Börgerschaftspräsident wurr, as dormit rekent, vun den Lannsvorstand vun sien Partei vörslaan. Imhoff see, he warrt allens dorför geven, dat de CDU so stark warrt, dat nüms an ehr vörbikummt. Imhoff schall an tokamen Sünnavend bi den Parteidag ok amtlich op de List stahn. In Mai tokamen Johr schüllt de Bremer en nee´e Börgerschaft wählen.

Dat Weer

Un nu kiekt wi op dat Weer: In Cuxhaben hebbt wi 16 Graad, in Bremerhaben un Em sünd dat 17 Graad un in Bremen hebbt wi opstunns 18 Graad. Hüüt is dat eerst stark wulkig, twuschen Werser un Elv pladdert dat noch en lütt beten. Över Dag wesseln sik Sünn un Wulken af, an Namiddag sünd ok in Bremen un na´n Westen hen Schuer mööglich. De Wind weiht meist flau, man ok mal in Maaten vun de westen Kant, laterhen dreiht he vun de oosten bet op de süüdosten Kant. Dat Thermometer schafft dat op 19 bet 24 Graad. In de Nacht warrn de Schuer gau weniger, achterna seht wi mal Wulken aver ok mal de Steerns blinkern, dat is dröög. Un dat denn bi 15 bet 11 Graad. Middeweken sünd man blots lütte Wulken an Heven, meist schient de Sünn un dat is dröög. Mag ween dat sik an Namiddag in dat Werser-Ems-Rebeet en poor Schuer breet maken. Dat Thermometer kladdert op 26 bet 29 Graad.

Dat weren de Plattdüütschen Narichten. Tohoopstellt vun Katrin Martens. Op Platt trechtmaakt un vörleest vun Martina Brünjes.