Jetzt läuft:

Mike Oldfield & Maggie Reilly To France
  • Als nächstes läuft:

  • Um 21:20 Uhr läuft: Supertramp Goodbye Stranger
  • Jetzt läuft:

    Mike Oldfield & Maggie Reilly To France
  • Davor lief:

  • Um> 21:13 Uhr lief: Elvis Presley Long Black Limousine
  • Um> 21:08 Uhr lief: Max Giesinger Roulette
  • Um> 21:04 Uhr lief: Nik Kershaw I Won't Let The Sun Go Down On Me
  • Um> 20:57 Uhr lief: U2 One
  • Um> 20:54 Uhr lief: Mighty Oaks Brother
  • Um> 20:51 Uhr lief: Emerson Lake & Palmer Fanfare For The Common Man
  • Um> 20:47 Uhr lief: Paul Young Come Back And Stay
  • Um> 20:43 Uhr lief: Dionne Warwick Anyone Who Had A Heart
  • Um> 20:39 Uhr lief: George Ezra Budapest

Der Abend mit Norbert Kuntze

Plattdeutsche Nachrichten Plattdüütsche Narichten vun'n 13. Mai 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 13. Mai 2022

Bunnsdag leggt Entlastungspaket fast +++ G7-Drapen in Sleswig-Holsteen +++ Theoloogsche Gootachter seggt in’n Latzel-Perzess ut +++ Bremens Vekehrssenatersche will wieterhen Maskenplicht in Bus un Bahn +++ Bremen lockert wedder Plicht to’n Isoleern för infizeerte Lüüd +++ Dat Weer

Bild: Radio Bremen

Informationen zum Audio

Bunnsdag leggt Entlastungspaket fast

Berlin: De Energie- un Levensmiddelpriesen stiggt jümmers wieter, un en Enn is noch nich in Sicht. De Minschen in Düütschland schüllt dorüm en beten Stöhn kriegen. De Bunnsdag hett dorför en Paket to’n Entlasten beslaten. Ünner annern mööt Stüerbetahlers weniger Inkamensstüer betahlen. Bavento ward de Grundfreebedrag un dat Geld för Pendlers hoochsett. För Lüüd, de Hartz IV oder anners wat an Stöhn kriggt, gifft dat Eenmal-Geld.

G7-Drapen in Sleswig-Holsteen

Wittenhuus: De Butenministerinnen un –ministers vun de G7-Staaten snackt in Wittenhuus in Sleswig-Holsteen wieter över dat, wat de Ukraine-Krieg noch so mit sik bringen ward. To dat Drapen kaamt ok de Ministers ut de Ukraine un Moldau, Kuleba un Popescu. Güstern to’n Optakt hett de brit’sche Butenministersche Truss mehr Stöhn för de Ukraine fordert. En mutt dorför sorgen, datt Russlands Präsident Putin en Daalslag kriggt, de elkeen wietere Aggresschoon afwehrt.

Theoloogsche Gootachter seggt in’n Latzel-Perzess ut

Bremen: In’n Berufungsperzess vun’n Bremer Paster Latzel vör dat Bremer Landgericht ward hüüt twee theoloogsche Gootachter utseggen. Dorbi schall dat üm de Fraag gahn, wat dat, wat he gegen Homosexuelle seggt hett, ut theoloogsche Sicht rechtens is oder nich. De Bremer Paster harr ünner annern gegen Lüüd vun de anner Kant hisst un is dorför vun’t Amtsgericht to en Geldstraaf verurdeelt worrn. An’n eersten Perzessdag hett Latzel al kloormaakt, datt he nix gegen homosexuelle Minschen hett, sünnern blots gegen ehr sexuell Utrichten. En Ordeel in’n Perzess schall dat tokamen Week geven.    

Bremens Vekehrssenatersche will wieterhen Maskenplicht in Bus un Bahn

Bremen: Bremens Verkehrssenatersche Schaefer hett dat Enn vun de Corona-Maskenplicht in Bussen un Bahnen aflehnt. Dat is dat falsche Teken to de falschen Tiet, as de Grönen-Politikerin kritiseert. Tovör hett sik Bunnsverkehrsminister Wissing dorför utspraken, datt de Maskenplicht in Bussen un Bahnen nich mehr gellen schall.

Bremen lockert wedder Plicht to’n Isoleern för infizeerte Lüüd

Bremen: De Bremer Senaat lockert wedder de Corona-Regeln för infizeerte Lüüd. Dat Isoleern geiht bi Minschen, de sik ansteckt, aver keen Anteken hebbt, nu doch na fief Daag vun alleen wedder to Enn. En negativer Test is keen Plicht, aver en mutt twee Daag ahn Anteken ween.            

Dat Weer

Un nu en Blick op dat Weer: in Rottenborg un Bremführ 12, an’n Bremer Flegerhaben un in Bremerhaben 13, un in Cloppenborg, Leer un Deefholt sünd dat opstünns 14 Graad. Hüüt lockert dat blangen de dichten Wulkenfeller af un an op, un so gifft dat ok’n beten Sünnschien. Vun Middag an sünd toeerst an de Küst, later ok in Bremen enkelte lichte Schuer mööglich. An’n Avend löst sik de Wulken wedder op. De Temperaturen liggt twüschen 16 un 19 Graad. In de Nacht is dat meisttiets licht wulkig bet klaar. Dat blifft dröög bi 11 bet 8 Graad. Morgen geiht dat hier un dor mit hogen Daak in den Dag, meisttiets schient aver de Sünn. Över Dag gifft dat in’t Binnenland en drögen un fründlichen Wessel ut Sünnschien un opstiegen Wulken. An de Noordsee gifft dat weniger Wulken un mehr Sünnschien. Dat Thermometer kladdert op 18 bet 22 Graad. Ok de Sünndag fangt dakig an, geiht aver mit veel Sünnschien un 18 bet 26 Graad wieter.  

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Marc Gelhart.