Jetzt läuft:

10cc The Wall Street Shuffle
  • Als nächstes läuft:

  • Um 20:39 Uhr läuft: George Ezra Budapest
  • Jetzt läuft:

    10cc The Wall Street Shuffle
  • Davor lief:

  • Um> 20:31 Uhr lief: Wax Bridge To Your Heart
  • Um> 20:25 Uhr lief: Genesis In Too Deep
  • Um> 20:21 Uhr lief: Melissa Etheridge I'm No Angel Myself
  • Um> 20:16 Uhr lief: Leonard Cohen Suzanne
  • Um> 20:12 Uhr lief: Moon Martin Bad News
  • Um> 20:09 Uhr lief: Smokie Needles And Pins
  • Um> 20:05 Uhr lief: Whitney Houston I Wanna Dance With Somebody
  • Um> 19:56 Uhr lief: George Kranz Din Daa Daa (Trommeltanz)
  • Um> 19:51 Uhr lief: Bon Jovi Bed Of Roses

Der Abend mit Norbert Kuntze

Plattdeutsche Nachrichten Plattdüütsche Narichten vun'n 11. Mai 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 11. Mai 2022

Ukraine will weniger Gas dörlaten +++ Utbildung vun ukrainsche Suldaten löppt an +++ Gas warrt in den Noordwesten dürer +++ Bremen will op Veranstaltungen kene Eenmal-Beker mehr +++ EM-Endspeel in’t Berliner Olympiastadion +++ Dat Weer

Bild: Radio Bremen

Informationen zum Audio

Ukraine will weniger Gas dörlaten

Kiew: Vun hüüt op an lett de Ukraine weniger Gas ut Russland na Europa dör. Wat dor achter stickt? Wo sik Russland in de Region Luhansk fastsett hett, kunnen de Anlagen dor nich mehr kuntrolleert warrn. De russsche Kunzern Gazprom meen, dor weer nix an. Dör düsse Rohren geiht bet een Drüddel vun dat Gas, dat Russland na Europa levert.

Utbildung vun ukrainsche Suldaten löppt an

Berlin: Düütschland geiht de Militärhölp för de Ukraine nu mit mehr Wums an. Vundaag fangt de Bunnswehr dormit an, dat se ukrainsche Suldaten an de Panzerhaubitze utbillt. Lopen warrt dat in de Artillerieschool Idar-Oberstein in Rheinland-Palz. Düütschland un de Nedderlannen wüllt tosamen 12 Panzerhaubitzen 2000 an de Ukraine geven.

Gas warrt in den Noordwesten dürer

Ollenborg: Bi de EWE warrt Gas noch mal wedder dürer. Vun den 1. Juli op an köst de Kilowattstunn so wat 30 Perzent mehr. Um un bi 100.000 Kunnen vun dat Ollenborger Energie-Unnernehmen mööt denn för Gas in’n Dörsnitt 52 Euro mehr betahlen. De Arbeiterwohlfohrt maakt kloor: Wenn de Priesen so dull anstiegt, is dat en grote Last för Lüüd, de wenig verdeent. Se is bang, dat sik enige Lüüd in den tokamen Winter keen Eten un Drinken mehr köpen köönt. Dorum verlangt de AWO: För Minschen mit wenig Geld schall en Sozialtarif her.

Bremen will op Veranstaltungen kene Eenmal-Beker mehr

Bremen: De Bremsche Stadtbörgerschap hett fastleggt: Bi Veranstaltungen schüllt blots noch Beker un Töller utgeven warrn, de mehr as eenmal bruukt warrn köönt. Gellen schall dat vun März 2023. So schall de Barg an Plastikaffall lütter warrn. Eerstmal wüllt se Wegsmiet-Beker uttuuschen, een Johr later denn ok Töller un Tassen un Metzen, Gaveln un Lepel.

EM-Endspeel in’t Berliner Olympiastadion

Berlin: Dat Endspeel bi de Football-Europameisterschap 2024 löppt in Berlin. Dat hett dat Exekutivkomitee vun de UEFA fastleggt. Een Maand vörher schall dat eerste Speel in München ween. All tohoopen gifft dat 51 Spelen in teihn Stadien, so in Dortmund, Leipzig, Frankfort, Hamborg, Köln un Stuttgart. In’t Bremer Werser-Stadion gifft dat keen EM-Speel.

Dat Weer

Un woans süht dat mit dat Weer umto ut? Opstunns hebbt wi in Bremerhaven un Emm 15 Graad, in Bremen sünd dat 17 un in Deefholt 19 Graad. Vundaag: Eerst dichte Wulken, de aver blots af un an mal en poor Druppen op uns daalsmiet. Na Süden to fründlicher mit Sünnschien un Wulken. An’n Namiddag överall fründlich un dröög. Eerst gegen Avend treckt an de Küst Regen op. Dat Thermometer krabbelt in’t Binnenland op 21 bet 25 Graad, an de See 16 bet 20 Graad. De Wind dorto weiht eerst flau, later denn ok mehr vun de süüdwesten Kant. Tokamen Nacht: De Wulken un de Regen treckt vun de Küst na’t Binnenland rin. Gegen Morgen vun de Noordsee her wedder heller un dröög. Dat Ganze bi 12 bet 10 Graad. Morgen: Wenn de letzten Regenwulken över de Aller aftrocken sünd: fründlich mit Sünnschien un mal mehr, mal weniger dicke opstiegen Wulken. Meisttiets dröög. Bi 18 bet 20 Graad. An de Waterkant: 15 bet 17 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Michael Nendza.