Jetzt läuft:

Leonard Cohen Suzanne
  • Als nächstes läuft:

  • Um 20:20 Uhr läuft: Melissa Etheridge I'm No Angel Myself
  • Jetzt läuft:

    Leonard Cohen Suzanne
  • Davor lief:

  • Um> 20:12 Uhr lief: Moon Martin Bad News
  • Um> 20:09 Uhr lief: Smokie Needles And Pins
  • Um> 20:05 Uhr lief: Whitney Houston I Wanna Dance With Somebody
  • Um> 19:56 Uhr lief: George Kranz Din Daa Daa (Trommeltanz)
  • Um> 19:51 Uhr lief: Bon Jovi Bed Of Roses
  • Um> 19:47 Uhr lief: Joan Baez Wozu Sind Kriege Da
  • Um> 19:42 Uhr lief: Paul McCartney It's So Easy
  • Um> 19:39 Uhr lief: The Smiths Still Ill
  • Um> 19:35 Uhr lief: Jackie DeShannon What The World Needs Now Is Love

Der Abend mit Norbert Kuntze

Plattdeutsche Nachrichten Plattdüütsche Narichten vun'n 10. Mai 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 10. Mai 2022

Ukraine hapt, dat se bi de EU mitmaken kann +++ Macron besöcht Berlin +++ Charles bringt dat Britische Parlament op´n Weg +++ Warnstreiks in Bremerhabener Kitas +++ Rekoordsumme för Warhol-Bild +++ Dat Weer

Bild: Radio Bremen

Informationen zum Audio

Ukraine hapt, dat se bi de EU mitmaken kann

Kiew: De Ukraine hapt, dat se gau bi de EU mitmaken kann. Präsident Selenskyj see in en Videonaricht, dat sien Land al in Junimaand den Titel vun en Kandidaat kriegen künnt, de bi de EU rinkaamt. De Ukraine hett den Fraagbagen för den Andrag afgeven. Selenskyj see, dat hett goote Drepen mi de EU-Kommischionsbaas von der Leyen un den Raatspräsidenten Michel geven.

Macron besöcht Berlin

Berlin: Bi den Besöök vun Frankrieks Präsident Macron in Berlin, see he güstern: Nich för all Länner de gau bi de EU mitmaken wüllt, is dat ok möglich. Dorüm maakt he den Vörslag: In Tokunft schall dat en nee´e europääsche Tosamenarbeit güntsiet vun de EU geven. Nu mutt man en nee´e politische Form för dat tohooparbeiden finnen, so to´n Bispill bi de Afwehr, Energie or ok Freeheit to´n reisen.

Charles bringt dat Britische Parlament op´n Weg

London: De britische Königin warrt hüüt nich bi de Parlamentsinwiehn dorbi ween. De Buckingham Palast hett künnig maakt, dat de Dokters vun Queen Elisabeth ehr den Raatslag geven hebbt, dat Prinz Charles, de jichtenswann König warrt, dat in´ne Hand nimmt. De 96 Johr ole Queen harr opletzt Maleschen bi´t gahn. Se weer in de verleden 70 Johrn man blots twee mal nich bi de Thronreed dorbi, vunwegen se wat Lütts kregen hett.

Warnstreiks in Bremerhabener Kitas

Bremerhaben: De een or annere Kita in Bremerhaben un to´n Deel in Neddersassen warrt vundaag lahmleggt. Dat hett de Gewarkschop Ver.di künnig maakt, üm Druck op dat Verhanneln över de Tarife to maken. Tokamen Dünnersdag schüllt denn ok wedder de Kitas in Bremen lahmleggt warrn.

Rekoordsumme för Warhol-Bild

Nee York: En Bild vun den Popart-Künstler Andy Warhol is för üm un bi 185 Millioon Euro ünner den Hamer kamen. Dat is de hööchste Pries in en Aukschoon för en Kunstwark ut dat 20. Johrhunnert. De Siebdruck wiest de Schauspelerin Marylin Monroe ut de sösstiger Johrn mit en rosa Gesicht, rubinrooten Lippen, geelet Hoor un blauen Liddschadden vör en hellblauen Achtergrund.

Dat Weer

Un nu kiekt wi op dat Weer: In Bremerhaben hebbt wi 17 Graad, in Em sünd dat 18 Graad un in Bremen un Cuxhaben sünd dat opstunns 19 Graad. Hüüt vörmiddag slieken sik gau dichte Wulkenfeller vun de Ems un Ostfreesland in Richtung Lüneburger Heid un Aller ran, eerst seht wi aver noch en beten Sünn an Heven un dat blifft dröög. An Namiddag un Avend schafft de Sünn dat meist nich mehr, de Heven hangt vull Wulken, hier un dor kann dat ok en beten pladdern, man dat blifft warm. De Wind weiht eerst in Maaten laterhen den frisch un ok böig vun de südwesten bet westen Kant. Dat Thermometer krabbelt op 22 bet 26 Graad, op de Eilann en beten wat köhliger op 19 bet 21 Graad. In de Nacht seht wi wieder vele Wulken, hier un dor en poor Druppen. Later is vun losen bet starken Wulken allens dorbi, in Richtung Nordsee ok mal kloor un dröög un dat denn bi 13 bet 10 Graad. Middeweken trecken wieterhen dichte Wulkenfeller dör´t Land, de Sünn schafft dat meist blots in süüdliche Binnenland. Över Dag kann dat af un an en beten dröppeln, an Avend warrt dat an de Nordsee denn woll meist pladdern. Dat Thermometer schafft dat op 16 bet 23 Graad.

Dat weren de Plattdüütschen Narichten. Tohoopstellt vun Michael Nendza. Op Platt trechtmaakt un vörleest vun Martina Brünjes.