Jetzt läuft:

Belinda Carlisle Circle In The Sand
  • Als nächstes läuft:

  • Um 10:50 Uhr läuft: Sniff 'n' The Tears Driver's Seat
  • Jetzt läuft:

    Belinda Carlisle Circle In The Sand
  • Davor lief:

  • Um> 10:42 Uhr lief: Roman Lob Standing Still
  • Um> 10:36 Uhr lief: Secret Service Ten O'Clock Postman
  • Um> 10:33 Uhr lief: Billy Joel Uptown Girl
  • Um> 10:25 Uhr lief: Caro Emerald A Night Like This
  • Um> 10:22 Uhr lief: Marvin Gaye I Heard It Through The Grapevine
  • Um> 10:18 Uhr lief: Cutting Crew (I Just) Died In Your Arms
  • Um> 10:14 Uhr lief: Welshly Arms Sanctuary
  • Um> 10:08 Uhr lief: M Pop Music (Pop Muzik)
  • Um> 10:04 Uhr lief: Steve Miller Band Abracadabra

Der Vormittag mit Ansgar Langhorst

Plattdeutsche Nachrichten Plattdüütsche Narichten vun'n 12. Januar 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 12. Januar 2022

Nee´en hööchsten Weert bi Corona-Infektschoon +++ Biontech bringt nee´et Corona-Impfmiddel rut +++ Aftheken köönt nu ok de Sprütt gegen Corona geven +++ Bremer Politik will sik för Lloyd-Warft insetten +++ Gebortenrekord bi Kegelrobben op Helgoland +++ Dat Weer

Bild: Radio Bremen

Informationen zum Audio

Nee´en hööchsten Weert bi Corona-Infektschoon

Berlin: De Tahl vun nee´en Coronainfektschoon is op en nee´en hööchsten Stand. Dat Robert-Koch-Instituut mellt binnen de verleden 24 Stünnen en Weert vun 80.000 Nee-Infektschoon. Betnu leeg de Rekord bi 65.000. De Söven-Daag-Tahl is in ganz Düütschland op 407.5 krabbelt, in de Stadt Bremen liggt de Tahl middelwiel bi 1390 un in Bremerhaven bi 811.

Biontech bringt nee´et Corona-Impfmiddel rut

Mainz: Dat Mainzer Pharmaünnernehmen Biontech un sien US-Partner Pfizer hebbt anfungen en nee´et Corona-Impfmiddel to maken. Düt Middel is an dat verännerte Omikron-Virus anpasst, vermellen all beid Ünnernehmen. Enn Januarmaand schall en klinsche Studie losgahn, üm nip un nau antokieken wo goot dat Impfmiddel ansleit. Biontech-Baas Sahin meent, dat de Ünnernehmen dat Impfmiddel woll bet Enn März utlevern köönt – wenn de Behöörden dat tolaten.

Aftheken köönt nu ok de Sprütt gegen Corona geven

Bremen: De Aftheken in ganz Düütschland reken dormit, dat se op laatste in twee Weken ok de Sprütt gegen dat Corona-Virus geven dröfft. De dorvör nödige Ännerung in de Impfverorn gellt vun nu af an. De Bremer Afthekenkaamer rekent dormit, dat bet to 150 Aftheken in Bremen de Sprütt gegen dat Virus anbeden wüllt, in Neddersassen künnt dat bet to 500 ween.

Bremer Politik will sik för Lloyd-Warft insetten

Bremen: Achteran Bremens Wertschopssenatorsche Vogt un Bremerhavens Oberbörgermeister Granzt güstern de Lloyd-Warft, de nu pleite is, besöökt hebbt, hebbt se künnig maakt, dat se dorop ruut wüllt, dat de Warft wiedermaken kann. Grantz see, dat he, wenn´t op ankummt, ok vör´t Gericht geiht, dormit de Warft kumplett so blifft as se nu dor steiht. Betnu hett de Warft twee Sellschoppen, man blots een dorvun is pleite.

Gebortenrekord bi Kegelrobben op Helgoland

Helgoland: De tostännige Schutzrebeetsbaas vun Helgoland vermellt, in düssen Winter sünd betnu 669 Kegelrobben op de Welt kamen, so veel as noch nienich. Siet um un bi 25 Johren warrn de Geboorten vun Kegelrobben op de Helgoländer Düün tellt, siet de Tiet krabbelt de Tahl jedeen Johr na baven.

Dat Weer

Un nu kiekt wi op dat Weer: In Em hebbt wi twee Graad, in Bremen un Rottenborg sünd dat dree Graad un in Bremerhaven hebbt wi opstunns veer Graad. Hüüt Vörmiddag hangt de Heven vull Wulken, de Spütterregen treckt gau af, dat is daakig un diesig, an de See lacht ok mal de Sünn. Över Dag schient de Sünn denn ok in´t Binnenland, bet sik an Avend wedder dicke Wulken vun de Noordsee her breet maken. De Wind weiht in´t Binnenland flau vun de süüdwesten bet westen Kant, an de Küst weiht he in Maaten, man hier un dor ok böig, he dreiht vun de nordwesten op de süüdwesten Kant. Dat Thermometer wiest us dorbi veer bet söven Graad. In de Nacht hangt de Heven vull Wulken, de Steerns funkeln man blots mal an´ne Küst. Över Nacht kummt Daak op, meist blifft dat dröög, un dat denn bi fief bet een Graad. De Dunnersdag fang gries un daakig an un blifft ok över Dag diesig. Wenn överhaupt schafft de Sünn dat op de Eilannen or an de Küst mal kort vörbi to kieken. Tominns blifft dat dröög bi veer bet acht Graad.

Dat weren de Plattdüütschen Narichten. Tohoopstellt vun Katrin Martens. Op Platt trechtmaakt un vörleest vun Martina Brünjes.