Jetzt läuft:

Caro Emerald A Night Like This
  • Jetzt läuft:

    Caro Emerald A Night Like This
  • Davor lief:

  • Um> 10:22 Uhr lief: Marvin Gaye I Heard It Through The Grapevine
  • Um> 10:18 Uhr lief: Cutting Crew (I Just) Died In Your Arms
  • Um> 10:14 Uhr lief: Welshly Arms Sanctuary
  • Um> 10:08 Uhr lief: M Pop Music (Pop Muzik)
  • Um> 10:04 Uhr lief: Steve Miller Band Abracadabra
  • Um> 09:55 Uhr lief: Snow Patrol Chasing Cars
  • Um> 09:50 Uhr lief: Alan Parsons Project Lucifer
  • Um> 09:45 Uhr lief: Gianna Nannini Bello E Impossibile
  • Um> 09:43 Uhr lief: Milow Doc Doc Doctor

Der Vormittag mit Ansgar Langhorst

Plattdeutsche Nachrichten Plattdüütsche Narichten vun'n 11. Januar 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 11. Januar 2022

EU-Parlamentspräsident Sassoli is doot +++ Corona-Infektschoon warrn mehr un mehr +++ Demonstratschoon rund um de Corona-Regeln +++ Verhanneln över klamme Lloyd-Warft +++ Geldsprütt för Spoortvereene in Bremen +++ Dat Weer

Bild: Radio Bremen

Informationen zum Audio

EU-Parlamentspräsident Sassoli is doot

Brüssel: David Sassoli is verleden Nacht mit 65 Johrn in en Krankenhuus in Italien doot bleven, dat maakt en Spreker vun de Europääschen Union künnig. Sassoli wurr dor siet mehr as twee Weken vunwegen sien Immunsystem vun Dokters versorgt. He weer Sozialdemokrat un hett siet dree Johren dat Leit vun dat Europääsche Parlament hatt.

Corona-Infektschoon warrn mehr un mehr

Berlin: Dat Robert-Koch-Instituut mellt binnen 24 Stünnen mehr as 45.000 nee Infektschoon in ganz Düütschland. Dat sünd 15.000 mehr as verleden Dingsdag. De Söven-Daag-Tahl liggt nu bi 388. In dat Land Bremen hebbt wi en neen hööchsten Stand. De Gesundheitsbehöörd mellt en Söven-Daag-Tahl in de Stadt Bremen vun 1260 un in Bremerhaven liggt de bi 812. Dorto hebbt sik mehr as 1600 Minschen in de verleden 24 Stünnen nee mit dat Corona-Virus ansteken, meist kaamt de ut de Stadt Bremen.

Demonstratschoon rund um de Corona-Regeln

Bremen: Teihndusend Minschen sünd in ganz Düütschland för un gegen de Corona-Regeln op de Straat gahn, man ok in Rostock, Schwerin, Köln, Nörnbarg un Magdeborg. Ok in den Noordwesten weren de Minschen ünnerwegens, dorünner in Bremen un Bremerhaven. In den Kreis Ollenborg, in Veern un Demorst weren överall mehrere hunnert Minschen op de Straat. Hier un dor geev dat Rangeleen mit de Polizei, meist leep dat aver ahn Krawall.

Verhanneln över klamme Lloyd-Warft

Bremerhaven: Bremens Senatorsche för Weertschop un Haven Vogt un Schilling, snackt an´n Middag mit den Insolvenzverwalter de för´n Övergang de Pleite vun de Bremerhavener Lloyd-Warft verhannelt. Mit dorbi sünd ok Bremerhavens Oberbörgermeister Grantz, de IG Metall un de Bedrievsraat vun de Warft. Achteran se över de Tokunft vun de Warft snackt hebbt, is en Bedrievsversammeln plaant. De Lloyd-Warft hett güstern, evenso as de Warften vun den Genting-Konzern in Meckelnbörg-Vörpommern, en Insolvenzandrag stellt.

Geldsprütt för Spoortvereene in Bremen

Bremen: Sportvereene in dat Land Bremen schüllt ok düt Johr wedder Corona-Hölp kriegen. De Senat will dorvör rund 2,5 Millionen Euro praat stellen. Geller gifft dat ok, üm nee´e Liddmaaten antowarven, wedder Euros in de Kass to bringen vunwegen den Utfall dör Corona or dorvör Hygieneregeln ümtosetten.

Dat Weer

Un nu kiekt wi op dat Weer: In Bremen hebbt wi minus twee Graad, in Bremerhaven un Em sünd dat minus een Graad un in Cuxhaven sünd dat opstunns Null Graad. An Vörmiddag is dat meist överall diesig un daakig, de Sünn schafft dat hier un dor blots mol kort dordör, meist blifft dat dröög. An Namiddag kriegt wi in´t süüdliche Binnenland en beten Sünn to sehen, vun de Noordsee her slieken sik wedder Wulken ran, na´n Avend hen fangt dat vun Oostfreesland her an to pladdern. De Wind weiht flau, op de Eilannen in Maaten vun Tiet to Tiet ok bööig vun de süüden Kant. Dat Thermometer wiest us minus een bet plus dree Graad. In de Nacht hangt de Heven vull Wulken, en lütt Regenstreek treckt langsam in´t Binnenland. Dorvör un dorachtern is dat dröög un dat denn bi null bet dree Graad. Middeweken verswinnt de Spütterregen gau un vun de Noordsee her troet sik de Sünn ruut. Över Namiddag un an Avend schickt us de Noordsee denn wedder dicke Wulken, de aver meist kien Regen mitbringen. Dorbi wiest dat Thermometer denn veer bet söven Graad.

Dat weren de Plattdüütschen Narichten. Tohoopstellt vun Ralph Stölting. Op Platt trechtmaakt un vörleest vun Martina Brünjes.