Jetzt läuft:

Snow Patrol Chasing Cars
  • Als nächstes läuft:

  • Um 10:09 Uhr läuft: Steve Miller Band Abracadabra
  • Jetzt läuft:

    Snow Patrol Chasing Cars
  • Davor lief:

  • Um> 09:50 Uhr lief: Alan Parsons Project Lucifer
  • Um> 09:45 Uhr lief: Gianna Nannini Bello E Impossibile
  • Um> 09:43 Uhr lief: Milow Doc Doc Doctor
  • Um> 09:38 Uhr lief: Cat Stevens Peace Train
  • Um> 09:33 Uhr lief: The Stranglers Always The Sun
  • Um> 09:25 Uhr lief: Madonna Holiday
  • Um> 09:22 Uhr lief: Sportfreunde Stiller Applaus, Applaus
  • Um> 09:16 Uhr lief: The Beatles We Can Work It Out
  • Um> 09:08 Uhr lief: Michael Jackson & Siedah Garrett I Just Can't Stop Loving You

Der Vormittag mit Ansgar Langhorst

Plattdeutsche Nachrichten Plattdüütsche Narichten vun'n 10. Januar 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 10. Januar 2022

Scholen fangt an mit Ünnericht vor Oort +++ Söben-Daag-Inzidenz kladdert wieter na baben +++ 2Gplus gellt vun hüüt an in Bremen +++ Lauterbach künnigt mehr Regeln un Schranken an +++ Djokovic draff na Australien inreisen +++ Dat Weer

Bild: Radio Bremen

Informationen zum Audio

Scholen fangt an mit Ünnericht vor Oort

Bremen – In acht Bunneslännern geht de School na de Wiehnachtsferien wedder los – so ok in Bremen un Neddersassen. De Ünnericht fangt heel normal in’t Klassenzimmer an, obschons de Coronatallen so na baben kladdert. De Schöler mööt sik erstmal elkeen Dag testen. De Kultusminister vun de Länner hebbt sik in de verleden Week darop eenigt, överall in de Scholen mit’n Ünnericht antofangen.

Söben-Daag-Inzidenz kladdert wieter na baben

Berlin – De Söben-Daag-Inzidenz in Dütschland vun de Lüüd, de sik nee mit Corona ansteekt hebbt, is wieter na baben kladdert. Dat Robert-Koch-Institut vermellt een Wert vun 375,5 – so hooch as toletzt vör Wiehnachten. Bremen hett darbi wieter de Nääs vörn, obschon de Tall een beten daalgahn is. Dat Land hett 461 nee’e Fälle faststellt, 78 darvun in Bremerhaben. De Inzidenz liggt in Bremen bi 1080, in Bremerhaben liggt de Wert bi 762.

2Gplus gellt vun hüüt an in Bremen

Bremen – In de Stadt Bremen gellt nu in noch mehr Flachs in de Stadt 2G-Plus. Wiel de Inzidenz na baben stiegt un de Krankenhüüs mehr un mehr Arbeit hebbt, harr de Senat in de verleden Week de Warnstuuf 4 in Kraft sett. Darnah mööt sik ok Lüüd, de duppelt impft sünd, testen laten. Utnahmen gellt blots vör Minschen, de de drütte Sprütt kregen hebbt un för Lüüd, de ehr tweete Impfung nicht mehr as dree Maand her is.

Lauterbach künnigt mehr Regeln un Schranken an

Bremen – Bunnesgesundheitsminister Lauterbach glöövt dat dat dringend nödig is, noch mehr Regeln un Schranken in’n Kampf gegen de Omikron-Virus-Oort intoföhrn. De SPD-Politiker sä an’n Abend in de ARD, dat wat Bund un Länner an’n Freedag besluten hebbt, wees twars een wichtig Schreed na vörn. Dat ward man aver nich langen, üm Omikron ünnertokregen. Een Dörsüken wees veel to gefährlich – vör allens wiel antonehmen is, dat Lüüd, de nich impft sünd, swarer dör Omikron krank weern köönt.

Djokovic draff na Australien inreisen

Melbourne – Tennis-Profi Novak Djokovic hett in’n Striet um sien Inreisen na Australien erstmal wunnen. Een Gericht in Melbourne hett entscheden, dat sien Visum in Ordnung weer. De 34-Jöhrige draff nu ok ut dat Hotel rut, in dat he siet Middeweken ünnerbröcht weer. Dat Djokovic bi de Australian Open vun’n tokamen Mondag an mitspelen kann, is aver noch nich seker. De australsche Regeern hett all ankünnigt, se will pröfen, of dat Visum doch nich gellen schall.

Dat Weer

Un nu een Blick op dat Weer: in Deefholt 0, in Bremen 2, in Bremerhaven 3 un op Wangerooge sünd dat opstunns 4 Graad. Hüüt ward de Dag twüschen Werser un Elv gries, de Heben lockert meist nich op un een paar Druppen köönt fallen. In’n Westen kann aver ok mal de Sünn rutkieken, bi 4 bit 6 Graad. Tokamen Nacht treckt Nevel op, de hier un dar ok dick weern kann. Meist blifft dat dröög, blots verenkelt kann dat Sprütteregen geven. Dat Thermometer sackt op plus 2 bit minus 2 Graad. Morrn blifft dat gries mit Nevel or hogen Nevel – de Sünn kiekt blots hier un dar mal rut. Darbi blifft dat an’n Morrn un Vörmiddag meist dröög, later treckt aver vun de Nordsee her Wulken op un an de Küst kann Regen fallen – bi 2 bit 4 Graad. Dat weern de Narichten op Platt. Katrin Martens hett se tohoopstellt. Op platt trechtmaakt un vörleest hett se Heidi Jürgens.