Jetzt läuft:

Lionel Richie Say You, Say Me
  • Als nächstes läuft:

  • Um 11:09 Uhr läuft: Kim Wilde Kids In America
  • Jetzt läuft:

    Lionel Richie Say You, Say Me
  • Davor lief:

  • Um> 10:52 Uhr lief: Six Was Nine Drop Dead Beautiful
  • Um> 10:50 Uhr lief: Sniff 'n' The Tears Driver's Seat
  • Um> 10:46 Uhr lief: Belinda Carlisle Circle In The Sand
  • Um> 10:42 Uhr lief: Roman Lob Standing Still
  • Um> 10:36 Uhr lief: Secret Service Ten O'Clock Postman
  • Um> 10:33 Uhr lief: Billy Joel Uptown Girl
  • Um> 10:25 Uhr lief: Caro Emerald A Night Like This
  • Um> 10:22 Uhr lief: Marvin Gaye I Heard It Through The Grapevine
  • Um> 10:18 Uhr lief: Cutting Crew (I Just) Died In Your Arms

Der Vormittag mit Ansgar Langhorst

Plattdeutsche Nachrichten Plattdüütsche Narichten vun'n 5. Januar 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 5. Januar 2022

Faeser: Hart gegen Gewalt op Corona-Demos angahn +++ Gesundheitsministers vun Bund un Länner snackt över Corona +++ Mehr Corona-Kranke +++ Bremen: Een Punkt mehr op de Wohrschau-List +++ Veel Wind vun achtern för Steinmeier +++ Dat Weer

Bild: Radio Bremen

Informationen zum Audio

Faeser: Hart gegen Gewalt op Corona-Demos angahn

Berlin: Bunnsbinnenministersch Faeser hett seggt: Ja, gegen Lüüd, de mit Gewalt gegen Corona-Regeln angaht, müss de Staat hart gegenangahn. De SPD-Fro sä: Wenn de Minschen hart in jümehr Denken un Doon sünd un groff warrt, denn müss dor en P vör sett warrn. De Rechtsstaat müss denn mit Macht dor gegenangahn. Faeser hett ok rutstellt: In de Corona-Tiet harrn sik blots wenige Lüüd vun den Staat afwennt.

Gesundheitsministers vun Bund un Länner snackt över Corona

Berlin: De Gesundheitsministers vun Bund un Länner wüllt vundaag över de Corona-Laag snacken. Dorför hebbt se korthannig en Video-Kunferenz ansett. Een Punkt is: Schüllt de Karantään-Tieden körter maakt warrn, vör allen för Lüüd, de in’t Krankenhuus arbeiden doot, bi de Polizei, de Füerwehr, bi Rettungsdeensten, Telekommunikatschoon un Stroom- un Waterbedrieven.

Mehr Corona-Kranke

Berlin/Bremen: Dat Robert-Koch-Institut vermellt: In 24 Stunnen hebbt sik meist 59.000 Minschen in Düütschland nee mit Corona ansteken. Dat sünd um un bi 18.900 mehr as vör ene Week. För ganz Düütschland geiht de Söven-Daag-Tall hooch op 258,6. För de Stadt Bremen steiht de Söven-Daag-Tall bi 621, in Bremerhaven bi 350.

Bremen: Een Punkt mehr op de Wohrschau-List

Bremen: Vunwegen de Omikron-Virus-Oort leggt de Senat strengere Corona-Regeln fast. Dorför wüllt se op de Wohrschau-List den neen Punkt 4 inrichten. Un de 2G-Plus-Regel schall mehr insett warrn as bet nu. Punkt 4 op de Wohrschau-List gellt, wenn de Hospitaliserens-Tall grötter is as 9 – un dat is opstunns in Bremen so. Denn gellt: Blots Minschen, de sik hebbt impfen laten oder wedder gesund sünd un de bavento en negativen Test vörwiesen köönt, dröfft in en Kroog, in’t Cafe oder Restaurang rin oder Steden för Kultur besöken. Junge Lüüd bet 16 bruukt keen Test. De 2G-Plus-Regel gellt ok nich för Lüüd, de al de Opfrisch-Sprütt kregen hebbt oder bi de dat Impfen nich mehr as dree Maand her is.

Veel Wind vun achtern för Steinmeier

Berlin: Söss Weken is dat noch hen, bet de Bunnsversammlung tohoopkummt. Nu wiest sik, dat Bunnspräsident Steinmeier för en twete Amtstiet veel Wind vun achtern kriggt. Ok CDU un CSU wüllt woll för em stimmen. De Top-Lüüd vun de beiden Parteien besnackt de Saak vundaag. Jüst in düsse Minuten wüllt se jemehrn Standpunkt bekannt maken.

Dat Weer

Un woans süht dat mit dat Weer umto ut? Opstunns hebbt wi in Bremen, Bremerhaven un Neenborg 3 Graad, in Leer sünd dat 4 Graad. Vundaag: Mal en lütt beten Sünnschien, mal dichte Wulken. Vun de Noordsee her treckt mal um mal Schuer mit Regen, Sneeregen oder Grisselgrussel rin, de ok mal deegt tokehr gahn köönt. Ok mal mit Blitz un Dunnerslag. Dat Thermometer krabbelt op 5 bet 7 Graad. De Wind dorto weiht in Maten, he dreiht vun Süüdwest bet West op Noordwest. Ok mit störmsche Böen. An de See un woneem en Schuer daalkummt sogor deegte Stormböen. Tokamen Nacht: Jümmers noch Snee, Sneeregen oder Grisselgrussel, mit de Tiet warrt dat weniger. Wo dat nich pladdert, kriegt wi ok de Steerns to sehn. Bi 2 Graad över bet 2 Graad ünner 0 kann dat glatt warrn. Morgen: Eerst noch Snee. Man denn warrt dat heller, un de Sünn kummt vör Dag. Bi 4 bet 6 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Ulrike Müller.