Jetzt läuft:

Roman Lob Standing Still
  • Als nächstes läuft:

  • Um 10:46 Uhr läuft: Belinda Carlisle Circle In The Sand
  • Jetzt läuft:

    Roman Lob Standing Still
  • Davor lief:

  • Um> 10:36 Uhr lief: Secret Service Ten O'Clock Postman
  • Um> 10:33 Uhr lief: Billy Joel Uptown Girl
  • Um> 10:25 Uhr lief: Caro Emerald A Night Like This
  • Um> 10:22 Uhr lief: Marvin Gaye I Heard It Through The Grapevine
  • Um> 10:18 Uhr lief: Cutting Crew (I Just) Died In Your Arms
  • Um> 10:14 Uhr lief: Welshly Arms Sanctuary
  • Um> 10:08 Uhr lief: M Pop Music (Pop Muzik)
  • Um> 10:04 Uhr lief: Steve Miller Band Abracadabra
  • Um> 09:55 Uhr lief: Snow Patrol Chasing Cars

Der Vormittag mit Ansgar Langhorst

Plattdeutsche Nachrichten Plattdüütsche Narichten vun'n 4. Januar 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 4. Januar 2022

Expertenraat snackt hüüt ok över Quarantään-Regeln +++ Söven-Daag-Tahl krabbelt in Bremen wieder na baven +++ Dusende Minschen gaht vunwegen de Corona-Regeln op de Straat +++ Krüüzfohrer fröher as plaant wedder in Bremerhaven +++ Hunnertdusende Minschen ahn Stroom achteran en Sneestorm an de US-Oostküst +++ Dat Weer

Bild: Radio Bremen

Informationen zum Audio

Expertenraat snackt hüüt ok över Quarantään-Regeln

Berlin: De Expertenraat vun de Bunnsregerung snackt hüüt doröver, wo dat mit de weltwiede Süük wiederlöppt. Dat geiht üm dat verännerte Omikron-Virus, dat sik böös utbreet, aver ok dorüm de Quarantään in Tokunft kötter to maken, dat schall denn ok för Patschenten gellen, de mit en Infektschoon alleen in en Patschentenstuuv liggen. Wetenschaftler un Fachlüüd de sik för de Rechte vun Patschenten insetten seggen, dat geiht woll, wenn de Minschen to glieke Tiet en PCR-Test maken. För Freedag is denn wedder en Bunn-Länner-Drepen plaant.

Söven-Daag-Tahl krabbelt in Bremen wieder na baven

Bremen: In de Stadt jumpt de Söven-Daag-Tahl wiederhen na baven. Nu liggt se bi 596. De Krankenhuus-Grupp vun de Stadt „Gesundheit Nord“ stellt sik dorüm op mehr Corona-Patschenten in. Totiets richt de Geno in dat Krankenhuus Links vun´ne Werser dorüm en extra Corona-Statschoon in, see en Spreker to buten un binnen. Alltohoop kann de Geno denn 65 Corona-Patschenten opnehmen. In Momang liggen 47 Lüüd mit Covid in den Krankenhüüs vun de Geno. In de ganzen Stadt warrt sik opstunns üm 91 Corona-Patschenten in Krankenhüüs kümmert.

Dusende Minschen gaht vunwegen de Corona-Regeln op de Straat

Berlin: Överall in Düütschland weren güstern Avend dusende Minschen, vunwegen se gegen de Corona-Regeln sünd, op de Straat. In Sachsen, Sachsen-Anhalt un Hessen geev dat dorbi Krawall. Man ok in de Kreise Veern, Osterholt un Ollenborg aver ok in Bremen weren Lüüd op de Straat, mitmaakt hebbt dor meist ünner eenhunnert Minschen. De meersten Lüüd weren in Veern ünnerwegens, dor weren rund 300 Minschen op de Straat. Hier un dor weren ok Lüüd op de Straat, de för de Corona-Regeln sünd.

Krüüzfohrer fröher as plaant wedder in Bremerhaven

Bremerhaven: De Krüüzfohrer „MS Amera“ is vunwegen en poor Corona-Infektschoon an Bord fief Daag fröher as plaant wedder trööch in Bremerhaven. De Reise-Utrichter „Phönix Reisen“ maakt künnig, dat en poor vun de Seelüüd positiv op Corona test wurrn. De Arbeiters, de sik mit Corona ansteken hebbt, worrn op de Kanaren in Quarantään schickt. Vun de reisen Lüüd is betnu nüms positiv test. „Phönix Reisen“ hett de ansluten Reis vun de Amera afseggt. Vun Sünndag af an weer egens en 60-Daag-Mittelmeerreis för dat Schipp plaant.

Hunnertdusende Minschen ahn Stroom achteran en Sneestorm an de US-Oostküst

Washington: Achteran en gewaltigen Sneestorm an de Oostküst vun de USA, sünd hunnertdusende Minschen ahn Strom, man ok de Straaten sünd hier un dor dicht. In de Hauptsaak hett de Bunnsstaat Virginia wat afkregen, dor weren rund 400.000 Huusholden ahn Stroom. In de Hauptstadt Washington kemen, binnen en poor Stünnen, binah 20 Zentimeters Neesnee daal. Dorüm mööt de Schoolkinner achter de Ferien ok nich hüüt na de School, se fangt in Washington eerst övermorgen wedder an.

Dat Weer

Un nu kiekt wi op dat Weer: In Bremerhaven un Em sünd dat 7 Graad, in Bremen un Demorst hebbt wi opstunns 8 Graad. Hüüt hangt de Heven vull Wulken un vun Tiet to Tiet pladdert dat. Över Namiddag trecken de Wulken na de Wümme hen af un vun de Noordsee her warrt dat en beten wat fründlicher. Liekers kann dat en poor Drüppen geven. De Wind weiht flau, an de Noordsee in Maaten, an´n Avend ok frisch, he dreiht vun de süüdwesten bet westen Kant op de westen bet noordwesten Kant un dat denn bi 7 bet 8 Graad. In de Nacht seht wi meist Wulken an Heven, man hier un dor köönt wi ok de Steerns funkeln sehen, dorbi blifft dat meist dröög. An de Küst mehr Wulken, hier kann dat ok mal en beten schuern, dat Thermometer sackt op 4 bet 0 Graad. Middeweken wesseln sik Sünn un Wulken af, vun de Noordsee her slieken sik wedder dicke Wulkenfeller in´t Land de denn Regen, Sneeregen un Grisselgrussel mitbringen. Mag ween, dat ok mal Blitz un Donnerslag dorbi sünd. Dat Thermometer wiest us 6 bet 8 Graad.

Dat weren de Plattdüütschen Narichten. Tohoopstellt vun Carola Schwirblat. Op Platt trechtmaakt un vörleest vun Martina Brünjes.