Jetzt läuft:

Cutting Crew (I Just) Died In Your Arms
  • Als nächstes läuft:

  • Um 10:22 Uhr läuft: Marvin Gaye I Heard It Through The Grapevine
  • Jetzt läuft:

    Cutting Crew (I Just) Died In Your Arms
  • Davor lief:

  • Um> 10:14 Uhr lief: Welshly Arms Sanctuary
  • Um> 10:08 Uhr lief: M Pop Music (Pop Muzik)
  • Um> 10:04 Uhr lief: Steve Miller Band Abracadabra
  • Um> 09:55 Uhr lief: Snow Patrol Chasing Cars
  • Um> 09:50 Uhr lief: Alan Parsons Project Lucifer
  • Um> 09:45 Uhr lief: Gianna Nannini Bello E Impossibile
  • Um> 09:43 Uhr lief: Milow Doc Doc Doctor
  • Um> 09:38 Uhr lief: Cat Stevens Peace Train
  • Um> 09:33 Uhr lief: The Stranglers Always The Sun

Der Vormittag mit Ansgar Langhorst

Plattdeutsche Nachrichten Plattdüütsche Narichten vun'n 3. Januar 2022

Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.

Plattdüütsche Narichten vun'n 3. Januar 2022

Zentralrat vun de Muslime is för de allgemeene Plicht to Impfen +++ RKI stellt 18 518 Corona-Neeinfektionen fast- Inzidenz bi 232,4 +++ Lauterbach seggt nee`e Regeln för Corona-Quarantäne an +++ Gemeend-Spitzenverbänne verlangt mehr Geld för Schutz vör groot Malöör +++ Agentur för Arbeit raadt Wiederbilden an +++ Dat Weer

Bild: Radio Bremen

Informationen zum Audio

Zentralrat vun de Muslime is för de allgemeene Plicht to Impfen

Ossenbrüch: De Zentralrat vun de Muslime in Düütschland hett sik för eene allgemeene Corona -Impfplicht utsproken. In de “ Nee´en Ossenbrüchner Zeitung” heet dat, dat se all siet den Sommer eene Impfkampangne in Gang sett hebbt. To´n Bispeel bi Freedags-Predigten un Veranstalten för de Opklärung. Över eene allgemeene Plicht to Impfen will sik de Bunnsdag in de tokamen Week beraden.

RKI stellt 18 518 Corona-Neeinfektionen fast- Inzidenz bi 232,4

Berlin: Dat Robert-Koch-Institut hett den fievten Dag achtereenanner vermellt, dat de Seven-Daag-Tall bunnswiet anstegen is. De Weert liggt nu bi 232,4. Ok in de Stadt Bremen geiht de Tall vun de Corona-Infektionen in de Höchte. In Bremen liggt de Inzidenz nu bi 513,9. Man de Tall kann ok noch höger sien, weil sik över de Fierdagen nich so vele Minschen op Corona test hebbt, un sik ok nich krank mellt hebbt. In Bremen un Bremerhaben gellt jüst de höchste Corona- Wohrschaulist.

Lauterbach seggt nee`e Regeln för Corona-Quarantäne an

Berlin: Minister för Gesundheit Lauterbach rekent dormit, dat se flink fastleggt, dat de Quarantänefristen bi Corona-Infektionen beknappt warrt. Na de Bund-Länner-Rund an´t Feedag gifft dat op jeden Fall nee`e Beslutens, seggt he in de Utfrage-Runn vun RTL/ntv. Wat de Quarantäne för Kuntaktlüüd, or de Tied för de Isolation för Lüüd, de Corona hebbt,  beknappt warrt, is noch nich klar.

Gemeend-Spitzenverbänne verlangt mehr Geld för Schutz vör groot Malöör

Hannover: Gemeend-Spitzenverbänne in Neddersassen verlangt mehr Geld för Schutz vör groot Malöör. Vun´t Bund kriggt dat Land aktuell 9 Millionen Euro för de Johre 2021 un 2022, dormit se een Sirenennetz op de Been stellt. Man dat reckt lang nich ut, seggt de Binnenminister vun Neddersassen Pistorius. In Würklichkeit bruukt Neddersassen alleen 80 bit 100 Millionen Euro dorför, hett dat wieter. Dat Land prüft nu, wat se Sülvst to de Bunnsmittel wat to den Sirenenutboe bistüern köönt.

Agentur för Arbeit raadt Wiederbilden an

Hannover: De Regionaldirektion vun de Agentur för Arbeit in Neddersassen/Bremen raadt Minschen ohn Arbeit un mit Arbeit an, sik ut un wieter billen to laten. Dat verbetert ehre Chancen op de Arbeitsmarkt. För Lüüd, de in ehren Job mit Digitalisierung to doon hebbt, warrt dat jümmers wichtiger sick wieter to billen. De Agentur hett dorför vele Angebote sik beraden to laten un wieter to bilden. För 2022 sünd dorför in Neddersassen rund 178 Millionen Euro inplaant, un för Bremen rund 38 Millionen Euro. Dat is düütlich mehr, as in´t verleden Johr.

Dat Weer

Un nu een Blick op dat Weer: in Leer, in Achim, in Bremen un in Bremerhaben sünd dat opstünns 9 Graad. Hütt hebbt wi jümmers wedder vele Wulken an´t Heven, de Schuers mitbringt. Hier un dor is ok Regen mit Blitz un Dunnerslag mööglich. Af un an kriegt wi ok mal de Sünn to sehn, bi 9 bit 11 Graad. Tokamen Nacht: nich ganz so vele Wulken un dat blifft meist dröge. Blots an de Küst sünd mal Schuers mööglich. To´n Morrn hen warrd de Wulken wedder vun´t Emsland un Ollenborger Münsterland her wedder dichter, un denn kann dat ok mal Regen geven, 7 bit 5 Graad. Morgen hebbt wi wedder dichte Wulken un dat gifft jümmers wedder Schuers. To´n Avend hen lockert dat so´n beten op, bi 6 bit 8 Graad. Middeweeken wesselt sik de Sünn un de Wulken af. Wi mööt mit Regen, Sneeregen un Grisselgrussel reken. Ok Blitz un Dunnerslag sünd mööglich, bi 3 bit 5 Graad. Dat weren de Narichten op Platt. Tohoopstellt hett se Carola Schwirblat. Trechtmaakt un vörleest vun Antje Kruppa.