Jetzt läuft:

Georgie Fame Sitting In The Park
  • Als nächstes läuft:

  • Um 19:08 Uhr läuft: The Lovin' Spoonful Do You Believe In Magic?
  • Jetzt läuft:

    Georgie Fame Sitting In The Park
  • Davor lief:

  • Um> 18:52 Uhr lief: George Harrison & Jim Horn Bangla Desh
  • Um> 18:47 Uhr lief: The Beatles Think For Yourself
  • Um> 18:44 Uhr lief: The Bobbies Forever Rock'N'Roll
  • Um> 18:35 Uhr lief: The Germans Angelique
  • Um> 18:30 Uhr lief: James Brown Sex Machine
  • Um> 18:26 Uhr lief: Alan Price The House That Jack Built
  • Um> 18:22 Uhr lief: Lake & Palmer Emerson Nut Rocker
  • Um> 18:15 Uhr lief: Traffic Light Up Or Leave Me Alone
  • Um> 18:12 Uhr lief: George Harrison All Things Must Pass

Beat-Club mit Lutz Hanker

Plattdeutsche Nachrichten Plattdüütsche Narichten vun'n 25. November 2021

Plattdüütsche Narichten vun'n 25. November 2021

Audio vom 25. November 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Mehr as 100.000 Corona-Dode +++ Corona-Wohrschaulist 2 in Bremen un Bremerhaben +++ Beraden över dat Verleggen vun Intensivpatschenten +++ Gröne fangt Urafstimmen för Ampel-Koalitschoon an +++ Merkel snackt mit Morawiecki över de Laag an belarus‘sch-polnische Grenz +++ Dat Weer

Informationen zum Audio

Mehr as 100.000 Corona-Dode

Berlin: De Tall vun Corona-Doden in Düütschland is nu över de Grenz vun 100.000 ruutgahn. Dat Robert Koch-Institut mellt an’n Morgen, datt binnen 24 Stünnen wietere 351 Minschen na en Corona-Infekschoon doodbleven sünd. Dormit gifft dat 100.119 Corona-Dode in Düütschland. De Tall vun Corona-Neeinfekschonen is middewiel op en nee’en hööchsten Stand kamen. Na Utkunft vun’t RKI sünd güstern meist 76.000 Neeinfekschonen noteert worrn.

Corona-Wohrschaulist 2 in Bremen un Bremerhaben

Bremen: Ok hier hebbt sik in de verleden Weken jümmer mehr Minschen mit dat Covid 19-Virus infizeert. In de Stadt Bremen gellt vun hüüt an de Corona-Wohrschaulist 2. In Bremerhaben gellt se vun morgen an. Dormit grippt an veele Steden de 2G-Regel. Denn dröfft dor blots Lüüd rin, de impft oder na en Infekschoon wedder gesund worrn sünd.

Beraden över dat Verleggen vun Intensivpatschenten

Berlin: Bund un Länder snackt hüüt över dat wietere Vörgahn, wenn Intensivpatschenten to’n Behanneln in anner Krankenhüüs ümtrecken mööt. Dorachter stickt de leege Corona-Situatschoon. Dorto gifft dat en Videokonferenz vun de Gesundheitsministerinnen un –minister. Bi dat Verleggen vun Patschenten wüllt se na dat so nöömte Kleverblatt-Prinzip vörgahn. Dat Konzept süht vör, datt toeerst binnen de fief Regionen West, Noord, Oost, Süd un Südwest verleggt ward. Wenn in düsse Regionen keen Intensivbetten mehr free sünd, ward dat Ümtrecken vun dor in en vun de anner Regionen oder in’t Butenland organiseert.  

Gröne fangt Urafstimmen för Ampel-Koalitschoon an

Berlin: Na dat dat Verhanneln för en Ampel-Koalitschoon to Enn gahn is, hebbt nu de Maten vun de Parteien dat Woort. De Grönen wüllt hüüt al en Urafstimmen anfangen. Tovör wüllt se bekanntgeven, wecke Minister se för de nee’e Regeern stellen wüllt. Bi SPD un FDP sünd för Anfang Dezember Parteidaag plaant.

Merkel snackt mit Morawiecki över de Laag an belarus‘sch-polnische Grenz

Berlin: Kanzlersche Merkel, de de Geschäfte opstünns eerst noch wieterföhrt, snackt hüüt mit Polens Regerungsböversten Morawiecki över de Situatschoon vun de Migranten an de belarus’sch-polnischen Grenz. Tovör säe Regerungsspreker Seibert, datt Polen en asig Opgaav hett – jüst so as de annern Länder, de sik en Grenz mit Belarus deelt. Merkel will Morawiecki all ehr Stöön toseggen, so as se dat al an’t Telefon daan hett. Siet mehrere Weken versöcht Dusende vun Migranten, vun Belarus över de EU-Butengrenz na Polen oder in de baltischen Länder to kamen.

Dat Weer

Un nu en Blick op dat Weer: an’n Bremer Flegerhaben, in Leer un Nordholt 5, in Bremerhaben un Cuxhaben 6, un op Borkum sünd dat opstünns 8 Graad. Hüüt is dat toeerst dicht wulkig un gries, hier un dor ok mit lichten Regen, de an’n Middag ok in Bremen ankummt. An’n Namiddag lockert dat eerst an de Noordsee op. Denn is villicht ok mal de Sünn to sehn. In’n Süden vun Bremen lockert de Wulken woll eerst op, wenn de Sünn ünnergahn is. De Temperaturen liggt twüschen 6 un 9 Graad. In de Nacht is dat eerst noch licht wulkig. Vun de Küst treckt enkelte Schuer in’t Binnenland. Later ward de Wulken dichter, denn gifft dat an de Küst wedder mehr Schuer. Dat Thermometer fallt op 4 bet 1 Graad. Morgen kann dat an’n Vörmiddag noch oplockern. Wieldess treckt an de Noordsee en poor Schuer op. An’n Middag ward de Schuer weniger, aver de Wulken dichter. An’n Avend gifft dat fakener Regen bi 4 bet 5 Graad.

Dat weern de Narichten op platt. Tohoopstellt hett se Ulrike Müller. Op Platt trechtmaakt un vörleest vun Marc Gelhart.