Jetzt läuft:

Donna Summer She Works Hard For The Money
  • Als nächstes läuft:

  • Um 17:37 Uhr läuft: Kajagoogoo Too Shy
  • Jetzt läuft:

    Donna Summer She Works Hard For The Money
  • Davor lief:

  • Um> 17:28 Uhr lief: Kool & The Gang Cherish
  • Um> 17:24 Uhr lief: Take That The Flood
  • Um> 17:18 Uhr lief: Meat Loaf Bat Out Of Hell
  • Um> 17:14 Uhr lief: Spandau Ballet True
  • Um> 17:09 Uhr lief: Frans If I Were Sorry
  • Um> 17:05 Uhr lief: Jermaine Jackson & Pia Zadora When The Rain Begins To Fall
  • Um> 16:55 Uhr lief: Boney M. Ma Baker
  • Um> 16:52 Uhr lief: Depeche Mode Just Can't Get Enough
  • Um> 16:49 Uhr lief: Bruno Mars Count On Me

Das Wochenende mit Olaf Rathje

Plattdeutsche Nachrichten Plattdüütsche Narichten vun'n 22. Oktober 2021

Plattdüütsche Narichten vun'n 22. Oktober 2021

Audio vom 22. Oktober 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Enn bi dat EU-Drapen nich aftosehn +++ Inzidenzen stiegen an +++ MPK snackt wieder över Corona-Laag +++ Impfzentrum warrt vundag dicht makt +++ Storm makt kien Schaden +++ Dat Weer

Informationen zum Audio

Enn bi dat EU-Drapen nich aftosehn

Brüssel. De 27 EU - Staats- un Regerungsböversten sünd bet nu nich op en eenhellig Vörgahn gegen de hogen Energiepriesen övereens kamen. Bi ehr Drapen in Brüssel hebbt se blots afsnackt, de Grünnen för dat Hoochgahn vun de Priesen nipp un nau to ünnersöken. De EU-Länner schallen eerstmal natschonal ingriepen, üm Börgers un Ünnernehmen vör hoge Kosten aftosekern. An´n Dingsdag schall dat dorto en Extra-Drapen vun de Minister för Energie geven.

Inzidenzen stiegen an

Berlin/ Bremen. De bunnswiede Söven-Dag-Inzidenz vun de Corona Infektschonen stiegt wieder an. As dat Robert – Koch – Institut vermellt liggt se nu bi 95,1. Güstern leeg se bi 85,6. De Behörden vun de Gesundheit meldden dat RKI binnen 24 Stünnen 19.572 Neeinfektschonen. In´t Land Bremen hebbt sick de Inzidenzen blots knapp verännert: Se liggen bi 58,8 in de Stadt Bremen un bi 137,4 in Bremerhaben.

MPK snackt wieder över Corona-Laag

Königswinter. De Ministerpräsidentinnen und – präsidenten vun de Länner makt vundag mit ehr Beradens över de Corona-Laag wieder. Se sünd al doröver eens kamen vun den Bund en Rechtsgrundlaag för de Tied na dat Enn vun de, as dat nöömt warrt, „epidemschen Laag“ to verlangen. Dordör schall dat möglich weern, dat ok in den Wintermaanten to´n Bispill de Maskenplicht in Binnenrüüms or de dree G-Regel oprecht hollen warrt.

Impfzentrum warrt vundag dicht makt

Bremen. Dat Impfzentrum op de Börgerweid warrt vundag dicht makt. De letzte Sprütt gegen Corona is för den Namiddag plant. As de Bremer Gesundheitsbehöörd vermellt, hett de Nafraag na de Sprütt in de verleden Dag noch eenmal antrocken. An´n letzten Dag schallen in dat Impfzentrum op de Börgerweid dorüm noch eenmal 500 Minschen gegen dat Coronavirus de Sprütt kriegen. All tohoop wurren in de Messehallen, siet den Anfang Enn Dezember vun´t verleden Johr, 470.000 Minschen impft.

Storm makt kien Schaden

Bremen. De eerste Harvststorm hett in de Nacht kien gröttere Schadens mehr in Neddersassen un Bremen anrichtden. Polizei un Füerwehrn harrn bit to´n fröhen Morgen kien Insatzen. „De Storm is över us henweg feegt, ohn Schadens to maken“, see en Spreker vun de Polizei Bremen. Ok in annern Steden, to´n Bispill in Cuxhaben, Wilhelmshaben un Freesland, bleev dat ruhig.

Dat Weer

Un nu een Blick op dat Weer: in Demorst negen, an den Bremer Flegerhaben acht, an de Fischreehabenslüüs in Bremerhaben negen un in Wittmund sünd dat opstunns thein Graad. Hüüt trecken jümmer wedder dichte Wulken mit velen deegten Regenschuern döör. Hier un dor is Grisselgrussel möglich. De Sünn schafft dat viellicht an´n Namiddag. De Wind weiht in Maten bit frisch vun de süüdwesten bit westen Kant mit starken or stöörmschen Böen. An de Weser bestaht an´n Namiddag de Gefohr vun en Stormfloot. Dat Thermometer wiest negen bit ölven Graad. Tokamen Nacht hört de Regen op un dat geiht mit wenig Wulken bi Temperaturen vun dree bit acht Graad wieder. Morrn sünd mehr Wulken as de Sünn an´n Heven. Hier un door is Regen möglich. An´n Namiddag schafft dat de Sünn döör de Wulken. Dat Thermometer wiest ölven bis darthein Graad. Sünndag: Sünnschien un dröög bi twölf bit 14 Graad.

Dat weern de Nahrichten op platt. Ulrike Müller hett se tohoopstellt. Op Platt trechtmaakt un vörleest hett se Markus Weise.