Jetzt läuft:

Paul McCartney & Eric Clapton While My Guitar Gently Weeps
  • Als nächstes läuft:

  • Um 19:30 Uhr läuft: Ohio Express Down At Lulu's
  • Jetzt läuft:

    Paul McCartney & Eric Clapton While My Guitar Gently Weeps
  • Davor lief:

  • Um> 19:19 Uhr lief: The Beatles Something
  • Um> 19:13 Uhr lief: David Bowie Silly Boy Blue
  • Um> 19:07 Uhr lief: Jethro Tull Shoshana Sleeping
  • Um> 19:05 Uhr lief: The Lovin' Spoonful Do You Believe In Magic?
  • Um> 18:56 Uhr lief: Georgie Fame Sitting In The Park
  • Um> 18:52 Uhr lief: George Harrison & Jim Horn Bangla Desh
  • Um> 18:47 Uhr lief: The Beatles Think For Yourself
  • Um> 18:44 Uhr lief: The Bobbies Forever Rock'N'Roll
  • Um> 18:35 Uhr lief: The Germans Angelique

Beat-Club mit Lutz Hanker

Plattdeutsche Nachrichten Plattdüütsche Narichten vun'n 20. Oktober 2021

Plattdüütsche Narichten vun'n 20. Oktober 2021

Audio vom 20. Oktober 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

In´t Kabinett geiht dat üm Lüüd de illegal na Düütschland kaamt +++ Dat Hen un Her üm dat Enn vun de Corona-Notlaag geiht wieder +++ Ex-Bunnswehrsuldaten vunwegen Terrorverdacht festsett +++ Sozialverbännen verlang Stütt vunwegen de anstiegen Energiepriese +++ Verhanneln över de Ampel-Maatschaft fangt morgen an +++ Dat Weer

Informationen zum Audio

In´t Kabinett geiht dat üm Lüüd de illegal na Düütschland kaamt

Berlin – Dat Kabinett snackt just nu över de anstiegen Tahl vun Lüüd de över Belarus un Polen illegal na Düütschland kaamt. Binnenminister Seehofer will dorbi Vörslääg maken, wo man dor gegenan stüern kann. Bi dat Drepen geiht dat üm Grenzkontrollen un de Tosamenarbeit vun düütsche un poolsche Polizisten de tohoop de Streeken afgahn. De EU smitt den belarusschen Baas Lukaschenko vör, mit Afsicht Lüüd ut de Krisenrebeete an de EU-Butengrenz to bringen.

Dat Hen un Her üm dat Enn vun de Corona-Notlaag geiht wieder

Berlin – Verscheeden Länner bekriddeln dat möögliche Enn vun de Corona-Notlaag. Vertreder vun Thüringen un Reihnland-Pfalz sünd bang, dat dor en Flickenteppich bi rutsuert, wenn de Nootlaag Enn November utlöppt, as dat nu de Vörslag is. Se verlangt, dat de Bund sik üm en Övergangs-Coronaregel kümmert, de denn för all gellt. En poor Bunnslänner wohrschaut, de Oplagen to gau to strieken. Mit dorbi sünd ok Neddersassen un Bremen.

Ex-Bunnswehrsuldaten vunwegen Terrorverdacht festsett

Karlsruhe – Twee Ex-Bunnswehrsuldaten worrn vunwegen Terrorverdacht vun en Spezialtrupp in München un in den Kreis Breisgau-Hochswattwold fastsett. Dat hett de Bunnsanwaltschop vunmorgen künnig maakt. De twee Mannslüüd hebbt woll plaant en Söldnertrupp mit 100 bet 150 Mannslüüd ünner jümehr Kommando intorichten. De Behöörd see, mit düsse Grupp wullt se denn bi den Börgerkrieg in´n Jemen mitmaken.

Sozialverbännen verlang Stütt vunwegen de anstiegen Energiepriese

Berlin – Vunwegen de hoogen Energiepriese verlangt de Sozialverbännen un de Stüerbetahlerbund, Börger Stütt to geven. Düütschland mutt dat evenso maaken, as annere EU-Länner, see de baverste Baas vun den Paritätischen Wohlfahrtsverband, Schneider in de ARD. Man ok dat Wahngeld un de Hartz-4-Regelsett mööt düütlich ropsett warrn. De Stüerbetahlerbund is dorför, dat Geld för Pendlers na baven to setten. Verbandspräsident Holznagel sleit 40 Cent vun eersten Kilometer af an vör.

Verhanneln över de Ampel-Maatschaft fangt morgen an

Berlin – Dat Verhanneln över en Ampel-Maatschaft schall morgen anfangen. Dat hett SPD-Baas Walter-Borjans güstern Avend künnig maakt. All tohoop schüllt 22 Arbeitsgruppen doröver snacken, üm wat dat in den Koalitschoonsverdrag geiht. Jedeen Partei stellt 96 Vertreder. Achteran de SPD un de Gröönen dorför stimmt harrn, hett an Maandag nu ok de FDP tostimmt de Koalitschoonsverhandlungen optonehmen. Noch vör Wiehnachten schüllt all Drepen fardig warrn.

Dat Weer

Un nu kiekt wi op dat Weer: In Bremen, Bremerhaven, Rottenborg un Leer hebbt wi opstunns överall 16 Graad. Hüüt fangt de Dag fründlich an, man vun dat Emsland un Ostfreesland slieken sik dicke Wulken in´t Land. Vun Middag af an puust de Wind eerst mehr un dat pladdert jümmer mal wedder örntlich, hier un dor is ok Gewidder mööglich. An Namiddag is dat meist dröög, mag ween dat wi ok mol blau an Heven sehn. Na´n Avend hen sünd den wedder Blitz un Donnerslag mööglich. De Wind weiht frisch un in Maaten, an´ne Küst stark un stöörmsch vun de süüdwesten Kant. In´t Binnenland sünd stöörmsche Böen mööglich, besünners wenn´t blitzt un donnert. Dat Thermometer wiest us dorbi 17 bet 19 Graad. In´ne Nacht mal mehr mal weniger Wulken, meist aver mehr. De Schuer warrn aver weniger. In de tweeten Nachthälvt süht dat wedder anners ut, de Schuer warrn mehr un dat kann örntlich pladdern, man ok Gewidder sünd wedder dorbi un dat denn bi 12 bet 10 Graad. Dunnersdag kriegt wi dat mit Storm to doon. Mit dorbi jümmer wedder massig Regen, an de Nordsee kann dat ok kort mol Blitz un Dunnerslag geven. Dat warrt düütlich köhliger bi 13 bet 9 Graad.

Dat weren de Plattdüütschen Narichten. Tohoopstellt vun Anja Guse. Op Platt trechtmaakt un vörleest vun Martina Brünjes.