Jetzt läuft:

Jethro Tull Shoshana Sleeping
  • Als nächstes läuft:

  • Um 19:11 Uhr läuft: David Bowie Silly Boy Blue
  • Jetzt läuft:

    Jethro Tull Shoshana Sleeping
  • Davor lief:

  • Um> 19:05 Uhr lief: The Lovin' Spoonful Do You Believe In Magic?
  • Um> 18:56 Uhr lief: Georgie Fame Sitting In The Park
  • Um> 18:52 Uhr lief: George Harrison & Jim Horn Bangla Desh
  • Um> 18:47 Uhr lief: The Beatles Think For Yourself
  • Um> 18:44 Uhr lief: The Bobbies Forever Rock'N'Roll
  • Um> 18:35 Uhr lief: The Germans Angelique
  • Um> 18:30 Uhr lief: James Brown Sex Machine
  • Um> 18:26 Uhr lief: Alan Price The House That Jack Built
  • Um> 18:22 Uhr lief: Lake & Palmer Emerson Nut Rocker

Beat-Club mit Lutz Hanker

Plattdeutsche Nachrichten Plattdüütsche Narichten vun'n 19. Oktober 2021

Plattdüütsche Narichten vun'n 19. Oktober 2021

Audio vom 19. Oktober 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Womööglich is bold de epidemische Laag to Enn, Debatt doröver löppt +++ Polens Ministerpräsident snackt vör dat EU Parlament +++ Perzess gegen fröhere KZ-Sekretersche geiht los +++ Bremer Senaat will dat Plaan-Papeer för de Binnenstadt besluten +++ Düütsche Bookpries geiht an Antje Ravik Strubel +++ Dat Weer

Informationen zum Audio

Womööglich is bold de epidemische Laag to Enn, Debatt doröver löppt

Berlin – De düütsche Krankenhuussellschop steiht achter den Vörslag de Corona-Nootlaag utlopen to laten. De baverste Baas Gaß see to dat Redaktschoonsnettwark Düütschland, he hett nix dorgegen, vunwegen den hoogen Andeel vun Lüüd de impft sünd. Spahn will de „epidemische Nootlaag natschonaaler Dragwiete“ Enn Novembermaand utlopen laaten. SPD-Gesundheitsfachmann Lauterbach meent dat is to fröh.

Polens Ministerpräsident snackt vör dat EU Parlament

Straßborg – De poolsche Ministerpräsident Morawiecki is na Straßborg reist. In dat Europaparlament geiht dat üm de Reform vun den Rechtsapparaat in Polen, mit de veel Lüüd nich inverstahn sünd. De EU Kommischoon smitt de poolschen Regeerung vör, de Unafhängigkeit vun den Rechtsapparaat to ramponeren. Dorüm wurrn ok al en poor Verfohren gegen Warschau in Gang sett.

Perzess gegen fröhere KZ-Sekretersche geiht los

Itzehoe – In en tweeten Anloop steiht nu en fröhere KZ-Sekretersche vör dat Landgericht Itzehoe. De 96-johrige Fro warrt to Last leggt, dat se bi den Mord vun mehr as 11.000 Minschen in dat Konzentratschoonslaager Stutthof mithölpen hett. Eegens schüllt de Perzess al an dartigsten September losgahn, man de Anklaagte weer afhaut. Laater wurr se denn in Hamburg fastsett.

Bremer Senaat will dat Plaan-Papeer för de Binnenstadt besluten

Bremen – De Senaat will en Plaan-Papeer besluten, wo dat mit de Binnenstadt wiedergeiht. De Grupp Stadtentwicklung un Weertschop hett tohoop mit de Hannelskaamer de Plaans utklamüüstert. De Oppositschoon bekriddelt dat Papeer as nich kloor noog un to laat.

Düütsche Bookpries geiht an Antje Ravik Strubel

Frankfurt – Dat Book „Blaue Frau“ vun Antje Ravik Strubel ut Potsdam wurr as beste Roman vun´t Johr uttekent un hett so güstern Avend den düütschen Bookpries kregen. De Pries warrt jedeen Johr as Optakt vun de Frankfurter Bookmess vergeven. De Mess geiht an Avend los – man eerstmal blots för Fachlüüd. An dat tokamen Wekenenn dröfft denn ok all anner Lüüd rin.

Dat Weer

Un nu kiekt wi op dat Weer: In Bremen, Bremerhaven un Em hebbt wi 13 Graad un in Demorst sünd dat opstunns 14 Graad. Hüüt sünd dicke Wulken an Heven. An Vörmiddag blifft dat meist dröög. An Namiddag un Avend wannern Regenwulken vun de Nedderlannen na de Eelv över us weg. De Wind weiht flau bet in Maaten, an Namiddag ok mit frische Boen vun de süüdwesten Kant. Dat Thermometer kladdert dorbi op 13 bet 18 Graad. In de Nacht meist dichte Wulkenfeller de aver na de Eelv un Noordsee hen aftrecken, achteran blots hier un dor lütte Wulken. In´t Münsterland un bet na de Veerner Heid köönt wi de Steerns ok mal funkeln sehn. Dat blifft dröög bi 15 bet 13 Graad. Morgen fangt de Dag fründlich an, man över Dag slieken sik dicke Wulken vun dat Emsland un Ostfreesland ran. Vun Middag af an mehr Wind un jümmer wedder Regenschuer, man dat kann ok mol düchtig pladdern, hier un dor ok kort mal Blitz un Donnerslag. Un dat denn bi 17 bet 19 Graad.

Dat weren de Plattdüütschen Narichten. Tohoopstellt vun Irene Lottes. Op Platt trechtmaakt un vörleest vun Martina Brünjes.