Jetzt läuft:

Georgie Fame Sitting In The Park
  • Jetzt läuft:

    Georgie Fame Sitting In The Park
  • Davor lief:

  • Um> 18:52 Uhr lief: George Harrison & Jim Horn Bangla Desh
  • Um> 18:47 Uhr lief: The Beatles Think For Yourself
  • Um> 18:44 Uhr lief: The Bobbies Forever Rock'N'Roll
  • Um> 18:35 Uhr lief: The Germans Angelique
  • Um> 18:30 Uhr lief: James Brown Sex Machine
  • Um> 18:26 Uhr lief: Alan Price The House That Jack Built
  • Um> 18:22 Uhr lief: Lake & Palmer Emerson Nut Rocker
  • Um> 18:15 Uhr lief: Traffic Light Up Or Leave Me Alone
  • Um> 18:12 Uhr lief: George Harrison All Things Must Pass

Beat-Club mit Lutz Hanker

Plattdeutsche Nachrichten Plattdüütsche Narichten vun'n 18. Oktober 2021

Plattdüütsche Narichten vun'n 18. Oktober 2021

Audio vom 18. Oktober 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Facebook will nee’e Arbeitssteden in de EU +++ FDP will över Ampel-Koalitschoonsverhanneln afstimmen +++ Rekordpries för Diesel +++ 3G-Regeln bi Semesteranfang in Bremen +++ Nee’e Impfsteden in Bremen fangt mit de Arbeit an +++ Dat Weer

Informationen zum Audio

Facebook will nee’e Arbeitssteden in de EU

Menlo-Park: De US-Internetkonzern Facebook will in de tokamen fief Johr 10.000 nee’e Arbeitssteden in de Europääschen Union inrichten. In en Blog-Indrag is to lesen, datt dat üm hoochqualifizeerte Jobs geiht, in de en nee’e virtuelle Welt mit den Naam „Metaverse“ opboet warrn schall. Dorin schüllt sik Lüüd drapen, Geld utgeven, Medien bruken un mööglicherwies ok arbeiden. Dat Projekt ward vun Facebook-Baas Zuckerberg as wichtig för de Tokunft ansehn. Toletzt geev dat slechte Narichten över Facebook. En fröhere Mitarbeitersche smeet dat Ünnernehmen vör, datt dor nich klaar ruttokennen is, wat dor aflöppt, un datt se sik nich noog üm ophissen Bidräg kümmert.   

FDP will över Ampel-Koalitschoonsverhanneln afstimmen

Berlin: De Parteigremien vun de FDP wüllt hüüt doröver afstimmen, wat se mit de SPD un de Grönen över en Koalitschoon snacken wüllt. De Liberalen sünd de letzte vun de dree Ampel-Parteien, de tostimmen mööt. Dat Verhanneln kunn denn morgen al losgahn. FDP-Baas Lindner säe in de ARD, he geiht fast dorvun ut, datt de Gremien tostimmen ward. De SPD-Vörstand un en lütten Parteidag vun de Grönen hebbt an’t Weekenenn al för dat Verhanneln vun en Koalitschoon stimmt.   

Rekordpries för Diesel

München: De Pries för Diesel is in Düütschland so hooch as noch nie. In’n bunnswieten Dörsnitt leeg he güstern bi 1,555 Euro per Liter. Dat hett de ADAC vermellt. De oole hööchste Stand weer bi 1,554 Euro in’n August 2012.   

3G-Regeln bi Semesteranfang in Bremen

Bremen: Hüüt fangt för Studenten an de Uni un an de Hoochscholen in’t Land Bremen dat nee’e Semester an. Dorbi sett all Steden wedder mehr dorop, datt de Lüüd bi Seminare un Vörlesungen ok togegen sünd. Sowoll an de Uni as ok an de Hoochscholen gellt de 3G-Regeln. Sekerheitslüüd an de Ingäng kontrolleert, wat ok würklich blots Studenten un Mitarbeiders ringaht, de impft, wedder gesund oder test worrn sünd. Bavento mööt sik all Lüüd mit en App registreern, dormit de Kuntakte naverfolgt warrn köönt.  

Nee’e Impfsteden in Bremen fangt mit de Arbeit an

Bremen: In de Stadt Bremen fangt hüüt de eersten twee Corona-Impfsteden mit de Arbeit an. Se övernehmt de Opgaven vun dat Impfzentrum op de Börgerweid, dat an’n Freedag dichtmaakt. Een vun de nee’en Steden liggt in Oslebshusen, de anner in Vegebüdel. En wietere Impfsteed schall bavento in’n November in Bremen-Osterholt nakamen.

Dat Weer

Un nu en Blick op dat Weer: in Grotenkneten un Bassum 10, an’n Bremer Flegerhaben un Dörveern 11, un in Bremerhaben un Wittmund sünd dat opstünns 12 Graad. Hüüt is dat all tohoop dicht wulkig. An’n Vörmiddag kann dat besünners an de Küst noch korte Schuer oder Spütterregen geven. Anners blifft dat aver dröög. In’t Binnenland kann dat ok’n beten Sünnschien geven. Namiddags is dat meist överall dröög bi 14 bet 16 Graad. In de Nacht is dat eerst noch locker wulkig, later ward de Wulken vun de Ems her wedder dichter. Enkelte lichte Regenschuer sünd mööglich, meisttiets blifft dat aver dröög bi 12 bet 9 Graad. Morgen is dat dicht wulkig. An’n Vörmiddag blifft dat eerst noch dröög, an’n Namiddag treckt vun de Nedderlannen her en Regenstreek över us henweg to de Elv hen. De Temperaturen liggt twüschen 16 un 18 Graad.

Dat weern de Narichten op platt. Tohoopstellt hett se Ulrike Müller. Op Platt trechtmaakt un vörleest vun Marc Gelhart.