Jetzt läuft:

Lake & Palmer Emerson Nut Rocker
  • Als nächstes läuft:

  • Um 18:26 Uhr läuft: Alan Price The House That Jack Built
  • Jetzt läuft:

    Lake & Palmer Emerson Nut Rocker
  • Davor lief:

  • Um> 18:15 Uhr lief: Traffic Light Up Or Leave Me Alone
  • Um> 18:12 Uhr lief: George Harrison All Things Must Pass
  • Um> 18:07 Uhr lief: The Beatles I Me Mine
  • Um> 18:05 Uhr lief: Status Quo Ice In The Sun
  • Um> 17:54 Uhr lief: Shania Twain Ka-Ching!
  • Um> 17:50 Uhr lief: Duran Duran The Wild Boys
  • Um> 17:47 Uhr lief: The Love Affair Everlasting Love
  • Um> 17:44 Uhr lief: Enrique Iglesias Pendejo
  • Um> 17:36 Uhr lief: Kajagoogoo Too Shy

Beat-Club mit Lutz Hanker

Plattdeutsche Nachrichten Plattdüütsche Narichten vun'n 13. Oktober 2021

Plattdüütsche Narichten vun'n 13. Oktober 2021

Audio vom 13. Oktober 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Trüchdenken an düütsche Suldaten in Afghanistan +++ Bremen: Vun morgen gellt de neen Corona-Wohrschau-Punkten +++ Schäuble will ut de eerste Reeg bi de CDU rut +++ Bremen: Mehr för Insekten doon +++ Op den Weg na Florida: Bremer Bostück för Maand-Törn +++ Dat Weer

Informationen zum Audio

Trüchdenken an düütsche Suldaten in Afghanistan

Berlin: De Bunnsregerung stellt rut, wat düütsche Suldatinnen un Soldaten in Afghanistan leist hebbt. Hüüt Middag warrt Kränz afleggt för de 59 Bunnswehrlüüd, de dor to Dode kamen sünd. An’n Namiddag maakt se en Appell bi dat Bunnsverteidigungsministerium. Ok Bunnskanzlersch Merkel warrt dor mit bi ween. Dorför, dat düütsche Truppen meist 20 Johr lang in Afghanistan op Posten ween sünd, kummt denn an’n Avend vör den Rieksdag en Groten Zapfenstreich.

Bremen: Vun morgen gellt de neen Corona-Wohrschau-Punkten

Bremen: För de Stadt Bremen gellt vun morgen op an de siedste Corona-Wohrschau-Punkt. Dat hett de Senat fastleggt. Wegfallen deit to’n Bispeel de 3-G-Regel in Wirtshüüs. För Veranstaltungen mit mehr as 5000 Lüüd blifft se aver bestahn. Bremerhaven blifft wieder op Wohrschau-Punkt 2.

Schäuble will ut de eerste Reeg bi de CDU rut

Berlin: De Präsident vun den Düütschen Bunnsdag, Schäuble, will bi de CDU nich mehr in de eerste Reeg stahn. Op den tokamen Parteidag will sik Schäuble, he is nu 79 Johr oolt, nich mehr för den Bunnsvörstand opstellen laten. In den Bunnsdag will he aver blieven, as de verleden 49 Johr ok. Sien Amt as Parlamentspräsident mutt Schäuble woll bald afgeven. Dat is begäng, dat düt Amt an de Frakschoon mit de mehrsten Stöhl geiht, un dat is de SPD.

Bremen: Mehr för Insekten doon

Bremen: De Bremsche Stadtbörgerschap hett güstern en Programm för Insekten fastleggt. Dat schall mehr Gröön an de Huuswand oder den Anhoolpunkt för Bus un Bahn geven. Op de Karkhööv schall mehr Natur. De Senat schall sik dorför insetten, dat weniger Gift versprütt warrt un weniger Blattpüüsters bruukt warrt. Huusmuern schüllt weniger anlücht warrn. So wüllt se de Hand över Insekten holen, de nachts ünnerwegens sünd.

Op den Weg na Florida: Bremer Bostück för Maand-Törn

Bremen: En Bostück, dat Airbus för en NASA-Törn na den Maand boot hett, schall an’n Vörmiddag op den Weg vun Bremen na Florida schickt warrn. Dat Bostück wiggt 13 Tunnen. In de Nacht hebbt se dat in en Antonov-Transport-Fleger inlaadt. Dat ESM-Bostück is en Deel vun den Orion-Weltruum-Fleger, mit den 2024 Astronauten op den Maand lannen schüllt.

Dat Weer

Un woans süht dat mit dat Weer umto ut? Opstunns hebbt wi in Brevöör 5 Graad, in Bremen sünd dat 7, in Bremerhaven 9 un in Emm 11 Graad. Vundaag: Wenn de Daak weg is: mal dröög, mal pladdert dat, un mal wiest sik ok de Sünn. An’n Namiddag treckt vun de Noordsee her dichtere Wulken tohoop, un an’n Avend regent dat an de Küst in een Stremel dör. Dat Thermometer krabbelt op 12 bet 14 Graad. De Wind dorto weiht eerst flau, laterhen en beten mehr, vun de noordwesten Kant. Tokamen Nacht: Wulken, un de smiet hier un dor en beten Regen op us daal. Gegen Morgen warrt dat vun Westen her pö a pö dröger. Nich mehr so koolt mit 12 bet 9 Graad. Morgen: Wulken, griesen Heven, un pladdern kann dat ok. An’n Namiddag pliert vun’t Emsland her mehr un mehr de Sünn dör de Wulken. Warmer bi 15 bet 16 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Katrin Martens.

Autorinnen und Autoren

  • Reinhard Goltz

Moderator