Jetzt läuft:

Joni Mitchell Coyote
  • Als nächstes läuft:

  • Um 19:40 Uhr läuft: Jaco Pastorius & Michael Colombier Dreamland
  • Jetzt läuft:

    Joni Mitchell Coyote
  • Davor lief:

  • Um> 19:32 Uhr lief: The Who The Seeker
  • Um> 19:24 Uhr lief: Paul McCartney & Eric Clapton While My Guitar Gently Weeps
  • Um> 19:19 Uhr lief: The Beatles Something
  • Um> 19:13 Uhr lief: David Bowie Silly Boy Blue
  • Um> 19:07 Uhr lief: Jethro Tull Shoshana Sleeping
  • Um> 19:05 Uhr lief: The Lovin' Spoonful Do You Believe In Magic?
  • Um> 18:56 Uhr lief: Georgie Fame Sitting In The Park
  • Um> 18:52 Uhr lief: George Harrison & Jim Horn Bangla Desh
  • Um> 18:47 Uhr lief: The Beatles Think For Yourself

Beat-Club mit Lutz Hanker

Plattdeutsche Nachrichten Plattdüütsche Narichten vun'n 8. Oktober 2021

Plattdüütsche Narichten vun'n 8. Oktober 2021

Audio vom 8. Oktober 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Oppositschon will, dat Kanzler Kurz sien Hoot nimmt +++ Tarifverhanneln för Arbeitnehmer vun de Länner fangt an +++ Verkehrssünner schüllt mehr tahlen ++++ Bremerhaben macht de Corona-Regeln een beten scharper +++ Werder Bremen hett een nee’en Vörsitter vun’n Opsichtsraat +++ Dat Weer

Informationen zum Audio

Oppositschon will, dat Kanzler Kurz sien Hoot nimmt

Wien – Na dat Österrieks Kanzler Kurz vörsmeten ward, he hett sik smeren laten un harr smeert, foddert de Oppositschon nu, dat he sien Hoot nimmt. De Grönen hebbt ehr Koalitschon mit de Österrieksche Volkspartei vun Kurz bitnu nich opkünnigt. Se wüllt den Dag över man noch mit allen anneren Volksparteien över nöchste Schreed beraden. Staatsanwälte meent, dat Kurz un de Lüüd üm em rum sik den Weg in’t Kanzleramt köfft hett: mit Ümfraags, an de dreiht worrn is un betahlten Berichten in’t Internet, Fernsehn un de Bläder.

Tarifverhanneln för Arbeitnehmer vun de Länner fangt an

Berlin – Gewarkschuppen un Arbeitgever fangt an’n Middag an mit dat Verhanneln över de Tarife för den Staatsdeenst. De Gewarkschuppen foddert fief Perzent mehr Geld för de Arbeitnehmer in’n Staatsdeenst, tominnst 150 Euro elkeen Maand. Wenn dat so kummt, mutt dat Land Bremen mit 96 Millionen Euro elkeen Johr mehr reknen, sä Finanzstaatsraat Hagen to den Weser-Kurier. Denn de Afsluss gellt nich blots för de etwa 12.200 Anstellten vun’t Land Bremen, sünnern ward normaal ok op de mehr as 14.600 Beamten överdragen.

Verkehrssünner schüllt mehr tahlen

Berlin – För Raser un Lüüd, de falsch parkt, ward dat woll noch in düsset Johr dütlich dürer. De Bunnesraat stimmt an’n Vörmiddag över den nee’en Straafgeldkatalog af. Wokeen in Tokunft in een Oort 10 km pro Stünn to gau fohrt un blitzt ward, schall mit 30 Euro duppelt so veel tahlen as bitnu. Ok falsch parken schall dürer weern. Wokeen sien Auto afstellt, wo he dat nich draff, mutt denn bit to 55 Euro statt as bitnu 15 Euro tahlen.

Bremerhaben macht de Corona-Regeln een beten scharper

Bremerhaben – In de Stadt gellt vun hüüt an de tweete Corona-Wahrschau-Graad. De Regeln ward man blots een beten scharper. Nee is, dat de Minschen nu wedder buten eeneenhalf Meter Afstand hollen mööt. Buterdem gellt een Maskenplicht binnen in Ruums, wo jedeen hinkann. Toletzt is in Bremerhaben bi een paar Familien un Ünnernehmen Corona utbroken.

Werder Bremen hett een nee’en Vörsitter vun’n Opsichtsraat

Bremen – Marco Fuchs is de nee’e Vörsitter vun’n Opsichtsraat vun Werder Bremen. De Opsichtsraat hett den 59-Jöhrigen ahn Gegenstimm to‘n Nafolger vun Marco Bode wählt. De harr sik na dat Afstiegen vun Werder in de tweete Liga nich mehr för den Posten opstellen laten. Nee’e tweete Vörsitterin is mit Ulrike Hiller to’n ersten Mal een Froo.

Dat Weer

Un nu een Blick op dat Weer: an den Bremer Flegerhaben un in Bremervöör 9, an de Fischereehabenslüüs in Bremerhaben 10 un in Cuxhaben sünd dat opstunns 11 Graad. Vundag schient faken de Sünn, an de Elv kummt aver man Wulken op, de later över de Werser in Richt Emsland treckt. Regen fallt ut jem man nich – bi 16 bit 18 Graad. Tokamen Nacht ward dat meist klaar un dröög, man een paar Wulken wannert dör. Dat Thermometer sackt op 9 bit 4 Graad trüch. Morrn schient vun fröh bit laat de Sünn. Een paar dünne Wulken köönt sik twars an’n Heben wiesen, man de stöört nich. Dat blifft dröög bi 14 bit 16 Graad. Ok an’n Sünndag ward dat nochmal fründlich mit veel Sünnschien bi 13 bit 15 Graad. Dat weern de Narichten op platt. Mirjam Benecke hett se tohoopstellt. Op Platt trechtmaakt un vörleest hett se Heidi Jürgens.