Jetzt läuft:

Rick Astley Together Forever
  • Jetzt läuft:

    Rick Astley Together Forever
  • Davor lief:

  • Um> 17:24 Uhr lief: Marlon Roudette New Age
  • Um> 17:18 Uhr lief: Stampeders feat. Wolfman Jack Hit The Road Jack
  • Um> 17:14 Uhr lief: France Gall Ella, Elle L'A
  • Um> 17:09 Uhr lief: Ed Sheeran Happier
  • Um> 17:05 Uhr lief: Glass Tiger Don't Forget Me (When I'm Gone)
  • Um> 16:55 Uhr lief: Kenny Rogers & Dolly Parton Islands In The Stream
  • Um> 16:53 Uhr lief: Eric Carmen Hungry Eyes
  • Um> 16:49 Uhr lief: Pulp Disco 2000
  • Um> 16:44 Uhr lief: Eurythmics Love Is A Stranger

Das Wochenende mit Ariane Wirth

Plattdeutsche Nachrichten Plattdüütsche Narichten vun'n 24. September 2021

Plattdüütsche Narichten vun'n 24. September 2021

Audio vom 24. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Streiks gegen de Klimapolitik vun de Bunnsregerung +++ Böverste Politikers vun all Bunnsdags-Partei diskereren to´n letzten Mal vör de Wahl +++ Angreep ut dat Internet gegen Bunnswahlbaas +++ Corona-Inzidenz in´t Land Bremen stiegt en beten an +++ Dat Weer

Informationen zum Audio

Streiks gegen de Klimapolitik vun de Bunnsregerung

Bremen. De Klima-Maatschaft „Fridays For Future“ hett för vundaag weltwiet to velen Streiks opropen. Dormit schall gegen de aktuelle Klimapolitik protestert warrn. In Düütschland gaht se in binah 430 Oorten op de Straat. In Berlin warrt de sweedsch Fro, de „Fridays For Future“ opsett hett, Greta Thunberg mitmaken. Ok in Bremen, Bremerhaben un Neddersassen lopen siet en gode halve Stünn de Akschonen.

Böverste Politikers vun all Bunnsdags-Partei diskereren to´n letzten Mal vör de Wahl

Berlin. Twee Dag vör de Bunnsdagswahl hebbt de böversten Kanidaten vun de Parteien, de in den Bunnsdag dorbi sünd, de letzte Fernseh-Debatt mitmakt. Themen weern dorbi ünner annern de anstiegen Gelder för Wohnungen, de Schuldenbrems, Butenpolitik, Arbeit för dat Klima un de Moord in Idar-Oberstein döör en Masken-Gegner.

Angreep ut dat Internet gegen Bunnswahlbaas

Bonn/ Berlin. En poor Dag vör de Bunnsdagswahl hett dat schienbor en Hacker-Angreep op de Behörde vun den Bunnswahlbaas geven. As „Business Insider“ vermellt, is de Bunnsamt för Sekerheit in de Informatschoonstechnik BSI de Menen, dat de Saak en „Cyber-Angreep“ in Tosammenhang mit de Wahl is. Lüüd, vun de se bet nu noch nix weet, hebbt woll Middeweken en Software inboot. Dormit hebbt de en Togang op den Server un Dateisysteme vun de Behörde kregen.

Corona-Inzidenz in´t Land Bremen stiegt en beten an

Bremen. Dat Land Bremen mellt 123 neje Coronafallen, dorvun 40 in Bremerhaben. De Tall vun de Doden stieg üm een op 502. In´n Ogenblick weern 40 Minschen mit Covid in´t Kranenhuus behannelt. Dorvun kriegen acht mit en Maschin Luft. De Inzidenzwert stieg in de Stadt Bremen op 86,1 un in Bremerhaben op 230,7. In Nedderassen vermellt dat Robert-Koch-Institut 902 Neeinfektschonen un twee wiedere Dode. De Söven-Daag-Inzidenz geiht op 51,0 daal.

Eerste Harvststurm richt blots wenig Schadens an

Cuxhaben. De eerste Harvststurm an de Nordseeküst is güstern all tohoop nich so swor lopen. Na de Wohrschau wegen en Stormfloot sünd gröttere Schadens utbleven. Verletzte hett dat nich geven. Bi Karklinteln in´n Kreis Vern kunn en Tog wegen en daalfullen Ast nich wieder föhrn. Bi Dorum in de Gemeen Wuster Noordseeküst muss en överswemmden Camping-Parkplatz rüümt weern.

Dat Weer

Un nu een Blick op dat Weer: in Cuxhaben, an den Bremer Flegerhaben

un an de Fischreehabenslüüs in Bremerhaben 15 un in Demost sünd dat opstunns 16 Graad. Hüüt sünd vele Wulken an´n Heven un hier un dor kann dat ok en beten natt vun baven komen. An´n Namiddag lockern de Wulken op un de Sünn kann hier un dor schienen. De Wind weiht in Maten un stark böig ut Süüdwest bit West. Dat Thermometer wiest 18 bit 20 Graad. Tokamen Nacht is de Heven vull vun Wulken un dat kann Spütterregen bi 14 bit 16 Graad geven. Morrn wedder vele Wulken un hier un dor en beten Regen. Af un an kann ok de Sünn döör de Wulken kieken. 18 bit 20 Graad sünd op da Thermometer to sehn.
Sünndag hell un kloor mit en poor Wulken bi 21 bit 24 Graad.

Dat weern de Nahrichten op platt. Ralph Stölting hett se tohoopstellt. Op Platt trechtmaakt un vörleest hett se Markus Weise.