Jetzt läuft:

Glass Tiger Don't Forget Me (When I'm Gone)
  • Als nächstes läuft:

  • Um 17:09 Uhr läuft: Ed Sheeran Happier
  • Jetzt läuft:

    Glass Tiger Don't Forget Me (When I'm Gone)
  • Davor lief:

  • Um> 16:55 Uhr lief: Kenny Rogers & Dolly Parton Islands In The Stream
  • Um> 16:53 Uhr lief: Eric Carmen Hungry Eyes
  • Um> 16:49 Uhr lief: Pulp Disco 2000
  • Um> 16:44 Uhr lief: Eurythmics Love Is A Stranger
  • Um> 16:40 Uhr lief: Simon & Garfunkel The Sound Of Silence
  • Um> 16:35 Uhr lief: The Bosshoss Don't Gimme That
  • Um> 16:31 Uhr lief: Fleetwood Mac Little Lies
  • Um> 16:27 Uhr lief: Atomic Kitten Whole Again
  • Um> 16:19 Uhr lief: Queen Radio Ga Ga

Das Wochenende mit Ariane Wirth

Plattdeutsche Nachrichten Plattdüütsche Narichten vun'n 23. September 2021

Plattdüütsche Narichten vun'n 23. September 2021

Audio vom 23. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Bremen maakt mit bi Corona-Lohnutfall +++ „Jo“ to’n Lohnutfall ward ok bekrittelt +++ Corona-Tallen in’t Land Bremen +++ Daimler sett hunnerte utlehnt Arbeiters vör de Döör +++ Blots noch geimpft or genesen in’t Weserstadion +++ Dat Weer

Informationen zum Audio

Bremen maakt mit bi Corona-Lohnutfall

Bremen – De Gesundheitssenatorsche vun de Stadt, Bernhard, rekent wegen dat „Jo“ to’n Corona-Lohnutfall nich mit Striet in de Lannesregeern. De Länner-Gesundheitsminister harrn güstern afsnackt, dat Lüüd, de nich gegen Corona impft sünd, in’n Fall vun een Quarantään ehrn Lohnutfall nich vun’n Staat trüchkriegt. Se ward dat vun’n 1. November ok in Bremen to een Grundlaag maken, sä Bernhard to buten un binnen.

„Jo“ to’n Lohnutfall ward ok bekrittelt

Berlin – Dat „Jo“ to’n Corona-Lohnutfall ward ok bekrittelt. DGB-Baas Hoffmann snack ünner annern vun „Dumenschruven för Arbeiters“.  Gegenwind kummt ok vun de Stiftung Patschenten-Schutz. Vörstand Brysch sä, Grundlaag vun dat Gesundheitssystem is bitnu, dat all för eenanner opkummt. Bitnu hebbt ok ungesundet Eten or anner Krankheiten nich darto föhrt, dat dat keen Lohn mehr gifft.

Corona-Tallen in’t Land Bremen

Bremen – Dat gifft 165 nee’e Corona-Fälle in’t Land Bremen, 39 darvun kummt ut Bremerhaben. Opstunns sünd 46 kranke Lüüd in Krankenhüüs, 10 vun jem kriegt Suerstuff. De Inzidenz-Tall kladdert in Bremen op 83,8, in Bremerhaben is se op 229,8 daalgahn. In Neddersassen hett dat Robert-Koch-Institut in de verleden 24 Stunnen 902 nee’e Infektschonen tellt un twee Minschen sünd babenop sturven. De Söben-Daag-Inzidenz blifft wieter bi 51.

Daimler sett hunnerte utlehnt Arbeiters vör de Döör

Bremen – Autoboer Daimler sett in de Stadt hunnerte utlehnt Arbeiters vör de Döör. Darachter stickt, dat se vun besünneren Chips nich noog levert kregen hebbt un darum nich an all Steden arbeiten köönt. Ok de Arbeiters, de fast anstellt sünd, mööt to’n Deel wedder in Kortarbeit. Dat dat nich noog Computerchips gifft, kann noch bit to’n tokamen Johr anduern, so Daimler-Baas Källenius.

Blots noch geimpft or genesen in’t Weserstadion

Bremen – Football-Tweetligist Werder Bremen ward vun Oktober an blots noch Minschen in’t Stadion laten, de gegen Corona impft sünd or vun de Krankheit genesen sünd. Mit de so nöömte 2G-Regel draff de Vereen sien Stadion wedder vullmaken, dat steiht so in de nee’en Corona-Regeln. Werders Präsident un Geschäftsföhrer Hess-Grunewald rekent nich mit velen Problemen mit den Football-Fans, sä he to buten un binnen.

Dat Weer

Un nu een Blick op dat Weer: an den Bremer Flegerhaben un in Bremervöör 13, an de Fischereehabenslüüs in Bremerhaben 14 un in Cuxhaben sünd dat opstunns 15 Graad. Hüüt Vörmiddag is dat erst opgelockert, man bold ward de Wulken vun Norden her dicker un gegen Middag treckt Regen op. Gegen Abend regent dat nich mehr so veel un Wulken köönt aftrecken – bi 17 bit 18 Graad. Tokamen Nacht gaht letzte Schuers vörbi, to’n Deel lockert de Heben op. Dat Thermometer sackt op 14 bit 9 Graad. Morrn meist vele Wulken un af un an gifft dat Sprütteregen. An’n Namiddag kann dat oprieten un de Sünn kann rutkieken, bi 18 bit 20 Graad. Dat weern de Nahrichten op platt. Ralph Stölting hett se tohoopstellt. Op Platt trechtmaakt un vörleest hett se Heidi Jürgens.