Jetzt läuft:

Eurythmics Love Is A Stranger
  • Als nächstes läuft:

  • Um 16:47 Uhr läuft: Pulp Disco 2000
  • Jetzt läuft:

    Eurythmics Love Is A Stranger
  • Davor lief:

  • Um> 16:40 Uhr lief: Simon & Garfunkel The Sound Of Silence
  • Um> 16:35 Uhr lief: The Bosshoss Don't Gimme That
  • Um> 16:31 Uhr lief: Fleetwood Mac Little Lies
  • Um> 16:27 Uhr lief: Atomic Kitten Whole Again
  • Um> 16:19 Uhr lief: Queen Radio Ga Ga
  • Um> 16:12 Uhr lief: Lesley Gore It's My Party
  • Um> 16:09 Uhr lief: Rea Garvey I'm All About You
  • Um> 16:05 Uhr lief: Kenny Loggins Footloose
  • Um> 15:56 Uhr lief: Two of Us Blue Night Shadow

Das Wochenende mit Ariane Wirth

Plattdeutsche Nachrichten Plattdüütsche Narichten vun'n 22. September 2021

Plattdüütsche Narichten vun'n 22. September 2021

Audio vom 22. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Bernhard will, dat Lüüd de nich impf un in Quarantään sünd, wiederhen Geld kriegen +++ Spahn rekent, vunwegen dat noog Minschen immun sünd, mit dat Enn vun de Pandemie in´t Fröhjohr +++ GdP wohrschaut, dat Corona-Leugner in dat Denken un Doon harter warrn +++ Taliban wüllt bi UN-Generaldebatt snacken +++ Proteste in dat Bo-Wirtschaftsfeld +++ Dat Weer

Informationen zum Audio

Bernhard will, dat Lüüd de nich impf un in Quarantään sünd, wiederhen Geld kriegen

Bremen: Gesundheitssenatorsche Bernhard will, dat Lüüd de in Quarantään sünd un de Sprütt gegen Corona nich kregen hebbt, liekers jümehr Lohn wieder kriegen. In de Tiet nich mehr to betahlen, is as en Impfplicht, see de Linken-Politikersche. Bernhard stellt sik so jümehr Ressortkoleeg ut annere Bunnslänner in den Weg. In Medienberichten heet dat, dat de sik al eenig sünd, dat Lüüd de nich impft sünd, vun ölft Oktober af an, in Quarantään kien Geld mehr kriegen. Hüüt snackt de Gesundheitsministerkonferenz doröver.

Spahn rekent, vunwegen dat noog Minschen immun sünd, mit dat Enn vun de Pandemie in´t Fröhjohr

Berlin: Bunnsgesundheitsminister Spahn rekent in tokamen Fröhjohr dormit, dat noog Lüüd immun sünd gegen Corona – un dormit mit dat Enn vun de Pandemie. Wenn kien nee Form vun Corona opdükert, kann denn allens wedder normal lopen, see de CDU-Politiker to de „Augsburger Allgemeinen“. En „Herdenimmunität“ kriggt man blots dör ansteken mit de Krankheit or de Sprütt dorgegen hen, verklort Spahn un see wieder, dat de Sprütt dorbi kloor de sekere Weg is.

GdP wohrschaut, dat Corona-Leugner in dat Denken un Doon harter warrn

Berlin: De Gewarkschop vun de Polizei hett wohrschaut, dat Corona-Leugner in dat Denken un Doon harter warrn. Sünnavendavend hett en Mann en 20-Johrigen in Ida-Oberstein doot schaten, wiel de verlangt hett, dat he de Snuut-Nees-Mask in de Tanksteed opsett. Düt böös Verbreken, is aver totiets en eenmalig Saak, verkloort GdP-Viez Radek de Funke Mediengrupp. Bi Demonstraschoon geev dat aver jümmer mehr Attacken op Mitarbeiders vun de Medien un de Polizei.

Taliban wüllt bi UN-Generaldebatt snacken

Nee York: De militant-islamistischen Taliban wüllt bi de Generaldebatt vun de UN-Vullversammlung snacken. Dat süht so ut, as wenn de Vereenten Natschonen en Andrag dorför ut dat Butenministerium vun de Taliban kregen hebbt. Bavento heet dat, de afghanische UN-Botschafter Isacsai, de nich mehr in sien Amt is, will ok dorbi ween. En Utschuss, in den ok de USA, Russland un China sitten, schall nu utmaken, wer bi de Generaldebatt de Reed för Afghanistan holen schall.

Proteste in dat Bo-Wirtschaftsfeld

Berlin/ Bremen: Arbeiters op´n Bo wüllt hüüt in´t ganze Land för mehr Geld op de Straat gahn. Ok in Bremen-Homhusen wüllt sik Lüüd an Middag op ene Bosteed versammeln. De Gewarkschop Bo, Agrar un Ümwelt verlangt 5,3 Perzent mehr Geld für de 890.000 Mitarbeiders in dat Bo-Wertschopsfeld. De Arbeitgeversiet hett in de eersten Runn en Vörslag op´n Disch leggt, achteran weer eersmal Paus bi dat Snacken.

Dat Weer

Un nu kiekt wi op dat Weer: In Nee´enborg sünd dat 13 Graad, in Bremen 14 un in Bremerhaven un Em hebbt wi opstunns 15 Graad. Achteran sik de Daak hüüt vörmiddag oplööst, seht wi meist en poor lütte Wulken an Heven, af un an lacht de Sünn un dat blifft dröög. An Namiddag is dat to´n Deel wulkig un de Sünn schient noch mehr, in de Hauptsaak an de Nordsee un op de Eilannen. De Wind weiht flau bet frisch vun de westlichen bet süüdwestlichen Kant. Dat Thermometer krabbelt hüüt op 19 bet 21 Graad. In de Nacht seht wi eerst de Steerns blinkern, laater schuven sik Wulken vun de Nordsee her in´t Land, man dat blifft dröög. Un dat den bi 15 bet 10 Graad. Morgen warrt dat hevenschattig un övern Vormiddag bet Namiddag fangt dat vun de Nordsee her an to pladdern. Later an Namiddag hört de Regen vun Ostfreesland her op un dat schuert blots noch hier un dor. Man dat kann ok mol en Tiet lang dröög ween. Dorbi wiest us dat Thermometer 16 bet 18 Graad.

Dat weren de Plattdüütschen Narichten. Tohoopstellt vun Carola Schwirblat. Op Platt trechtmaakt un vörleest vun Martina Brünjes.