Jetzt läuft:

The Troggs I Can't Control Myself
  • Als nächstes läuft:

  • Um 18:35 Uhr läuft: Donovan Hurdy Gurdy Man
  • Jetzt läuft:

    The Troggs I Can't Control Myself
  • Davor lief:

  • Um> 18:23 Uhr lief: Jeff Beck Group Shapes Of Things
  • Um> 18:21 Uhr lief: Gentle Giant Talybont
  • Um> 18:15 Uhr lief: The Pretty Things Sitting All Alone
  • Um> 18:12 Uhr lief: Steve Cropper Say You Don't Know Me
  • Um> 18:07 Uhr lief: Blues Brothers Soul Man
  • Um> 18:05 Uhr lief: Amen Corner Hello Susie
  • Um> 17:55 Uhr lief: Free All Right Now
  • Um> 17:53 Uhr lief: Eagle-Eye Cherry Save Tonight
  • Um> 17:48 Uhr lief: Madonna La Isla Bonita

Beat-Club mit Lutz Hanker

Plattdeutsche Nachrichten Plattdüütsche Narichten vun'n 21. September 2021

Plattdüütsche Narichten vun'n 21. September 2021

Audio vom 21. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

„Freedom Day“ warrt wiederhen bekriddelt +++ Reed vun US-Präsident Biden: UN-Generaldebatt fangt in Nee York an +++ Hunnerte gaht in Moskau vunwegen möögliche Wahlbedregeree op de Straat +++ Utslag doröver, wen de meisten Andeele de JUB tohöört +++ Achteran de Motor vun de Gorch-Fock twei weer, geiht se nu op tweete Proovfohrt +++ Dat Weer

Informationen zum Audio

„Freedom Day“ warrt wiederhen bekriddelt

Berlin: De Vörslag en „Freedom Day“ an 30. Oktober intorichten, bi den all Corona-Regeln fallen schüllt, warrt wiederhen bekriddelt. De Vörsittersch vun den Marburger Bund Johna seggt to dat Redaktschoonsnetwark Düütschland, dat dorto veel to wenig Minschen impft sünd. De CDU-Gesundheitspolitiker Rüddel meent dat ok, man he seggt aver, to de Tiet, wenn Kinner af fief Johr ok de Sprütt gegen Corona kriegen dröfft, mutt man all Corona-Regeln in Düütschland utlopen laten.

Reed vun US-Präsident Biden: UN-Generaldebatt fangt in Nee York an

Nee York: De Generaldebatt vun de UN-Vullversammlung, de jedeen Johr stattfinnt, fangt hüüt Namiddag mit de eersten Reed vun Biden as US-Präsident in Nee York an. Achteran verleden Johr de Generaldebatt vunwegen de Corona-Pandemie meist mit optekent Video-Reden aflopen is, sünd düt Johr wedder vele Staats- un Regerungsbaas na Nee York reist. In de Hauptsaak schall dat üm den Klimawannel un Corona gahn.

Hunnerte gaht in Moskau vunwegen möögliche Wahlbedregeree op de Straat

Moskau: In de russischen Hauptstadt hebbt Minschen vunwegen möögliche Wahlbedregeree protesteert. In´ne Mitt vun de Hauptstadt kemen güstern Avend um un bi 300 Lüüd tohoop, de ahn Krawall Staatsbaas Putin dorto opropen hebbt, ut sien Amt to gahn. Kritiker seggt, dat bi dat Uttellen vun de Stimmen nich allens orntlich aflopen is.

Utslag doröver, wen de meisten Andeele de JUB tohöört

Bremen: De Senaat will woll an Vörmiddag doröver snacken, wen de meisten Andeele an de Jacobs-University in Bremen-Noord tohöört. Dat süht so ut, as wenn dat dat „Schaffhausen Institut of technology“ is. Dat SIT hett woll toseggt, tominnst 25 Million Euro in de Jacobs-University to steken. As dat utsüht, is dat bavento ok mööglich, dat wiedere 25 Million in de Uni in Bremen-Grohn fleten. Dat SIT forscht in de Hauptsaak in de Rebeeten Computer- un Software-Wetenschop.

Achteran de Motor vun de Gorch-Fock twei weer, geiht se nu op tweete Proovfohrt

Willemshaven: Dat Seilschoolschipp Gorch Fock schall an Middag to de tweete Proovfohrt starten. Bi de eersten Proovfohrt Anfang September, achteran dat sess Johr lang wedder op Schick brocht wurr, hett en Ventil nich funkschoneert. Dat Schipp vun de Bunnswehr wurr afsleept un dat Ventil, wat den Dieselandriev mit frischen Köhlwater versorgt, wurr utwesselt.

Dat Weer

Un nu kiekt wi op dat Weer: In Bremen un Deefholt hebbt wi 12 Graad, in Bremerhaven un Cuxhaven sünd dat opstunns 14 Graad. Hüüt hangt de Heven meist vull Wulken, man af un an schafft de Sünn dat mol sik doran vörbi to schuven. Vun Middag af an, slieken sik en poor Regenschuer vun de Noordsee her in´t Land. De Wind weiht eerst flau von de süüdwesten Kant, laater warrt dat vun de Noordsee her mehr un he dreiht op de westen bet noordwesten Kant. Un dat bi 15 bet 18 Graad. In de Nacht eerst düster Wulken un Regenschuer, över Nacht warrn de Wulken denn weniger, hier un dor kann Daak opdükern. Dat Thermometer wiest 14 bet 9 Graad. Achteran sik Middeweken de Daak oplööst hett, lacht twüschen mol mehr mol weniger Wulken de Sünn un dat blifft dröög. Besünners fründlich is dat an´ne Noordsee. Dorbi jumpt dat Thermometer op 19 bet 21 Graad.

Dat weren de Plattdüütschen Narichten. Tohoopstellt vun Carola Schwirblat. Op Platt trechtmaakt un vörleest vun Martina Brünjes.