Jetzt läuft:

Blues Brothers Soul Man
  • Als nächstes läuft:

  • Um 18:10 Uhr läuft: Steve Cropper Say You Don't Know Me
  • Jetzt läuft:

    Blues Brothers Soul Man
  • Davor lief:

  • Um> 18:05 Uhr lief: Amen Corner Hello Susie
  • Um> 17:55 Uhr lief: Free All Right Now
  • Um> 17:53 Uhr lief: Eagle-Eye Cherry Save Tonight
  • Um> 17:48 Uhr lief: Madonna La Isla Bonita
  • Um> 17:46 Uhr lief: Ben E. King Stand By Me
  • Um> 17:43 Uhr lief: The Lathums Oh My Love
  • Um> 17:36 Uhr lief: Marillion Kayleigh
  • Um> 17:31 Uhr lief: Kool & The Gang Ladies' Night
  • Um> 17:27 Uhr lief: Rick Astley Together Forever

Beat-Club mit Lutz Hanker

Plattdeutsche Nachrichten Plattdüütsche Narichten vun'n 20. September 2021

Plattdüütsche Narichten vun'n 20. September 2021

Audio vom 20. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

SPD un Grööne sett sik för Maatschaft achter de Bunnsdagwahl in +++ In Russland süht dat so ut, as wenn de Putin-Partei de Nees bi de Duma-Wahlen vörn hett +++ Corona-Spöörhunne kaamt bi Konzert in Hannober to´n Insatz +++ Mann mutt achteran dat in en Huus för mehr Parteien brennt hett, in´t Krankenhuus +++ Historiendrama „The Crown“ rüümt bi de Emmys af +++ Dat Weergegen Bayern in Kiel +++ Dat Weer

Informationen zum Audio

SPD un Grööne sett sik för Maatschaft achter de Bunnsdagwahl in

Berlin: Ene Week ehrder de Bunnsdagwahl stattfinnt, hebbt sik de Kandidaaten vun Union, SPD un Grööne to de drütte un letzte Fernsehdebatt drapen. Dat leep güstern to glieke Tiet in SAT 1, Pro7 un Kabel 1. Striet geev dat in de Hauptsaak, as dat üm Arbeit för dat Klima un Sozialpolitik gung. Gröönen-Kanditatin Baerbock un SPD-Bewarber Scholz hebbt sik dorbi för en Maatschaft vun jümehrn Parteien utspraken.

In Russland süht dat so ut, as wenn de Putin-Partei de Nees bi de Duma-Wahlen vörn hett

Moskau: Bi de Parlamentswahlen in Russland süht dat so ut, as wenn de Regerungspartei „Geeintes Russland“ an´t Enn kloor de Nees vörn hett. Achteran över de Hälft vun Stimmen uttellt wurrn, liggt de Partei de Präsident Putin ünner de Arms grippt, kloor mit 46,6 Perzent vörn. So warrt se wohrschienlich wedder den gröttsten Deel an Stimmen in de Duma kregen. De Oppositschon smitt de Regerung Bedregeree bi de Wahl vör.

Corona-Spöörhunne kaamt bi Konzert in Hannober to´n Insatz

Hannober: Bi´n Konzert güstern Avend kemen Hunne to´n Insatz, de Corona mit ehre Nees rutfinnen köönt. Fiefhunnert Besökers hebbt, ehrder dat Konzert losgung, en gauen Antigen-Test un en PCR-Test maakt. Bavento hebbt de Spöörhunne vun jedeen Besöker en Sweetproov ut de Armböög kregen. Bi en poor Proven hebbt de Hunnen anslaan. Düsse Besöker hebbt denn noch en gauen PCR-Test maakt un warrt in en poor Daag denn wedder nee ünnersöcht. De Hunnen hebbt den Vördeel, dat se en Corona-Infektschoon al en poor Daag ehrder en PCR-Test reageert, marken.

Mann mutt achteran dat in en Huus för mehr Parteien brennt hett, in´t Krankenhuus

Demorst: In den Stadtdeel Düsternort hett verleden Nacht en Huus för mehr Partein brennt. As de Hölpslüüd ankemen, stunnt een Wahnung in den eersten Stock al in Flammen. De Füerwehr hett all Bewahners över dat Treppenhuus rett. För een Mann geiht dat nu üm Leven un Doot, he keem mit den Nootfallhelikopter in´t Krankenhuus. En Poor mit twee lütte Kinner wurr vun Hölpslüüd in en Nootfallwagen versorgt. Jümehr Wahnung is so böös kaputt, dat se nu eerstmol in en Quarteer vun de Stadt wahnen. De Polizei ünnersöcht nu woso dat brennt hett.

Historiendrama „The Crown“ rüümt bi de Emmys af

Los Angeles: Bi dat utgeven vun de Emmys, hett de britsche Serie „The Crown“, den een or annern Pries wunnen. Bi den US Fernsehpries wurr de Serie över dat britsche Königshuus uttekent för den Film-Text, Regie, un all veer Schauspeel-Kategorien. Man ok den Hauptpries för de beste Dramaserie hett „The Crown“ kregen. Dat eerste Mol hett de Streamingdeenst Netflix dormit in düt Kategorie wunnen.

Dat Weer

Un nu kiekt wi op dat Weer: In Bremen un Bremerhaven sünd dat 12 Graad, in Em un Willemshaven hebbt wi opstunns 13 Graad. Hüüt vörmiddag hebbt wi hier un dor hoogen Daak, dat kann ok mol en lütt beten drüppeln. Mal mehr mal weniger Wulken, meist seht wi aver dicke Wulkenfeller. De Wind weiht flau bet in Maaten vun de oosten bet nordoosten Kant. Dat Thermometer kladdert dorbi op 14 bet 16 Graad. In de Nacht hangt de Heven vull Wulken, meist blifft dat dröög, man an de See kann dat ok mol en poor Droppen geven. Un dat denn bi 12 bet 8 Graad. An Dingsdag seht wi ok mol kort Blau mang de Wulken, meist aver överall hoogen Daak. Dat Thermometer wiest us denn 15 bet 17 Graad.

Dat weren de Plattdüütschen Narichten. Tohoopstellt vun Gabriele Intemann. Op Platt trechtmaakt un vörleest vun Martina Brünjes.