Jetzt läuft:

Free All Right Now
  • Jetzt läuft:

    Free All Right Now
  • Davor lief:

  • Um> 17:53 Uhr lief: Eagle-Eye Cherry Save Tonight
  • Um> 17:48 Uhr lief: Madonna La Isla Bonita
  • Um> 17:46 Uhr lief: Ben E. King Stand By Me
  • Um> 17:43 Uhr lief: The Lathums Oh My Love
  • Um> 17:36 Uhr lief: Marillion Kayleigh
  • Um> 17:31 Uhr lief: Kool & The Gang Ladies' Night
  • Um> 17:27 Uhr lief: Rick Astley Together Forever
  • Um> 17:24 Uhr lief: Marlon Roudette New Age
  • Um> 17:18 Uhr lief: Stampeders feat. Wolfman Jack Hit The Road Jack
  • Um> 17:14 Uhr lief: France Gall Ella, Elle L'A

Das Wochenende mit Ariane Wirth

Plattdeutsche Nachrichten Plattdüütsche Narichten vun'n 17. September 2021

Plattdüütsche Narichten vun'n 17. September 2021

Audio vom 17. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Neddersassen plant 2G-Plicht för Binnenrüüms bi Krögers un Weertslüüd +++ RKI vermellt weniger Corona-Neeinfektschonen +++ SPD liggt in ARD-Ümfraag wieder vörn +++ Warnstreik bi Airbus +++ Deepseezentrum för Bremer Uni +++ Dat Weer

Informationen zum Audio

Neddersassen plant 2G-Plicht för Binnenrüüms bi Krögers un Weertslüüd

Hannover: Wenn de Laag in de Krankenhüüs leger warrt, plant de Lannsregerung vun Neddersassen de Corona-Regeln  strenger to maken. Denn schall de 2G-Plicht för de Binnenrüüms vun Krögers, Weertslüüd un för gröttere Veranstalten af 1.000 Besökers gellen. Dat heet: Togang hebbt blots Lüüd mit de Sprütt or wokeen Corona al achter sick hett. En Test langt denn nich mehr.

RKI vermellt weniger Corona-Neeinfektschonen

Berlin. In Düütschland sünd binnen 24 Stunnen goot 11.000 Corona-Neeinfektschonen mellt wurren. As dat Robert-Koch-Institut vertellt, gahn de Tallen vun de Corona-Infektschonen bi de Gesundheitsbehöörden en beten trüch. De bunnswiete Söven-Daag-Inzidenz geiht op 74,7 daal.

SPD liggt in ARD-Ümfraag wieder vörn

Berlin. Annerthalf Weken vör de Bunnsdagswahl staht de SPD in den ARD-Düütschlandtrend wieder op den eersten Platz. Se liggt bi 26 Perzent un dormit veer Punkte vör de Union. Op Platz dree blieven de Grönen mit foffthein Perzent.

Warnstreik bi Airbus

Varel. Bi den Flegerhersteller Airbus hett de IG Metall to Warnstreiks opropen. De Gewarkschop vermellt, dat ünner annern bi den Standoorten in Bremen un Staad de Arbeit liggen laten warrt. Bavento schall bi de Airbus-Dochter Premium-Aerotec in Varel un Augsburg nich wieder arbeidt weern. Grund dorför sünd de Plaans vun den Luftfohrt Konzern:
Se willt Arbeitssteden utlagern.

Deepseezentrum för Bremer Uni

Bremen. De Bremer Universität kriegt en Zentrum för Deepseeforschung. Dor schall de Rull vun de See för dat Klima ünnersökt weern. För den Boo nehmen Bund un Land to glieken Delen 38 Millionen Euro in de Hand. In twee Johrn kann dat 4.000 Quadraatmeter grode Huus fardig ween.

Dat Weer

Un nu een Blick op dat Weer: in Wittmund 16, an den Bremer Flegerhaben 15 un an de Fischreehabenslüüs in Bremerhaben 16 un in Demost sünd dat opstunns 15 Graad. Hüüt sünd weniger Wulken an´n Heven un de Sünn kiekt af un an döör. Dat blifft mehrstendeels dröög. Hier un door sünd aver en poor Drüppen vun baven möglich. De Wind weiht en beten ut Noordwest bit Noord. Dat Thermometer wiest 17 bit 20 Graad. Tokamen Nacht sünd wiederhen en poor Wulken an´n Heven. Twüschen Jadebusen un Elvmündung sünd enkelte Schuer möglich. Temperaturen von acht bit 14 Graad wiest dat Thermometer. Morrn sünd mehr Wulken an´n Heven un de Sünn schafft dat blots af un an döör de Wulken. Schuer sünd an´n Vörmiddag möglich. Dat Thermometer wiest Temperaturen vun 18 bit 20 Graad. Ok Sünndag en Wessel ut Sünn un Wulken bi 16 bit 19 Graad.

Dat weern de Nahrichten op platt. Claudine Bimmermann hett se tohoopstellt. Op Platt trechtmaakt un vörleest hett se Markus Weise.