Jetzt läuft:

Marillion Kayleigh
  • Als nächstes läuft:

  • Um 17:43 Uhr läuft: The Lathums Oh My Love
  • Jetzt läuft:

    Marillion Kayleigh
  • Davor lief:

  • Um> 17:31 Uhr lief: Kool & The Gang Ladies' Night
  • Um> 17:27 Uhr lief: Rick Astley Together Forever
  • Um> 17:24 Uhr lief: Marlon Roudette New Age
  • Um> 17:18 Uhr lief: Stampeders feat. Wolfman Jack Hit The Road Jack
  • Um> 17:14 Uhr lief: France Gall Ella, Elle L'A
  • Um> 17:09 Uhr lief: Ed Sheeran Happier
  • Um> 17:05 Uhr lief: Glass Tiger Don't Forget Me (When I'm Gone)
  • Um> 16:55 Uhr lief: Kenny Rogers & Dolly Parton Islands In The Stream
  • Um> 16:53 Uhr lief: Eric Carmen Hungry Eyes

Das Wochenende mit Ariane Wirth

Plattdeutsche Nachrichten Plattdüütsche Narichten vun'n 16. September 2021

Plattdüütsche Narichten vun'n 16. September 2021

Audio vom 16. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Bedrugsperzess üm VW-Dieselschandaal fangt an +++ Eerster Weltruumfloog för Touristen afflagen +++ Bovenschulte gifft Regerungsverkloren af +++ Strengere Coronaregeln an Bremerhabener Scholen lopen wieter +++ Müllcontainer vun Reinigungsfirma geiht in Flammen op +++ Dat Weer

Informationen zum Audio

Bedrugsperzess üm VW-Dieselschandaal fangt an

Brunswiek: In Brunswiek hett jüst de Bedrugsperzess üm den VW-Dieselschandaal anfungen. Vör dat Landgericht staht veer fröhere un aktive Wirtschaftsmannslüüd vun den Autokonzern wegen gewarvs- un bannenmäßigen Bedrug vör’t Brett. De Anklaag smiet jem vör, datt se vun de millionenfachen Trickseree bi de Afgas-Werte mit Hölp vun en Software wusst hebbt. Volkswagen hett düssen Bedrug vör söss Johr op Druck vun de US-Ümweltbehörden togeven.    

Eerster Weltruumfloog för Touristen afflagen

Cape Canaveral: To’n eersten Mal sünd veer Weltruumtouristen ahn professchonelle Astronauten in’t All flagen. För den Floog hett de US-Milliardär Jared Isaacman en Dragon-Kapsel bi dat Ruumfohrt-Ünnernehmen SpaceX hüert. De Kapsel fleegt automaatsch. Dree Daag lang wüllt de veer Manns- un Froenslüüd dormit üm de Eer flegen.      

Bovenschulte gifft Regerungsverkloren af

Bremen: Bremens Börgermeister Bovenschulte will glieks in de Bremschen Börgerschaft in en Regerungsverkloren wat to de Coronapolitik seggen. En rekent dormit, datt he to’t Impfen opropen ward un blangenbi ok verklaart, wo de Senaat mit dat ümgahn will, wat de Pandemie mit sik bröcht hett.

Strengere Coronaregeln an Bremerhabener Scholen lopen wieter

Bremerhaben: Schoolkinner in Bremerhaben mööt wietere twee Weken ehr Masken ok in’n Ünnerricht dragen un sik Dag för Dag op Corona testen. Dat hett de Magistraat fastleggt. Na egen Angaven kummt he dormit den Raat vun dat Gesundheitsamt vun de Stadt na.  

Müllcontainer vun Reinigungsfirma geiht in Flammen op

Bremerhaben: In Bremerhaben-Lehe hett an’n fröhen Morgen en Müllcontainer op den Binnenhoff vun en Reinigungsünnernehmen brennt. De Flammen sünd ok op mehrere Firmenfohrtüüch övergahn, seggt de Füerwehr. Versehrt worrn is nümms. Nu wüllt se rutfinnen, wo dat to dat Füer kamen is.           

Dat Weer

Un nu en Blick op dat Weer: in Dörveern un Nienborg 15, an’n Bremer Flegerhaben 16, in Bremerhaben 17,  un in Wittmund sünd dat opstünns 18 Graad. Hüüt is dat deels fründlich, deels dicht wulkig. Ok an’n Namiddag wesselt sik de Sünn mit dichten Wulkenfeller un enkelten Schuern af. To’n Avend hen sett sik vun de Ems her fakener de Sünn dör. De Temperaturen liggt twüschen 18 un 20 Graad. In de Nacht is de Heven mal mehr, mal weniger wulkig. Twüschen Jadebusen un Elvmündung gifft dat noch enkelte Schuer. Anners blifft dat meisttiets dröög, un westen de Werser is dat af un an ok blots licht wulkig bi 15 bet 11 Graad. Morgen is dat meisttiets licht wulkig un dröög. Vun Tiet to Tiet schient ok de Sünn. Dat gifft blots noch enkelte Schuer. Besünners in Oostfreesland is dat för en längere Tiet fründlich mit veel Sünnschien. Dat Thermometer kladdert op 17 bet 20 Graad.

Dat weern de Narichten op platt. Tohoopstellt hett se Katrin Martens. Op Platt trechtmaakt un vörleest vun Marc Gelhart.