Jetzt läuft:

10cc Dreadlock Holiday
  • Jetzt läuft:

    10cc Dreadlock Holiday
  • Davor lief:

  • Um> 23:51 Uhr lief: Billy Joel Uptown Girl
  • Um> 23:47 Uhr lief: Katie Melua Your Longing Is Gone
  • Um> 23:44 Uhr lief: Los Bravos Black Is Black
  • Um> 23:39 Uhr lief: Achim Reichel Der Spieler
  • Um> 23:34 Uhr lief: Whitney Houston I Will Always Love You
  • Um> 23:30 Uhr lief: Slade Far Far Away
  • Um> 23:26 Uhr lief: Michael Patrick Kelly Roundabouts
  • Um> 23:19 Uhr lief: José Feliciano Loving Her Was Easier
  • Um> 23:16 Uhr lief: Madonna Like A Virgin

Nachtprogramm

Plattdeutsche Nachrichten Plattdüütsche Narichten vun'n 15. September 2021

Plattdüütsche Narichten vun'n 15. September 2021

Audio vom 15. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Laag vun Europa +++ Verdi-Baas verlangt: Lohn schall in Karanteen wiederlopen – ok för Lüüd, de nich impft sünd +++ Nedderlannen: Meist kene Corona-Regeln mehr +++ De meisten Arbeitnehmers fohrt mit’t Auto na de Arbeit +++ Landdag kummt wedder in de Bremsche Börgerschap an’n Markt tohoop +++ Dat Weer

Informationen zum Audio

EU gifft Impf-Middel an arme Länner

Straßborg: De EU warrt noch mal 200 Millionen Partien an Impf-Middel an arme Länner afgeven. Dat hett Kommischoons-Baas von der Leyen bi ehr Reed to de Laag vun de Union künnig maakt. Blots de Europäers harrn dat Halve vun jemehr egen Impfmiddel in de Welt opdeelt. Dat Impfen in de Welt müss aver gauer gahn, verlang von der Leyen.

Verdi-Baas verlangt: Lohn schall in Karanteen wiederlopen – ok för Lüüd, de nich impft sünd

Berlin: De Baas vun de Deenstleistungs-Gewarkschap Verdi, Werneke, is nich dormit tofreed, dat enige Bunnslänner keen Lohn mehr wiederbetahlen wüllt an Lüüd, de in Karanteen mööt un nich impft sünd. Düsse Striet warrt denn nämlich in de Bedrieven rinspeelt un nimmt de Lüüd de Sekerkheit, meen Werneke gegen de Zeitungen vun de Funke Mediengrupp. He wohrschau: De Impf-Plicht schull nich dör de Achterdöör in Gang sett warrn. De Verdi-Baas sä: De Politik harr toseggt, dat Impfen schall freewillig blieven.

Nedderlannen: Meist kene Corona-Regeln mehr

Amsterdam: In de Nedderlannen schüllt meist all Corona-Regeln vun’n Disch. Ok de Sekerheits-Aftstand vun annerthalf Meter gellt blots noch bet Enn vun de tokamen Week. Dat hett Ministerpräsident Rutte anseggt. Inföhren wüllt se en „Corona-Pass“ för Gasthüüs, Sport un Kultur. De en Veranstaltung besöcht, mutt nawiesen, dat he oder se de Sprütt kregen oder en Test maakt hett oder wedder gesund is. In Bus un Bahn mutt aver jümmers noch jeedeen en Dook vör Mund un Nees trecken.

De meisten Arbeitnehmers fohrt mit’t Auto na de Arbeit

Wiesbaden: De meisten Arbeitnehmers fohrt mit’t Auto na de Arbeit. 68 % hebbt för 2020 bi dat Statistische Bunnsamt seggt, dat se mit en PKW fohrt. Mit Bus un Bahn fohrt een vun söss, 10 % fohrt Rad. Noch weniger gaht to Foot. Bi jeden tweten is de Arbeitssteed kene 10 Kilometer vun to Huus weg.

Landdag kummt wedder in de Bremsche Börgerschap an’n Markt tohoop

Bremen: Na twee Johr kummt dat Lannsparlament dat eerste Mal wedder in de Börgerschap tohoop. Dat Huus an’n Marktplatz steiht ünner Denkmalschutz. Se hebbt dat op Schick brocht, vör allen bi den Füerschutz un den Inboo vun digitale Technik. Köst hett dat um un bi teihn Millionen Euro. Ok wegen Corona weer de Börgerschap an anner Steden tohoopkamen, so in’t Bremer Raathuus, in de Messehallen un in de Stadthall Bremerhaven.

Dat Weer

Un woans süht dat mit dat Weer umto ut? Opstunns hebbt wi in Bremen, Bremerhaven, Oosterholt-Scharmbeck un Syke överall 17 Graad. Vundaag: Dichte Wulken mit Regen un dat een oder anner Gewidder treckt an’n Vörmiddag över de Elv na Noordoosten af. Achteran lockert de Wulken wat op, un wi kriegt ok de Sünn to sehn. An’n Namiddag treckt aver vun Westen her wedder frische Schuer ran, ok mit Blitz un Dunnerslag. Reken mööt wi mit däägten Regen. Dat Thermometer krabbelt op 20 bet 22 Graad. De Wind dorto weiht flau vun de süden Kant, an de Küst ok en beten mehr. An’n Namiddag dreiht he op West. Wenn dat pladdert, gifft’t ok störmsche Böen. Tokamen Nacht: Blots noch en poor Wulken un en poor Regendruppen. Bi 16 bet 14 Graad. Morgen: Meist överall vele Wulken, un pladdern kann dat ok. Eerst an’n Namiddag kloort dat vun Noordwesten her op. Dat Ganze bi 18 bet 20 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.