Jetzt läuft:

Kenny Rogers & Dolly Parton Islands In The Stream
  • Als nächstes läuft:

  • Um 17:06 Uhr läuft: Glass Tiger Don't Forget Me (When I'm Gone)
  • Jetzt läuft:

    Kenny Rogers & Dolly Parton Islands In The Stream
  • Davor lief:

  • Um> 16:53 Uhr lief: Eric Carmen Hungry Eyes
  • Um> 16:49 Uhr lief: Pulp Disco 2000
  • Um> 16:44 Uhr lief: Eurythmics Love Is A Stranger
  • Um> 16:40 Uhr lief: Simon & Garfunkel The Sound Of Silence
  • Um> 16:35 Uhr lief: The Bosshoss Don't Gimme That
  • Um> 16:31 Uhr lief: Fleetwood Mac Little Lies
  • Um> 16:27 Uhr lief: Atomic Kitten Whole Again
  • Um> 16:19 Uhr lief: Queen Radio Ga Ga
  • Um> 16:12 Uhr lief: Lesley Gore It's My Party

Das Wochenende mit Ariane Wirth

Plattdeutsche Nachrichten Plattdüütsche Narichten vun'n 14. September 2021

Plattdüütsche Narichten vun'n 14. September 2021

Audio vom 14. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Neddersassen will G2-Regeln +++ Lütte Parteien striet sik in’t Fernsehn +++ Eerste Impfpraxis in Bremerhaven is trecht +++ Dullwoot bi jungen Hund in Bremen +++ Füerwehrlüüd bi Unfall verletzt +++ Dat Weer

Informationen zum Audio

Neddersassen will G2-Regeln

Hannover: Neddersassen will tokamen Week de Corona-Verordnung ännern. Denn schall ok de 2G-Regel gellen. So steiht dat in de Ne’e Ossenbrügger Zeitung. Krögers, Kinos un annern schüllt sülvst fastleggen, wat se blots so’n Lüüd rinlaat, de de Sprütt kregen hebbt oder wedder gesund sünd. Dat gellt nu al för Bars, Clubs un Diskos. Utnahmen wüllt se maken bi Schölers un bi Lüüd, de sik nich impfen laten köönt. De Bremer Senat will vundaag doröver snacken, wat se de Corona-Verordnung nich ok afännern wüllt.

Lütte Parteien striet sik in’t Fernsehn

Berlin: De Fernseh-Runn vun de veer lütten Parteien in den Bunnsdag hett güstern Avend kloormaakt, wo groot de Ünnerschede sünd. AfD, FDP, Linke un CSU weren vör allen in de Klima- un Butenpolitik teemlich wiet ut’neen. De AfD seggt, dat is verkehrt, ut Kahlen un Atom uttostiegen, de Linke will de Nato oplösen. Ok över de Fraag, wokeen na de Wahl tohoopgahn kunn, hebbt se snackt.

Eerste Impfpraxis in Bremerhaven is trecht

Bremerhaven: Vunmorgen maakt in’t Hanse Carré in de Binnenstadt de eerste Impfpraxis op. De Stadt seggt: Week för Week köönt se hier bet 2000 Sprütten geven. Dat Impfzentrum in Bremerhaven harrn se Enn August dichtmaakt. Dat Bremer Impfzentrum an de Börgerweid blifft noch bet Mitt Oktober. In Bremen-Nord un Gröpeln schüllt bet Oktober Impfpraxen inricht warrn, in den Bremer Oosten bet November.

Dullwoot bi jungen Hund in Bremen

Bremen: En Hund mit Dullwoot is woll ahn Paperen ut Süüd-Oost-Europa na Bremen kamen. Dat hett dat Bremer Gesundheitsressort seggt. Nu wüllt de Behörden rutkriegen, wokeen dor Kuntakt mit harr. Denn ok Minschen köönt sik ansteken. Senatersch Bernhardt sä aver: Dullwoot kann nich eenfach so vun een Minsch na den annern lopen. 2006 weer dat letzte Mal, dat in Düütschland Dullwoot faststellt worrn is, bi en Voss.

Füerwehrlüüd bi Unfall verletzt

Beern: In den Landkreis Wersermasch sünd güstern Avend bi en Unfall söss Füerwehrlüüd verletzt worrn. Se wullen wat inöven, un op den Weg dorhen weer de Wagen över Kopp gahn. Mag ween un en Reifen weer basst. De Polizei seggt: De Füerwehrlüüd kunnen alleen ut den Wagen rutkamen un sünd in Krankenhüüs umto brocht worrn.

Dat Weer

Un woans süht dat mit dat Weer umto ut? Opstunns hebbt wi in Emm 15 Graad, in Bremen un Bremerhaven sünd dat 16 un op Langeoog 17 Graad. Vundaag: Veel Sünnschien mit en poor Wulken. Eerst laat an’n Avend treckt dichtere Wulken vun’t Emsland ran. Dat Thermometer krabbelt op 20 bet 25 Graad. De Wind dorto weiht flau vun de oosten Kant, in Oostfreesland ok en beten mehr. Tokamen Nacht: Eerst blots wenige Wulken, denn aver kaamt vun Westen her dichte Wulken ran, un de bringt Schuer un Blitz un Dunnerslag. Hier un dor gifft dat ok däägten Regen. Bi 17 bet 14 Graad. Morgen: Dichte Wulken smiet Regen daal, un gewiddern schall dat ok wedder. Gegen Middag treckt dat över de Elv af. Achteran lockert de Wulken wat op, un wi kriegt ok de Sünn to sehn. An’n Namiddag aver wedder mehr Schuer un däägten Regen. Bi 20 bet 23 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Katrin Martens.