Jetzt läuft:

Donovan Hurdy Gurdy Man
  • Als nächstes läuft:

  • Um 18:35 Uhr läuft: Sting Rushing Water
  • Jetzt läuft:

    Donovan Hurdy Gurdy Man
  • Davor lief:

  • Um> 18:27 Uhr lief: The Troggs I Can't Control Myself
  • Um> 18:23 Uhr lief: Jeff Beck Group Shapes Of Things
  • Um> 18:21 Uhr lief: Gentle Giant Talybont
  • Um> 18:15 Uhr lief: The Pretty Things Sitting All Alone
  • Um> 18:12 Uhr lief: Steve Cropper Say You Don't Know Me
  • Um> 18:07 Uhr lief: Blues Brothers Soul Man
  • Um> 18:05 Uhr lief: Amen Corner Hello Susie
  • Um> 17:55 Uhr lief: Free All Right Now
  • Um> 17:53 Uhr lief: Eagle-Eye Cherry Save Tonight

Beat-Club mit Lutz Hanker

Plattdeutsche Nachrichten Plattdüütsche Narichten vun'n 10. September 2021

Plattdüütsche Narichten vun'n 10. September 2021

Audio vom 10. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Lüüd ohn de Sprütt drauht Verdeenstutfall bi Quarantään +++ Däänmark kippt letzte Corona-Regeln +++ Bunnsrat stimmt över Floothölp un neje Corona-Regeln af +++ Polizei ünnersökt na Drogenfund op Baltrum +++ Akschoon „Freedag is Plattdag“ löppt an +++ Dat Weer

Informationen zum Audio

Lüüd ohn de Sprütt drauht Verdeenstutfall bi Quarantään

Berlin. Mehrere Bunnslänner makt mehr Druck op Lüüd ohn dat Impfmiddel in de Corona-Süük. As de Süüddüütsche Zeitung vermellt, willt se kien Lohn mehr wieder betahlen, wenn de Lüüd wegen en Corona-Utbreken in Quarantään mööt. Baden-Württembarg hett düssen Schritt al besluten. Rheinland-Pfalz treckt to´n eersten Oktober na. Ok de Sozialministersch vun Neddesersassen, Beherens, is dorför kien Lohn mehr wieder för Lüüd ohn de Sprütt to betahlen. Düsse Kosten kann man de Sellschop nich tomoden, see se den NDR. De Weser-Kurier schrifft, dat dat dorto in Bremen noch kien Entscheden gifft.

Däänmark kippt letzte Corona-Regeln

Kopenhagen. In Däänmark fallen vun hüüt an de letzten Corona-Regeln weg. So mutt to´n Bispill keeneen mehr bi bestimmten Grootveranstalten nawiesen, dat he de Sprütt al kregen, Corona al achter sick or en Test makt hett. Dat gellt ok för den Besöök vun Diskotheken. De Plicht en Snutenpulli to dregen un annere Regeln, harr de Regerung al in de verleden Weken ümsmieten. As Grund dorför mellt dat Ministerium för Gesundheit den hogen Andeel vun Lüüd mit de Sprütt. In Däänmark sünd mehr as 83 Perzent vun all Minschen över twölf Johrn kumplett impft.

Bunnsrat stimmt över Floothölp un neje Corona-Regeln af

Berlin. De Bunnsrat will an´n Vörmiddag över dat Hölpsgeld för de Opfers vun dat Hoochwater-Slamassel in´n Juli afstimmen. De Bunnsdag harr dat Gesetz an´n Dingsdag besluten. För den Wedderopboo schallen rund dartig Milliarden Euro paraatstahn. Bi en Extra-Drapen will de Bunnsrat ok dat neje Infektschoonsschutzgesetz op´n Weg bringen. Dorna schall an de Stee vun de Inzidenz, in Tokunft ok de Tall vun de Corona-Patschenten düchtig för de Beweertung vun de Laag ween. Bavento dröfft Mitarbeiters in Kitas un Scholen in Tokunft vun ehrn Arbeitgever fraagt weern, of se de Sprütt kregen hebbt.

Polizei ünnersökt na Drogenfund op Baltrum

Baltrum. Na den Fund vun 25 Kilogramm Kokain op dat oostfreesch Eiland, söökt de Polizei noch, wo de Drogen akkrat herkoomt. Lüüd harrn op ehrn Spazeergang dat Kokain Enn August an´n Strand vun Baltrum funnen. Dat vermellt de Polizei. De Drogen weern in en Twistbüdel inpackt. Na Menen vun den Zoll wurren de Drogen wohrschienlich op en Containerschipp ut Översee smuggelt. Dat Hauptzollamt Ollenborg taxeert den Marktweert op rund twee Millionen Euro.

Akschoon „Freedag is Plattdag“ löppt an

Auerk. In Neddersassen fangt hüüt de Akschoon „Freedag is Plattdag“ an. Se schall Minschen Moot maken, de Regionaalspraak vör allen freedags in Alldaagssituatschonen to bruken, see Ministerpräsident Weil bi den Anfang in Auerk. Firmen, Hökers, Kinnergorn un Scholen twüschen Emden un Göttingen makt bi de Akschoon mit. „Freedag is Plattdag“ schall de plattdüütsche Spraak, de in Gefohr is, in´n Verstand vun de Minschen bringen.

Dat Weer

Un nu een Blick op dat Weer: in Nordenham 20, an den Bremer Flegerhaben un an de Fischreehabenslüüs in Bremerhaben 18 un in Ossenbrügg sünd dat opstunns 21 Graad. Hüüt Vörmiddag trecken bi velen Wulken noch deegte Regenschuer un Gewidder Richtung Nordsee af. An´n Middag kaamt dat Weer to Roh un de Sünn kann för en korten Ogenblick döör de Wulken kieken. An´n Namiddag gifft dat wedder Blitz un Donnerslag. De Wind weiht en beten bit in Maten. Dat Thermometer wiest 21 bit 24 Graad. Tokamen Nacht wiederhen Schuer un enkelte Gewidder bi 15 bit 17 Graad. Morrn sünd vele Wulken an´n Heven. Dorbi kaamt dat Natt vun baven. De Sünn schafft dat blots kort döör de Wulken. Dat Thermometer wiest Temperaturen vun 20 bit 22 Graad. Sünndag blifft dat länger dröög un dat regnet blots noch en beten bi 18 bit 21 Graad.

Dat weern de Nahrichten op platt. Anja Guse hett se tohoopstellt. Op Platt trechtmaakt un vörleest hett se Markus Weise.