Jetzt läuft:

Steve Cropper Say You Don't Know Me
  • Als nächstes läuft:

  • Um 18:15 Uhr läuft: The Pretty Things Sitting All Alone
  • Jetzt läuft:

    Steve Cropper Say You Don't Know Me
  • Davor lief:

  • Um> 18:07 Uhr lief: Blues Brothers Soul Man
  • Um> 18:05 Uhr lief: Amen Corner Hello Susie
  • Um> 17:55 Uhr lief: Free All Right Now
  • Um> 17:53 Uhr lief: Eagle-Eye Cherry Save Tonight
  • Um> 17:48 Uhr lief: Madonna La Isla Bonita
  • Um> 17:46 Uhr lief: Ben E. King Stand By Me
  • Um> 17:43 Uhr lief: The Lathums Oh My Love
  • Um> 17:36 Uhr lief: Marillion Kayleigh
  • Um> 17:31 Uhr lief: Kool & The Gang Ladies' Night

Beat-Club mit Lutz Hanker

Plattdeutsche Nachrichten Plattdüütsche Narichten vun'n 9. September 2021

Plattdüütsche Narichten vun'n 9. September 2021

Audio vom 9. September 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Montgomery maakt sik för 2G stark +++ Gesundheitsämter hebbt to veel to daan +++ Maas för Ünnersökensutschuss +++ Eberhard Kulenkampff is dod +++ Zverev ünner de letzten Veer +++ Dat Weer

Informationen zum Audio

Montgomery maakt sik för 2G stark

Berlin – Bi’t Gegenangahn gegen de veerte Pandemie-Well hett sik de Vörsitter vun’t Weltdoktorsbund Montgomery för scharpere Corona-Regeln stark maakt. He will, wo dat man geiht, de so nöömte 2G Regel inföhren. Dat wöör bedüden: blots Minschen, de geimpft or genesen sünd, dröfft to’n Bispill in Kinos, Kroogs or Museen rin.

Gesundheitsämter hebbt to veel to daan

Berlin – De Gesundheitsämter in Dütschland köönt woll nich mehr all Lüüd rutfinnen, mit de Corona-Infizerte tosamen weern. As de Verband vun de Amtsdoktors vermellt, liggt dat an de hoge Tall vun Minschen, de een positiven Test hebbt – ahn, dat dat to de glieke Tied een Lockdown gifft. De Minschen hebbt nu so vele Kuntakte, dat dat nich mehr mööglich is, alle bi’n Kanthaken to kregen.

Maas för Ünnersökensutschuss

Berlin – Bunnesbutenminister Maas kann sik een Bunnesdags-Ünnersökensutschuss to Afghanistan vörstellen. He will ok, dat Licht in de Saak kummt, sä Maas an’n Abend in de ARD. De Bunnesregeern ward ünner annern vörsmieten, dat se dat Utreisen vun afghanschen Ortskräften veel to laat op’n Weg bröcht hett. De radikal-islamschen Taliban, de dar nu dat Leit hebbt, hebbt middewiel een Verbott to’n Demonstreren utropen.

Eberhard Kulenkampff is dod

Bremen - De ehemalig Bremer Senatsdirektor Eberhard Kulenkampff is dod: he is in’n Oller vun 93 Johren sturven. De Architekt un Städteboer weer in de 70er un 80er Johren böverster Beamter vun de Boobehöörd. Bit Midde vun de 90er harr Kulenkampff dat Leit över den städtschen Wohnungskunzern Gewoba.

Zverev ünner de letzten Veer

Nee York – Alexander Zverev is ünner de letzten Veer bi de US-Open: he dreept nu op Novak Djokovic. De harr an’n Morrn vun us Tied gegen Matteo Berrettini wunnen. De dütsche Tennis-Olympiawinner Zverev harr vördem gegen den Südafrikaner Lloyd Harris de Nääs vörn. Un in de Qualifikatschoon för de Football-WM in Katar hett Dütschland 4 to 0 in Island wunnen.

Dat Weer

Un nu een Blick op dat Weer: an den Bremer Flegerhaben un in Cuxhaben 18, in Demorst un an de Fischereehabenslüüs in Bremerhaben sünd dat opstunns 19 Graad. Vundaag gifft dat nochmal veel Sünnschien. An’n Namiddag un Abend treckt denn aver vun Südwesten mehr un mehr Wulken op. In’t südliche Emsland kann dat bi bruttig Weer ok Grummelschuers geven – bi 24 Graad op de Eilanden un 27 bit 28 Graad in’t Binnenland. Tokamen Nacht treckt de Schuers vun’t Emsland över de Werser bit an de Elv, mitunner kummt dar orrig wat daal. Achter den Regen kann hier un dar Nevel opkamen. Dat Thermometer sackt op 17 bit 15 Graad. Morrn treckt in de Fröh noch Schuers un Grummelschuers dör un na dat Oplösen vun Nevel kann de Sünn rutkieken. Vun’n Middag an kann dat aver wedder orrig natt vun baben kamen bi 21 bit 24 Graad. Dat weern de Nahrichten op platt. Michael Nendza hett se tohoopstellt. Op Platt trechtmaakt un vörleest hett se Heidi Jürgens.