Jetzt läuft:

Amen Corner Hello Susie
  • Als nächstes läuft:

  • Um 18:08 Uhr läuft: Blues Brothers Soul Man
  • Jetzt läuft:

    Amen Corner Hello Susie
  • Davor lief:

  • Um> 17:55 Uhr lief: Free All Right Now
  • Um> 17:53 Uhr lief: Eagle-Eye Cherry Save Tonight
  • Um> 17:48 Uhr lief: Madonna La Isla Bonita
  • Um> 17:46 Uhr lief: Ben E. King Stand By Me
  • Um> 17:43 Uhr lief: The Lathums Oh My Love
  • Um> 17:36 Uhr lief: Marillion Kayleigh
  • Um> 17:31 Uhr lief: Kool & The Gang Ladies' Night
  • Um> 17:27 Uhr lief: Rick Astley Together Forever
  • Um> 17:24 Uhr lief: Marlon Roudette New Age

Beat-Club mit Lutz Hanker

Plattdeutsche Nachrichten Plattdüütsche Narichten vun'n 31. August 2021

Plattdüütsche Narichten vun'n 31. August 2021

Audio vom 31. August 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

De letzten US-Suldaten sünd ut Afghanistan rut +++ Lokföhrers: Fief Daag Streik +++ August: Wedder mehr Minschen ahn Job +++ Schaustellers freit sik ok Freemarkt +++ Perzess gegen fröheren Windkraft-Ünnernehmer +++ Dat Weer

Informationen zum Audio

De letzten US-Suldaten sünd ut Afghanistan rut

Kabul: De USA sünd nu heel un deel ut Aghanistan rut. Kort vör Middernacht sünd de letzten Suldaten vun den Flegerhaven in de afghansche Hauptstadt aftrocken. Ok de US-Botschaft in Kabul hebbt se dichtmaakt. US-Präsident Biden will vundaag en Anspraak an de Natschoon holen. Denn will he verkloren, wat för en Kurs de Politik nu in Afghanistan stüern will.

Lokföhrers: Fief Daag Streik

Berlin: De Gewarkschap vun de Lokföhrers hett in ehren Tarifstriet mit de Düütsche Bahn wedder en Streik anseggt. Vun Dunnersdag fröh op an gellt dat för den Personenverkehr, bi den Worenverkehr geiht dat al morgen Namiddag los. Streiken wüllt se fief Daag lang. Gor nich tofreden is de Fohrgastverband Pro Bahn. He meen: De Tarifparteien schullen sik wedder an een Disch setten.

August: Wedder mehr Minschen ahn Job

Bremen: In Bremen un Neddersassen is de Tall vun de Lüüd ahn Arbeit gegen den Juli en lütt beten anstegen. De Arbeitsagentur seggt: Na de School- oder Lehrtiet mellt sik junge Lüüd, ehrdat se en ne’e Arbeitssteed finnt oder studeert. Vergleken mit verleden Johr sünd de Tallen aver beter worrn. In Bremen harrn in’n August 39.000 Minschen keen Arbeit, dat sünd um un bi 5.000 weniger as een Johr vörher. De Quoot steiht nu bi 10,7, in Neddersassen bi 5,5 Perzent.

Schaustellers freit sik ok Freemarkt

Bremen: Ok mit Corona schall düt Johr de Bremer Freemarkt kamen. De „Sommerwischen“ harr jem lehrt, dat grote Veranstaltungen mööglich sünd, meen dat Wirtschafts-Ressort. In den Hygieneplaan steiht binnen: Bet 20.000 Minschen kunnen se op eenmal rinlaten. Um den Festplatz boot se en Tuun op, rin dröfft blots Lüüd, de de Sprütt kregen hebbt, de wedder gesund sünd oder en Test maakt hebbt. Dat de Afstand inhollen warrt, dorför laat se een Drüddel weniger an Fohrgeschäften op de Börgerweid rop. De Verband vun de Schaustellers is bannig tofreed: Dat is goot, dat de Bremer Politik den Freemarkt nich al lang vörher afseggt hett.

Perzess gegen fröheren Windkraft-Ünnernehmer

Ossenbrügge: An’t Landgericht geiht vundaag en Perzess los gegen en Mann, vun den se meent, he weer en Bedreger un Lurendreiher. Seggt warrt: Hendrik Holt un veer anner Lüüd harrn Energiekunzerne utdachte Windpark-Projekten vörleggt un so 10 Millionen Euro afnahmen. De fröhere Windkraft-Ünnernehmer ut dat Emsland steiht mit dree Lüüd ut sien Familie un en Geschäftsföhrer vör’t Brett. Se harrn woll Ünnerlagen namaakt un för jemehr Bedregereen insett.

Dat Weer

Un woans süht dat mit dat Weer umto ut? Opstunns hebbt wi in Bremen 15 Graad, in Zeben sünd dat 16 un in Bremerhaven un op Baltrum 18 Graad. Vundaag: Eerst twüschen Werser un Ems noch wat dakig, anners veel Sünnschien. En poor Wulken blievt över Dag, an’n Avend lööst sik ok de op. Dat Thermometer krabbelt op 21 bet 23 Graad, op de Inseln 19 bet 20. De Wind dorto weiht flau vun de noorden Kant, an de Küst ok en beten mehr. Tokamen Nacht: Eerst blinkert de Steerns, laterhen denn aver dichten Daak oder hogen Daak. Dat blifft aver dröög. Bi 14 bet 10 Graad, op de Inseln 16 bet 14. Morgen: In de Morgenstünnen blifft de Daak in vele Gegenden noch stahn, un eerst gegen Avend kriggt de Sünn de Bavenhand. Dröög bi 19 bet 23 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.