Jetzt läuft:

Kool & The Gang Ladies' Night
  • Als nächstes läuft:

  • Um 17:36 Uhr läuft: Marillion Kayleigh
  • Jetzt läuft:

    Kool & The Gang Ladies' Night
  • Davor lief:

  • Um> 17:27 Uhr lief: Rick Astley Together Forever
  • Um> 17:24 Uhr lief: Marlon Roudette New Age
  • Um> 17:18 Uhr lief: Stampeders feat. Wolfman Jack Hit The Road Jack
  • Um> 17:14 Uhr lief: France Gall Ella, Elle L'A
  • Um> 17:09 Uhr lief: Ed Sheeran Happier
  • Um> 17:05 Uhr lief: Glass Tiger Don't Forget Me (When I'm Gone)
  • Um> 16:55 Uhr lief: Kenny Rogers & Dolly Parton Islands In The Stream
  • Um> 16:53 Uhr lief: Eric Carmen Hungry Eyes
  • Um> 16:49 Uhr lief: Pulp Disco 2000

Das Wochenende mit Ariane Wirth

Plattdeutsche Nachrichten Plattdüütsche Narichten vun'n 18. August 2021

Plattdüütsche Narichten vun'n 18. August 2021

Audio vom 18. August 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Fleger bringt Minschen ut Afghanistan na Frankfort +++ Mehr Dode in Haiti +++ RKI: Mehr as 8000 Minschen hebbt sik mit Corona ansteken +++ Bremen: Strengere Corona-Regeln +++ Fracht-Ünnernehmer Kühne verlangt: Haven-Bedrievers schüllt tohoopgahn +++ Dat Weer

Informationen zum Audio

Fleger bringt Minschen ut Afghanistan na Frankfort

Frankfort: En Extra-Fleger vun de Lufthansa hett 130 Minschen na Düütschland bröcht, de ut Kabul rett worrn sünd. De Airbus is vunmorgen in Frankfort an’n Main ankamen. De Bunnswehr harr de Lüüd güstern ut Kabul ruthaalt, achteran weren se in Taschkent in den Fleger na Düütschland ümstegen. Vundaag will de Bunnswehr noch mehr düütsche Staatsbörgers un afghaansche Hölpslüüd ut Kabul ruthalen.

Mehr Dode in Haiti

Port au Prince: Wo in Haiti de Eer bevert hett, tellt se dor nu meist 200 Dode. Dat hett de Zivilschutz anseggt. Sünnavend harr de Eer mit 7,2 bevert. De Behörden seggt: Meist 10.000 Minschen sünd verletzt worrn.

RKI: Mehr as 8000 Minschen hebbt sik mit Corona ansteken

Berlin: De Tall vun de Minschen, de sik nee mit Corona ansteken hebbt, is batz na baven gahn. För güstern hett dat Robert-Koch-Institut mehr as 8.300 ne’e Kranke tellt. Dat sünd över 4.000 mehr as een Dag vörher. De Söven-Daag-Tall steiht nu för ganz Düütschland bi över 40. In Bremen steiht se op goot 39, in Bremerhaven op 48 un in Neddersassen op 29.

Bremen: Strengere Corona-Regeln

Bremen: In de Stadt Bremen gellt vun hüüt op an strengere Corona-Regeln. Na de 3-G-Regel dröfft blots noch Lüüd, de de Sprütt kregen hebbt, de wedder gesund sünd oder de en Test maakt hebbt, in vele öffentliche Hüüs rin un bi Veranstaltungen mit bi ween. Wat dor achter stickt: De Corona-Tallen sünd anstegen. In Bremerhaven schüllt de neen Regeln morgen gellen.

Fracht-Ünnernehmer Kühne verlangt: Haven-Bedrievers schüllt tohoopgahn

Bremen: De Firmen, de de Havens in Hamborg un Bremen bedrievt, schüllt in Tokunft tohoopgahn. Dat meent de Hamborger Fracht-Ünnernehmer Klaus-Michael Kühne. In en Breef harr Kühne vun den Bremer un den Hamborger Senat verlangt, se schüllt över de Saak snacken. He sülvst wörr dor ok Geld för geven, wenn de Firmen Eurogate un HHLA ünner een Dack gaht. De beiden Bedriever-Ünnernehmen hebbt nu een Johr lang mit’nanner snackt. Dor is aver nix bi rutsuert.

Dat Weer

Un woans süht dat mit dat Weer umto ut? Opstunns hebbt wi in Bremen un Syke 15 Graad, in Bremerhaven sünd dat 16 un in Cuxhaven 17 Graad. Vundaag: Wulken över Wulken mit en ganz beten Sünnschien dortwüschen. Hier oder dor kann dat en beten pladdern. Dat Thermometer kummt nich över 19 bet 21 Graad rut. De Wind dorto briest op, he weiht in Maten vun de westen Kant, an de Küst frisch bet däägt ut Noordwest, ok mit störmsche Böen. Wenn’t an de See regen deit: ok mit Stormböen. Tokamen Nacht: Wulken, un de smiet ok Natts vun baven. Bi 16 bet 14 Graad. Morgen: Wulken un jümmers wedder Regen. Dat blifft bi 18 bet 20 Graad. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.