Jetzt läuft:

10cc Dreadlock Holiday
  • Jetzt läuft:

    10cc Dreadlock Holiday
  • Davor lief:

  • Um> 23:51 Uhr lief: Billy Joel Uptown Girl
  • Um> 23:47 Uhr lief: Katie Melua Your Longing Is Gone
  • Um> 23:44 Uhr lief: Los Bravos Black Is Black
  • Um> 23:39 Uhr lief: Achim Reichel Der Spieler
  • Um> 23:34 Uhr lief: Whitney Houston I Will Always Love You
  • Um> 23:30 Uhr lief: Slade Far Far Away
  • Um> 23:26 Uhr lief: Michael Patrick Kelly Roundabouts
  • Um> 23:19 Uhr lief: José Feliciano Loving Her Was Easier
  • Um> 23:16 Uhr lief: Madonna Like A Virgin

Nachtprogramm

Plattdeutsche Nachrichten Plattdüütsche Narichten vun'n 28. Juli 2021

Plattdüütsche Narichten vun'n 28. Juli 2021

Audio vom 28. Juli 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Gröttere Testplicht för Urlaubers woll fröher +++ Inzidenzen stiegen +++ Na Exploschon in Leverkusen duert Söök na Lüüd an +++ Noch mehr Gewidder möglich – Rein maken geiht vöran +++ Eurogate hollt an Spoorkurs fast +++ Dat Weer

Informationen zum Audio

Gröttere Testplicht för Urlaubers woll fröher

Berlin/ München. Urlaubers mööt sick al af tokomen Maant op en gröttere Testplicht bi dat Wedderkamen na Düütschland instellen. De Bund hett toseggt, dat he bit Mondag allens proberen will, üm desülvige Testplicht för all intoföhren. Dat see de Ministerpräsident vun Bayern, Markus Söder, in den ARD-Dagsthemen. Dat schall nich blots för Lüüd gellen, de mit en Fleger reisen, sünnern ok för Lüüd, de mit en Auto or Tog fohren.

Inzidenzen stiegen

Berlin. De Söven-Dag-Inzidenz stiegt siet dree Weeken an. Dat Robert - Koch – Institut vermellt, dat de Inzidenz in Düütschland nu bi 15 liggt. In´t Land Bremen gift dat in Ogenblick 42 neje Corona-Fallen. Negen dorvun in Bremerhaben. In Bremen geiht de Inszidenz op 21,1 un in Bremerhaben op 14,1 hooch. För Neddersassen mellt dat RKI 276 Neeinfektschoonen. De Inzidenz liggt hier bi 15,8.

Na Exploschon in Leverkusen duert Söök na Lüüd an

Leverkusen. Nadem en Deel in en Müllverbrennungsanlaag in´n Chempark Leverkusen in de Luft gahn weer, warrt wieder na Lüüd söökt, de nich na Huus kamen sünd. Bi dat Malöör weern tominnst twee Minschen doot bleven. Fief Mitarbeiders weern wiederhen vermisst. Dat vermellt de Bedrief.
31 Minschen hebbt wat afkregen, see de Ünnernehmensspreker. Bi een Minschen geiht dat um Leven un Dood. Vun de Firma is wieder to hören, dat de gewaltige Exploschon in en Tanklager vun dat Entsorgungszentrum Bürrig passert weer.

Noch mehr Gewidder möglich – Rein maken geiht vöran

Offenbach. Na dat gräsige Unweer in en poor Landstücken in Düütschland liggt wedder Blitz und Donnerslag in de Luft. In Bayern stellt se sick op neje düchtige Regenschuer in. In den Landstücken in´n Westen vun Düütschland, wo de Unweer tokehr gahn weern, warrt na rund twee Weken anfangen de Noothölp uttobetahlen. De Fachlüüd rekent dormit, dat de Noothölp woll de Versekerung in Düütschland twüschen 4,5 un 5,5 Milliarden Euro kosten warrt.

Eurogate hollt an Spoorkurs fast

Bremerhaben. Dat Havenünnernehmen Eurogate hollt an sien Millionen-Spoorkurs fast. Op dat Containerterminal Bremerhaben schallen noch mehr Arbeitssteden wegfallen, man blots regelt över en Programm, na dat Öllere nich mehr vull arbeiden mööt un Vörrohstand. Dat Ünnernehmen is mit den Bedriefrat op en Sozialplaan övereens kamen, see en Spreker. Eurogate harr ünner annern verlangt, dat de Mitarbeiders mehr arbeiten, dormit de Kosten daalgahn. Dat Havenünnernehmen will bi 2024 all in all 84 Millionen Euro insporen.

Dat Weer

Un nu een Blick op dat Weer: in Harlesiel, an den Bremer Flegerhaben un an de Fischreehabenslüüs in Bremerhaben 20 un in Wilshusen sünd dat opstunns 19 Graad. Hüüt sünd vele Wulken an´n Heven. De Sünn kiekt aver jümmer mal wedder döör. An´n Vörmiddag sünd blots enkelte Schuer ünnerwegens. Gewidder kann ok dorbi ween. Namiddags regent dat jümmer mal wedder hier un dor. De Wind weiht mehr un mehr in Maten. Dat Thermometer wiest 22 bit 24 Graad.
Tokamen Nacht hören de Regenschuer op un trecken to de Nordsee af. De Temperaturen liggen bi 13 bit 15 Graad. Morrn wesseln sick Sünn un Wulken af. Vun de Küst bit Bremen gift dat en poor Regenschuer. De Temperaturen gahn op 19 bit 21 Graad en beten trüch.

Dat weern de Nahrichten op platt. Carola Schwirblat hett se tohoopstellt. Op Platt trechtmaakt un vörleest hett se Markus Weise.