Jetzt läuft:

10cc Dreadlock Holiday
  • Jetzt läuft:

    10cc Dreadlock Holiday
  • Davor lief:

  • Um> 23:51 Uhr lief: Billy Joel Uptown Girl
  • Um> 23:47 Uhr lief: Katie Melua Your Longing Is Gone
  • Um> 23:44 Uhr lief: Los Bravos Black Is Black
  • Um> 23:39 Uhr lief: Achim Reichel Der Spieler
  • Um> 23:34 Uhr lief: Whitney Houston I Will Always Love You
  • Um> 23:30 Uhr lief: Slade Far Far Away
  • Um> 23:26 Uhr lief: Michael Patrick Kelly Roundabouts
  • Um> 23:19 Uhr lief: José Feliciano Loving Her Was Easier
  • Um> 23:16 Uhr lief: Madonna Like A Virgin

Nachtprogramm

Plattdeutsche Nachrichten Plattdüütsche Narichten vun'n 26. Juli 2021

Plattdüütsche Narichten vun'n 26. Juli 2021

Audio vom 26. Juli 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Debatt wegen Regeln för Lüüd ohn Sprütt +++ Bund-Länner-Konferenz wegen stiegen Corona-Tallen verlangt +++ Binnenutschuss snackt över Schutz bi groot Malöör +++ Parlament in Frankriek stimmt för scharpe Corona-Regeln +++ Süüdafrika nimmt Corona-Regeln trüch +++ Dat Weer

Informationen zum Audio

Debatt wegen Regeln för Lüüd ohn Sprütt

Berlin. De Plan vun Kanzleramtsminister Braun, de Rechten vun Lüüd ohn Sprütt to verknappen, warrt bannig ünnerschedlich ankieken. Bunnsbinnenminister Seehofer hollt den Vörslag för goot, wiel man de Gesamtsellschop afsekern mutt. Vun meist desülvige Oort, süht dat de Vörsitter vun den Weltdoktorbund, Montgomery. Dat gift kien Grund Lüüd, de de Sprütt al kregen or Corona al achter sick hebbt, ehr Grundrechten wieder in Schranken to setten.
Unions-Kanzlerkandidat Laschet will dorgegen de Minschen nich achtern rüm ünner Druck setten. Gegenwind keem ok vun den Linken un vun de FDP.

Bund-Länner-Konferenz wegen stiegen Corona-Tallen verlangt

Berlin. Wegen de stiegen Corona-Falltallen willt sick de Bunnslänner för en korte Tiet unnernanner afstimmen. De Ministerpräsident vun Bayern, Söder, hett de Ministerpräsidenten vun den uniosföhrten Lännern för morgen to en Schaltkonferenz inladen. Dorbi schall dat üm de Regeln för Lüüd gahn, de ut ehrn Urlaub trüch na Düütschland komen. De Ministerpräsident vun Brannenborg, Woidke, verlangt en Bund-Länner-Konferenz. Man mutt allens dorför doon, üm dat normaale Leven oprechttohollen.

Binnenutschuss snackt över Schutz bi groot Malöör

Berlin. Na dat groot Malöör mit dat rusig Weer koomt nu de Binnenutschuss in´n Bunnsdag to en Extra-Drapen tosamen. Wiel dor villeicht wat bi de Behörden scheef lopen weer, willt de Afornten snacken, of de Bund in Tokunft mehr för den Schutz bi groot Malöör doon schall. Na dat groot Malöör mit dat rusig Weer, harr dat den Verdacht geven, dat de Minschen in de Landstücken nich gau noog wohrschaut weern. Ganz besünners weer Bunnsbinnenminister Seehofer scharp angahn.

Parlament in Frankriek stimmt för scharpe Corona-Regeln

Paris. Dat franzöösch Parlament hett för strengere Corona-Regeln stimmt. Dormit warrt en Impfplicht för Mitarbeiders in de Medizin inföhrt. Bavento draf man in Ferntöög, Bars or Wirtshüüs blots noch mit en negativen Coronatest en Foot setten. Dat gellt ok för Lüüd, de de Sprütt al kregen or Corona al achter sick hebbt. To de Regeln gifft dat mehrere Menen. Frankriek makt sick jüst gegen en verte Corona-Well stark.

Süüdafrika nimmt Corona-Regeln trüch

Johannesborg. De Präsident vun Süüdafrika, Ramaphosa, hett ankünnigt, de mehrsten Corona-Regeln trüch to nehmen. De drütte Corona-Well is wiedgahns över de höchsten Tallen weg, see Ramaphosa. Alkohol draff wedder verkoopt weern, un ok Reisen in´t Binnenland un Versammeln sünd denn verlöövt. In´n Vergliek mit annern afrikanschen Staaten is Süüdafrika an sworsten vun de grote Süük drapen.

Dat Weer

Un nu een Blick op dat Weer: in Demost, an den Bremer Flegerhaben un an de Fischreehabenslüüs in Bremerhaben 22 un op Langeoog sünd dat opstunns 21 Graad.
Hüüt fangt dat mit Sünnschien an. In´n Dagsverloop trecken jümmer mehr Wulken op, de hier un dor deegte Regenschuer mit Blitz un Donnerslag mitbringen. De Wind weiht en beten bit in Maten. Bi Regenschuer un Gewidder sünd ok störmsche Böen möglich. Dat is lurig warm bi Temperaturen vun 23 bit 27 Graad.
Tokamen Nacht hört dat op to pladdern. Hier un dor kann Nevel an´n Bodden ween. Dat Thermometer wiest 15 bit 17 Graad.
Morrn fangt dat mit mehr Wulken an. Dat blifft dröög. An de Küst kann dat ok Regen geven. An Namiddag un Avend pladdert dat hier un dor ok in´t Binnenland. De Temeperaturen krabbeln op 23 bit 25 Graad.

Dat weern de Nahrichten op platt. Carola Schwirblatt hett se tohoopstellt. Op Platt trechtmaakt un vörleest hett se Markus Weise.