Jetzt läuft:

Sting All This Time
  • Als nächstes läuft:

  • Um 05:50 Uhr läuft: Tommy James & The Shondells Mony Mony
  • Jetzt läuft:

    Sting All This Time
  • Davor lief:

  • Um> 05:42 Uhr lief: Mighty Oaks Forever
  • Um> 05:37 Uhr lief: Gibson Brothers Que Sera Mi Vida
  • Um> 05:33 Uhr lief: Pointer Sisters Jump For My Love
  • Um> 05:25 Uhr lief: Rod Stewart Waltzing Matilda
  • Um> 05:22 Uhr lief: Julian Lennon Too Late For Goodbyes
  • Um> 05:18 Uhr lief: Diana Ross Chain Reaction
  • Um> 05:15 Uhr lief: The Bosshoss Don't Gimme That
  • Um> 05:12 Uhr lief: The Monkees Day-Dream Believer
  • Um> 05:07 Uhr lief: Feargal Sharkey A Good Heart

Der Morgen mit Andreas Schnur und Anja Kwijas

Plattdeutsche Nachrichten Plattdüütsche Narichten vun'n 22. Juli 2021

Plattdüütsche Narichten vun'n 22. Juli 2021

Audio vom 22. Juli 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Bremen will Opbofonds för Hoochwaterflachen Stütt geven +++ USA un Düütschland ward sik enig över Ostseepipeline +++ Börgerschaftsfrakschonen kritiseern Datensammeln bi Bremer Polizei +++ Wieter Corona-Infekschonen op Krüüzfohrer MS Amera in Bremerhaben +++ Verkehrsversöök in de Bremer Binnenstadt fangt an +++ Dat Weer

Informationen zum Audio

Bremen will Opbofonds för Hoochwaterflachen Stütt geven

Bremen: Mehrere Bunnslänner hebbt Stütt för de plaante Opbohölp in de Hoochwaterflachen toseggt. Sülvstverständlich is Bremen solidaarsch un ward bi‘n Wedderopbo in West- un Süddüütschland mit vun de Partei ween, säe Bremens Börgermeister Bovenschulte to dat Redakschoonsnetwark Düütschland. Ok Sassen, Sassen-Anhalt un Thüringen wüllt mitmaken. Hessen un Berlin dorgegen wiest op ehr leege Finanzlaag hen, ünner annern wegen de Corona-Pandemie. Na dat Hoochwater vun 2013 hebbt Bund un all Länner den milliardensworen Wedderopbo tosamen finanzeert.

USA un Düütschland ward sik enig över Ostseepipeline

Berlin: De USA un Düütschland hebbt ehren Striet över de Oostsee-Pipeline „Nord Stream 2“ vun’n Disch kregen. Dat hett de Bunnsregeern vermellt. Mit dat Afkamen schall de Gas-Transit dör de Ukraine bet 2034 wietergahn. Düütschland hett bavento toseggt, gegen Russland antogahn, wenn Moskau de Pipeline dorto bruukt, annere oosteuropääsche Länner Arger to maken. Dorför will de US-Regeern vun Sanktschonen in’n Tosamenhang mit den Bo vun de Pipeline afsehn.

Börgerschaftsfrakschonen kritiseern Datensammeln bi Bremer Polizei

Bremen: Binnenpolitikers vun all Frakschonen hebbt kritiseert, datt de Bremer Polizei soveel Daten sammelt. Se wüllt, datt de Daten, de nich rechtens sekert worrn sünd, gau löscht ward. „Buten un binnen“ hett rutfunnen, datt sik de Polizei siet Johren nich an de Fristen hollt, wenn dat üm dat Löschen vun Daten vun Tügen, Börgers un Lüüd, de se op’n Kieker hebbt geiht.

Wieter Corona-Infekschonen op Krüüzfohrer MS Amera in Bremerhaben

Bremerhaben: Op den Krüüzfohrer MS Amera in Bremerhaben gifft dat wietere Corona-Infekschonen. Opstünns sünd dat negen Lüüd. Söben Infizeerte sünd mit en Fleger na Düütschland kamen. Bi Corona-Tests op dat Schipp sünd se de Infizeerten wiesworrn. In de beiden annern Fallen weern de Maten vun de Mannschop al länger op dat Schipp. Dat Gesundheitsamt is dorüm bang, datt dat wietere Infekschonen ünner de Seelüüd gifft. De Amera liggt in’n Momang ahn Fohrgäst in Bremerhaben. De tokamen Krüüzfohrt schall an’n 3. August losgahn.      

Verkehrsversöök in de Bremer Binnenstadt fangt an

Bremen: Siet hüüt Morgen is in de Binnenstadt de Martinistraat afsparrt. De Straat ward ümboet för en Verkehrsversöök, de negen Maand duern schall. Dormit wüllt se de Binnenstadt un den Looppadd an de Werser beter verbinnen. In dat eerste Sett schall dat op de Höögde vun de Pieperstraat vun Freedag an en so nöömten Beleevnisruum mit Stöhl un Kultur- un Sportprogrammen geven, wo de Lüüd sik uphollen köönt. För dree Weken gifft dat dorüm för Fohrtügen keen Dörkamen. Darna wüllt se Inbahnstraten- un anner Lösungen utprobeern. In de heelen Tiet gellt Tempo 20.  

Dat Weer

Un nu en Blick op dat Weer: in Bremerhaben 17, in Emmen un Deefholt 18, an’n Bremer Flegerhaben 19, un in Ollenborg sünd dat opstünns 22 Graad. Hüüt sett sik de Sünn dör, na dat sik de Wulken jümmer mehr oplöst. Över Middag is dat meisttiets fründlich mit’n poor Wulkenfeller. Vun’n fröhen Avend an treckt vun de Noordsee her nee’e Wulken in’t Land, de ok’n beten Spütterregen bringen köönt. De Temperaturen liggt twüschen 18 Graad op de oostfrees’schen Eilannen un 22 Graad op dat Fastland. In de Nacht is dat meisttiets dicht wulkig mit hogen Daak. An de Küst kann dat’n poor Druppen geven, anners blifft dat aver dröög bi 16 bet 12 Graad. Morgen is de Heben toeerst dicht wulkig, so datt de Sünn meist keen Schangs hett. An de Küst kann dat wieterhen’n beten Regen geven. Later lockert de Wulkendeck jümmer mehr op, so datt ok de Sünn dörkummt bi 20 bet 23 Graad.

Dat weern de Narichten op platt. Tohoopstellt hett se Gabriele Intemann. Op Platt trechtmaakt un vörleest vun Marc Gelhart.