Jetzt läuft:

10cc Dreadlock Holiday
  • Jetzt läuft:

    10cc Dreadlock Holiday
  • Davor lief:

  • Um> 23:51 Uhr lief: Billy Joel Uptown Girl
  • Um> 23:47 Uhr lief: Katie Melua Your Longing Is Gone
  • Um> 23:44 Uhr lief: Los Bravos Black Is Black
  • Um> 23:39 Uhr lief: Achim Reichel Der Spieler
  • Um> 23:34 Uhr lief: Whitney Houston I Will Always Love You
  • Um> 23:30 Uhr lief: Slade Far Far Away
  • Um> 23:26 Uhr lief: Michael Patrick Kelly Roundabouts
  • Um> 23:19 Uhr lief: José Feliciano Loving Her Was Easier
  • Um> 23:16 Uhr lief: Madonna Like A Virgin

Nachtprogramm

Plattdeutsche Nachrichten Plattdüütsche Narichten vun'n 19. Juli 2021

Plattdüütsche Narichten vun'n 19. Juli 2021

Audio vom 19. Juli 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Hoochwater-Wohrschau ward bekrittelt +++ Bremen will ut Hoochwater-Katastroof wat lehren +++ Software to´n Utspioneren hett weltwiet Journalisten överwacht +++ Wedder Kottarbeit in´t Bremer Mercedes Wark +++ Nee Verkehr-Versöök in de Bremer Humboldtstraat +++ Dat Weer

Informationen zum Audio

Hoochwater-Wohrschau ward bekrittelt

Berlin: Na de gräsige Hoochwater-Katastroof in Nordrhein-Westfalen un Rheinland-Pfalz wiest de Böverste vun´t Bunnsamt för Bevölkerungs- un Katastroofschutz Schuster de Schuld toröch, dat de Wies Wohrschau antoseggen nich good löppt. In´t ZDF seggt Schuster, dat dat Wohrschau anseggen good klappt hett un de Düütsche Wedderdeenst teemlich good wohrschaut hett. Ok Bunnsbinnenminister Seehofer hett düütliche Wöör afkregen. Dat Wohrschau seggen, vun de Meteorologen, to de rechte Tied an de Börgers över Beöörden un Rundfunk hett dat nich noog geven. Dat seggt de FDP Fraktionsvize Theuer. De Linkspartei verlangt, dat Seehofer sien Hoot nehmen deit.

Bremen will ut Hoochwater-Katastroof wat lehren

Bremen: Ok Bremen mutt ut de Hoochwater-Katastroof, in NRW un Rheinland-Pfalz, un dat, wat dor achterher kümmt wat lehren. Dat verlangt de Senatorin för Klimaschutz Schaefer vun de Grönen. Se seggt, dormit Bremen nich versupt mutt man de Dieken höger maken. Ok wenn dorför 136 ole Platanen in de Bremer Neestadt weg mööt, steiht dat för se fast.

Software to´n Utspioneren hett weltwiet Journalisten överwacht

Hamburg: Geheemdeenste un Polizeibehörden hebbt, as dat schient, weltwiet mit en Software to´n Utspioneren Journalisten, Aktivisten un Politiker överwacht. Dat seggt ok NDR, WDR, „Süddüütsche Zeitung“ un „De Tied“. As dat schient is dat mit at Utspioner-Programm „Pegasus“ ut Israel wesen. Dat Programm kann in Echttied Plietschfons heemlich ankieken, Snacken opteken, woneem een jüst is rutfinnen, de Kamera anstellen un ok dichte Chat-narichten knacken, so seggt man.

Wedder Kottarbeit in´t Bremer Mercedes Wark

Bremen: In Delen vun´t Bremer Mercedes Wark gifft dat vun hütt an wedder Kottarbeit. Rund 1.000 Mitarbeiders sünd vun de Kottarbeit bedropen. Na Informationen vun buten un binnen geiht dat üm de Arbeider in de Produktionshalle, wo se meist de lütteren Fohrtüüch herstellt. De Kottarbeit schall tominnst eene Week lopen. Grund dorför is, dat dat op de ganze Welt nich noog Chips för de Produktion gifft. De Chips sünd wichtige Bodelen för de Autoproduktion.

Nee Verkehr-Versöök in de Bremer Humboldtstraat

Bremen: De Humboldtstraat in´t Bremer Viertel draff man vun hütt an mit dat Auto blot´s noch in Richtung Sankt-Jürgen Straat föhrn. För Radfohrers gellt dat nich. De Behöörd för Mobilität will so rutfinnen, wo man dat henkriegen kann, dat se nich mehr as mennicheen Straat nutzt ward. Dorför hebbt se all twee annere Saken utprobeert. Eenmal dat bots Lüüd, de dor wohnt dordör föhrt un denn, dat de Humboldtstraat eene Sackstraat is. In´t Harvst willt se sik op een Molell dorvun fastleggen.

Dat Weer

Un nu een Blick op dat Weer: in Achim un an den Bremer Flegerhaben 17, an de Fischreehabenslüüs in Bremerhaben un in Cuxhaben sünd dat opstunns 18 Graad. Hüüt hebbt wi meist dichte Wulken an´t Heven. Dat kann ok mal so´n beten Regen geven. To`n Nomdag hen lockert dat op un wi kriegt de Sünn ok mal to sehn, bi 18 bit 20 Graad. Tokamen Nacht hier un dor Wulken, de to´n Morrn hen vun de Nordsee her dichter ward. Af un an kann dat Sprütterregen geven. Dat Thermometer sackt op 15 bit 11 Graad. Morrn vele dichte Wulken an´t Heven. De Sünn kriegt wi nich so faken to sehn. Hier un dor mööt wi mit lütte Schuers reken, bi 18 bit 21 Graad. Middeweken is dat jüst so wesselhaft, vele Wulken un af un an Schuers. De Sünn kummt ok mal dör, bi 19 bit 23 Graad. Dat weern de Nahrichten op platt. Katrin Martens hett se tohoopstellt. Op Platt trechtmaakt un vörleest hett se Antje Kruppa.