Jetzt läuft:

Shakespears Sister Hello (Turn Your Radio On)
  • Jetzt läuft:

    Shakespears Sister Hello (Turn Your Radio On)
  • Davor lief:

  • Um> 23:52 Uhr lief: The Hooters Johnny B
  • Um> 23:49 Uhr lief: Dusty Springfield I Only Want To Be With You
  • Um> 23:46 Uhr lief: Janieck Lost Frequencies feat. Devy Reality
  • Um> 23:42 Uhr lief: Heinz Rudolf Kunze Ich Hab's Versucht
  • Um> 23:39 Uhr lief: Styx Boat On The River
  • Um> 23:35 Uhr lief: Paul Young Come Back And Stay
  • Um> 23:26 Uhr lief: Sting Englishman In New York
  • Um> 23:22 Uhr lief: Katie Melua Nine Million Bicycles
  • Um> 23:18 Uhr lief: Quincy Jones & Patti Austin Ai No Corrida

Nachtprogramm

Plattdeutsche Nachrichten Plattdüütsche Narichten vun'n 15. Juni 2021

Plattdüütsche Narichten vun'n 15. Juni 2021

Audio vom 15. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Senaat snackt doröver, of de Corona-Regeln weniger warrn +++ RKI mellt, dat de Tahlen wieder daal sacken +++ Imam-Utbillen geiht in Ossenbrügge los +++ Junger Minsch versuupt in Bremer Baadsee +++ Düütschland speelt gegen Frankriek +++ Dat Weer

Informationen zum Audio

Senaat snackt doröver, of de Corona-Regeln weniger warrn

Bremen: In Bremen un Neddersassen kann dat angahn, dat de Corona-Regeln weniger warrn. De Bremer Senaat snackt doröver, of de Plicht en Mask to drägen, vun Klass fief af an, wieder löppt. Buterdem schall dat wedder rechtens ween, wenn mehr Minschen tohoop kamen – un de Tahl vun Gäst schall op Veranstalten na baven sett warrn. Man ok Neddersassen will de Oplagen bi den Kuntakt en beten trööch nehmen.

RKI mellt, dat de Tahlen wieder daal sacken

Berlin: Wiederhen sackt de Infektschoonstahl in Düütschland daal. Dat Robert-Koch-Institut mellt um un bi 650 nee Lüüd de sik ansteken hebbt – dat sünd 550 weniger as verleden Dingsdag. De Söven-Daag-Tahl is op 15,5 daalsackt. 93 Minschen sünd an or mit dat Virus sturven. De Tahlen ut de Gegend finnt se in de „Buten un binnen App“ un ünner „butenunbinnen.de“.

Imam-Utbillen geiht in Ossenbrügge los

Ossenbrügge: De Imam-Utbillen is vun hüüt af an in Düütschland mööglich. In Ossenbrügge is de eerste Lehr-Steed, de verscheeden Verbänne för de Imam-Utbillen in Düütschland bruken. Se kriggt Stütt vun den Bunn un dat Land Neddersassen. De Utbillen is för Imame, de düütsch snacken, ahn dat jichtenseen Verband or annere Länner dor wat to seggen hebbt. Totiets sünd um un bi 90 Perzent vun de muslimischen Prediger in Düütschland ut dat Butenland.

Junger Minsch versuupt in Bremer Baadsee

Bremen: Güstern Avend is in den Achterdiek See, in Oberneuland, en junger Minsch versupen. De Hölpslüüd hebbt den 15-Johrigen man gau funnen – liekers kunnen se em nich wedder trööch in´t Leven halen. Wat achter den Unfall stickt, is noch nich kloor.

Düütschland speelt gegen Frankriek

München: Bi de Football-Europameisterschaft hebbt Spanien un Schweden güstern Avend null to null speelt. De Slowakei harr gegen Polen mit twee to een de Nees vörn. Schottland hett gegen Tschechien mit null to twee een op de Mütz kregen. Vundag fangt dat Wettspeel nu ok för de düütsche Natschonaalmannschaft an: De Speeler vun den DFB speelt in München gegen den Weltmeister Frankriek.

Dat Weer

Un nu kiekt wi op dat Weer: In Ossenbrügge sünd dat opstunns 15 Graad, in Bremen, Em un Bremerhaven hebbt wi överall 16 Graad. De Dag fangt mit mal mehr mal weniger Wulken an. Hier un dor kickt ok mal de Sünn vörbi un dat blifft dröög. Övern Vörmiddag warrn de Wulken weniger un de Sünn hett jümmer mehr de Nees vörn. An Namiddag un Avend lacht meist de Sünn un an Heven sünd blots noch wenig Wulken, liekers warrt wi dat marken: dat warrt köhliger. De Wind weiht flau vun de noordwesten bet noorden Kant. Dat Thermometer schafft dat op 18 bet 22 Graad. In de Nacht lööst sik de letzten Wulken op un wi könnt de Steerns funkeln sehn, dat blifft dröög. Dat Thermometer sackt op frische 12 bet 8 Graad. Middeweken meist blots dünne Wulken un de Sünn lacht wedder. An Namiddag un Avend slieken dor en poor lose Wulken an Heven rum, liekers blifft dat dröög. Dat Thermometer kladdert dorbi op 25 bet 29 Graad. Op de Eilannen op 23 bet 24 Graad.

Dat weren de Plattdüütschen Narichten. Tohoopstellt vun Michael Nendza. Op Platt trechtmaakt un vörleest vun Martina Brünjes.