Jetzt läuft:

Rod Stewart Waltzing Matilda
  • Als nächstes läuft:

  • Um 05:36 Uhr läuft: Pointer Sisters Jump For My Love
  • Jetzt läuft:

    Rod Stewart Waltzing Matilda
  • Davor lief:

  • Um> 05:22 Uhr lief: Julian Lennon Too Late For Goodbyes
  • Um> 05:18 Uhr lief: Diana Ross Chain Reaction
  • Um> 05:15 Uhr lief: The Bosshoss Don't Gimme That
  • Um> 05:12 Uhr lief: The Monkees Day-Dream Believer
  • Um> 05:07 Uhr lief: Feargal Sharkey A Good Heart
  • Um> 05:03 Uhr lief: George Harrison My Sweet Lord
  • Um> 23:56 Uhr lief: Shakespears Sister Hello (Turn Your Radio On)
  • Um> 23:52 Uhr lief: The Hooters Johnny B
  • Um> 23:49 Uhr lief: Dusty Springfield I Only Want To Be With You

Der Morgen mit Andreas Schnur und Anja Kwijas

Plattdeutsche Nachrichten Plattdüütsche Narichten vun'n 14. Juni 2021

Plattdüütsche Narichten vun'n 14. Juni 2021

Audio vom 14. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Spahn is för een Enn vun de Maskenplicht buten +++ Erste Aftheken gifft digitale Impfpapere ut +++ Merkel graleert de nee’e israelsche Regeern +++ Bunnespräsident to Gedenkstünn in Sandbostel +++ Se verhannelt wieter över Afboo vun Stellen bi de Meyer Warft +++ Dat Weer

Informationen zum Audio

Spahn is för een Enn vun de Maskenplicht buten

Berlin – Bunnesgesundheitsminister Spahn hett een Enn vun de Maskenplicht toseggt. He hett darvun snackt, Schreed för Schreed vörtogahn. In een ersten Schreed kann de Maskenplicht buten wegfallen. In Flachs mit een bannig lüttje Inzidenz un een hoge Tall vun Lüüd, de all impft sünd, köönt de Minschen ok binnen de Masken weglaten. In de Stadt Bremen gellt de Maskenplicht vun vundag an buten nich mehr. Blots an Steden, wo Bus un Bahn anhöllt, gellt se wieter.

Erste Aftheken gifft digitale Impfpapere ut

Berlin – Vun vundag an fangt de ersten Aftheken darmit an, digitale Corona-Impfpapere uttostellen. Wokeen all heel un deel impft is, kriegt een Code, de op dat Smartphone laadt weern kann. De digitale Utgaav is as Tosatt to den gelen Impfpass dacht. Vör den Start hebbt de Aftheken aver üm Gedüer beden: nich all Aftheken ward batz op de Stäe in de Laag sien, een socken QR-Code utostellen.

Merkel graleert de nee’e israelsche Regeern

Berlin – Kanzlerin Merkel hett de nee’e israelsche Regeern Stütt vun Dütschland toseggt. Merkel sä, de Bunnesregeern ward sik wieter för de Sekerheit vun Israel un den Freden in Nahoost stark maken. De nee’e israelsche Regeern weer güstern mit blots een Stimm Mehrheit in’t Parlament wählt worrn. Anföhrt ward se vun’n Baas vun de ultrarechte Jamina-Partei, Bennett. Na twolf Johren is darmit de Amtstied vun Ministerpräsident Netanjahu vörbi.

Bunnespräsident to Gedenkstünn in Sandbostel

Sandbostel – Bunnespräsident Steinmeier besöökt an’n Vörmiddag dat ehemalig Kriegsgefangenenlager Sandbostel in’n Kreis Rotenburg. Vör 80 Johren hett Dütschland de Sowjetunion angrepen. Op dat Gräverfeld in Sandbostel will Steinmeier een Kranz daal leggen un an de 70-dusend russischen Suldaten gedenken, de in dat Lager binnen weern.

Se verhannelt wieter över Afboo vun Stellen bi de Meyer Warft

Papenborg – Bi de Meyer Warft in Papenborg kummt de Böversten un Bedreevsraat wedder tohoop, üm över de Tokunft vun de Warft to verhanneln. De Böversten plaant, tominnst 660 Steden aftoboon – de Bedreevsraat will dar gegenan gahn un de Jobs vun de Stammarbeiters redden. Kummt se wieter nich op een Brett, schall een Arbeitsgericht de Saak klären. De Meyer Warft weer wegen Corona un de Laag bi de Krüüzfohrtscheep in Legerwall kamen.

Dat Weer

Un nu een Blick op dat Weer: in Bremervöör 20, an den Bremer Flegerhaben un an de Fischereehabenslüüs in Bremerhaben 21 un in Demorst sünd dat opstunns 22 Graad. Hüüt gifft dat veel Sünnschien – an’n Namiddag kummt vör allens an de Nordsee een paar Wulken op, de an’n Abend ok dicker ward. Dat blifft aver dröög bi 24 bit 27 Graad, op de Eilanden bi 23 Graad. Tokamen Nacht is dat erst noch blots een beten wulkig or de Steerns funkelt. Vun de Nordsee her kummt dickere Wulken op, de later ok na Bremen treckt. Regen fallt aver nich un an’n Morrn lockert dat an de Küst wedder op. Dat Thermometer sackt op 14 bit 12 Graad. Morrn fangt de Dag dick wulkig an, hier un dar wiest sik aver all de Sünn un dat is dröög. An’n Vörmiddag kiekt jümmer mehr de Sünn rut un ok an’n Namiddag un Abend schient faken de Sünn bi blots een paar Wulken bi 18 bit 22 Graad. Dat weern de Nahrichten op platt. Anja Guse hett se tohoopstellt. Op Platt trechtmaakt un vörleest hett se Heidi Jürgens.