Jetzt läuft:

Paul Young Come Back And Stay
  • Als nächstes läuft:

  • Um 15:34 Uhr läuft: Slade My Oh My
  • Jetzt läuft:

    Paul Young Come Back And Stay
  • Davor lief:

  • Um> 15:24 Uhr lief: Ricky Martin Maria
  • Um> 15:19 Uhr lief: Dire Straits Brothers In Arms
  • Um> 15:17 Uhr lief: Lesley Gore It's My Party
  • Um> 15:09 Uhr lief: Charlie Puth feat. Meghan Trainor Marvin Gaye
  • Um> 15:05 Uhr lief: Status Quo In The Army Now
  • Um> 14:56 Uhr lief: Lipps Inc. Funkytown
  • Um> 14:50 Uhr lief: Elton John Sacrifice
  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 11. Juni 2021

Plattdüütsche Narichten vun'n 11. Juni 2021

Audio vom 11. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Industrienatschonen wüllt een Milliarde Impdosen verdelen +++ Bunnsdag leggt högere Tabakstüer fast +++ Bremer Senaat verlöövt wietere Lockerungen +++ Melkbuern protesteern in Bremen för högere Priesen +++ Football-Europameisterschaft geiht los +++ Dat Weer

Informationen zum Audio

Industrienatschonen wüllt een Milliarde Impdosen verdelen

Carbis Bay: De söben böversten Industrienatschonen wüllt een Milliarde Corona-Impdosen an ärmere Länner spenden. Dat hett de britsche Regeern in de Nacht mitdeelt. Se is Gastgever vun’n G7-Gipfel, de an’n Namiddag in Cornwall anfangt. To’n eersten Mal siet twee Johr kaamt de Staats- un Regerungsböversten wedder persönlich tosamen, üm över aktuelle Themen to snacken. Dorto höört de Klimawannel, Hannelsfragen un de Kampf gegen Corona.  

Bunnsdag leggt högere Tabakstüer fast

Berlin: Smöken ward in Düütschland dürer. De Bunnsdag hett an’n fröhen Morgen fastleggt, datt de Tabakstüer pö a pö hoochsett warrn schall. Vun tokamen Johr an köst en Pack mit 20 Zigaretten in’n Snitt teihn Cent mehr. Bet 2026 schall noch mehr opslaan warrn. De Bunnsdag will an’n Vörmiddag ok över dat so nöömte Leverkedengesetz afstimmen. Dat schall Ünnernehmen dorto dwingen, ok in butenländschen Produktschoonssteden de Minschenrechte un Ümweltoplagen intohollen.

Bremer Senaat verlöövt wietere Lockerungen

Bremen: De Senaat hett nu op’n Stutz künnig maakt, datt de Corona-Regeln för de Gastronomie wieter lockert ward. Vun hüüt an dröfft de Gasthüüs, Kinos, Theaters un Konzertsalen in de Nacht länger apen blieven. De Gäst bruukt aver för den Besöök wieterhen en negativen Corona-Test. To glieke Tiet ward dat Drinken vun Alkohol an de Slacht in de Binnenstadt un in’t Viddel noch mehr in Schranken sett. Dormit reageert de Stadt op en Reeg vun Hauereen, de dat dor al geven hett.

Melkbuern protesteern in Bremen för högere Priesen

Bremen: In de Bremer Neestadt kann dat an’n Middag to Behinderungen in’n Verkehr kamen. Vör de Zentraal vun dat Düütsche Melkkontor in de Neegde vun’n Flegerhaben wüllt Buern mit ehre Treckers demonstreern. De Protest geiht gegen de Melkpriesen, de se as Produzenten kriggt un de na se ehr Menen to billig sünd. En eerste Akschoon is an’n Vörmiddag in Elsdörp in’n Kreis Rodenborg plaant. Darna fohrt de Treckers wieter na Bremen.

Football-Europameisterschaft geiht los

Rom: An’n Avend geiht de Football-Europameisterschaft los – wegen de Corona-Pandemie een Johr later as plaant. In dat eerste Speel draapt de Törkei un Italien in Rom opnanner. Düütschland fangt eerst an’n Deensdag mit dat Gruppenspeel gegen Frankriek an. To’n eersten Mal ward en Football-EM in ölben europääschen Städer utricht. Dat Endspeel is an’n 11. Juli in’t Londoner Wembley-Stadion.

Dat Weer

Un nu en Blick op dat Weer: in Bremerhaben 20, in Emmen 21, an’n Bremer Flegerhaben un in Nienborg 22, un in Achim sünd dat opstünns 23 Graad. Hüüt hebbt wi toeerst meist överall veel Sünnschien. Vun Vörmiddag an billen sik jümmer mehr opstiegen Wulken, de an’n Namiddag un Avend enkelte Schuer bringen köönt. Blangenbi schient aver ok noch de Sünn. De Temperaturen liggt twüschen 24 un 26 Graad, an de Küst langt dat mit Seewind för 20 bet 23 Graad. In de Nacht gifft dat bi lockere Wulken eerst noch enkelte Schuer, de mit de Tiet weniger ward. Vun Middernacht an treckt vun de Noordsee her dichte Wulkenfeller op, de’n beten Regen bringt. Dat Thermometer fallt op 16 bet 14 Graad. Morgen treckt de lichte Regen af. Bet to’n Middag kummt de Sünn dör. Namiddags un avends gifft dat en Wessel ut Sünn un Wulken, enkelte Schuer sünd de Utnahm bi 17 bet 21 Graad.

Dat weern de Narichten op platt. Tohoopstellt hett se Anja Guse. Op Platt trechtmaakt un vörleest vun Marc Gelhart.