Jetzt läuft:

Charlie Puth feat. Meghan Trainor Marvin Gaye
  • Jetzt läuft:

    Charlie Puth feat. Meghan Trainor Marvin Gaye
  • Davor lief:

  • Um> 15:05 Uhr lief: Status Quo In The Army Now
  • Um> 14:56 Uhr lief: Lipps Inc. Funkytown
  • Um> 14:50 Uhr lief: Elton John Sacrifice
  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 10. Juni 2021

Plattdüütsche Narichten vun'n 10. Juni 2021

Audio vom 10. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Digitaler Imp-Pass geiht an’n Start +++ Bovenschulte un Weil wüllt bunnswiet klaare Regeln för grode Veranstalten +++ Tall vun Corona-Infekschonen geiht wieter daal +++ Rederee Maersk is nich tofreden mit Hamborger Haben +++ Kinnerarbeit ward wedder mehr +++ Dat Weer

Informationen zum Audio

Digitaler Imp-Pass geiht an’n Start

Berlin: In Düütschland schall de digitale Corona-Imp-Pass vun hüüt an pö a pö inricht warrn. Dormit köönt Lüüd, de al de Sprütt kregen hebbt, mit ehr Handy nawiesen, datt se gegen dat Virus immun sünd. Dat geele Impbook mööt se denn nich mehr vörwiesen. Dat Book gellt aver wieterhen. Bunnsgesundheitsminister Spahn will enkelte Punkte to den digitalen Pass hüüt över Dag bekanntmaken.   

Bovenschulte un Weil wüllt bunnswiet klaare Regeln för grode Veranstalten

Berlin: Bremens Börgermeister Bovenschulte will bunnswiet de sülvige Obergrenz bi grode Veranstalten mit veele Lüüd. Ok Neddersassens Ministerpräsident Weil is dorför. Dat säen de beiden SPD-Politikers vör dat Drapen vun de Lannsböversten mit Kanzlersche Merkel an’n Namiddag. Bovenschulte will en Regelung mit Oogenmaat. Anners kunn dat en Slag in’t Kontoor in’n Kampf gegen dat Corona-Virus geven.  

Tall vun Corona-Infekschonen geiht wieter daal

Berlin: Dat Robert Koch-Institut mellt düütschlandwiet 3.187 nee’e Corona-Infekschonen binnen 24 Stünnen. Een Week tovör weern dat üm un bi 1.500 mehr. De Söben-Daag-Wert geiht dormit wieter daal op 19,3.   

Rederee Maersk is nich tofreden mit Hamborger Haben

Hamborg: De weltgröttste Rederee Maersk will een Maand lang keene Scheep na Hamborg stüern. De Containerfrachtscheep mööt dor to lang op dat Klaarmaken töven, as dat Ünnernehmen vermellt. Ünner annern kummt dat woll wegen Streiks to besünners lange Töövtieden. Dorüm köönt se de Fahrplaans ok nich inhollen. Nu stüern de Scheep Bremerhaben un Willemshaben an.   

Kinnerarbeit ward wedder mehr

Genf: To’n eersten Mal siet 20 Johr is de Kinnerarbeit op de heelen Welt wedder mehr worrn. Dat geiht ut en Bericht vun de Vereenten Natschonen vör. So sünd in’t verleden Johr üm un bi 160 Millionen Kinner to Arbeit statts to School gahn. Dat sünd 8,4 Millionen mehr as in de Johren tovör. Fachlüüd gaht dorvun ut, datt de Laag wegen Corona düütlich leger ward.

Dat Weer

Un nu en Blick op dat Weer: op Borkum 18, in Cuxhaben 19, in Bremerhaben un Emmen 20, an’n Bremer Flegerhaben 21, un in Deefholt sünd dat opstünns 22 Graad. Hüüt gifft dat meist överall Sünnschien, ok wenn över Dag af un an dünne oder lockere Wulken to sehen sünd. Dat blifft dröög bi 24 bet 27 Graad, op de Eilannen gifft dat 19 bet 23 Graad. In de Nacht is dat deels locker wulkig, deels klaar, un dat blifft dröög. Na Middernacht kann dat an de Noordsee Wulkenfeller geven, de aver keen Regen bringt. De Temperaturen gaht trüch op 14 bet 10 Graad. Morgen geiht dat mit veel Sünnschien wieter. Deepe Wulkenfeller in Oostfreesland un an de Elvmündung löst sik bet to’n fröhen Vörmiddag op. Vun Middag an kaamt dicke opstiegen Wulken dorto, de in’t Binnenland ok’n poor Schuer bringen köönt. Meisttiets blifft dat aver dröög bi 24 bet 27  Graad un 19 bet 23 Graad an de Küst.

Dat weern de Narichten op platt. Tohoopstellt hett se Claudine Bimmermann. Op Platt trechtmaakt un vörleest vun Marc Gelhart.