Jetzt läuft:

Elton John Sacrifice
  • Als nächstes läuft:

  • Um 14:56 Uhr läuft: Lipps Inc. Funkytown
  • Jetzt läuft:

    Elton John Sacrifice
  • Davor lief:

  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band
  • Um> 14:18 Uhr lief: DÖF Codo
  • Um> 14:15 Uhr lief: Lost Frequencies Are You With Me
  • Um> 14:08 Uhr lief: The Who Behind Blue Eyes

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 9. Juni 2021

Plattdüütsche Narichten vun'n 9. Juni 2021

Audio vom 9. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Twetet Verfahren, Trump ut sien Amt to smieten +++ WHO-Facklüüd kummt in China an +++ Vogt wahrschaut, dat Lüüd ut de Luftfohrt ehr Arbeit verleert +++ Röwekamp warvt för Laschet as CDU-Bunnesvörsitter +++ Holsteen-Anhänger fiert Pokal-Sieg gegen Bayern in Kiel +++ Dat Weer

Informationen zum Audio

Kabinett: Corona-Wirtschapshölp löppt wieder

Berlin: De Bunnsregerung hett fastleggt: De eenfacheren Regeln för Hölpsgeld för de Wirtschap loopt dree Maand wieder, also bet Enn September. Dat Kabinett hett vunmorgen en Verordnung vun Arbeitsminister Heil annahmen. Ok dat Uthölpsgeld för Ünnernehmen, bi de de Last in Corona-Tieden groot is, löppt länger.

Bovenschulte: Düütschland bruukt klore Regeln för grote Veranstaltungen

Bremen: Börgermester Bovenschulten verlangt: Nödig sünd nu för grote Veranstaltungen desülvigen Regeln för ganz Düütschland. Wenn Besökers vun överall in Düütschland anreist, dröfft dat een Land nich mehr Lüüd tolaten as dat anner. De Ministerpräsidenten snackt morgen wedder mit de Kanzlersch över dat, wat de Politik in de Corona-Laag nu in Gang setten mutt. In Bremen will de Senat tokamen Week doröver snacken, woans se kloor mehr Besökers bi Veranstaltungen an de frische Luft un ok binnen tolaten köönt.

Bunns-Schöler-Kunferenz wohrschaut: To vele Prüfungen

Berlin: De Bunns-Schöler-Kunferenz hett wohrschaut, dat vör de Sommerferien dat Prüfen gor keen Enn hett. En Spreker vun de Schölers hett verlangt: Den Rest vun dat Schooljohr schullen sik de Scholen dorum kümmern, dat allens dat, wat utfullen is, bi de Schölers ankummt. De Scholen schullen sik trüchhollen un blots so‘nTests un Klausuren ansetten, de würklich nödig sünd, sä de Schölervertreder in dat Redakschoonsnettwark Düütschland.

US-Präsident Biden op Europa-Visiten

Washington: US-Präsident Biden geiht in sien Amtstiet op sien eerste Reis na’t Butenland. Vunavend kummt he in Grootbritannien an. Bi dat G7-Top-Drepen an’t Wekenenn warrt he woll ok mit Kanzlersch Merkel tohoopkamen. Tokamen Mittweken will he sik mit Russlands Präsident Putin an een Disch setten.

Gewoba: Sünd Lüüd minnachtig ankeken worrn?

Bremen: De Opsichtsraat vun de Gewoba snackt doröver, wat en Reeg Lüüd, de sik för en Wahnung vörstellt harrn, wat de nich minnachtig ankeken worrn sünd. Mittweken nehmt se sik en Bericht vör, de blots för de Gewoba schreven worrn is. Dor steiht binnen: Nich blots bi de Brebau, man ok bi de Gewoba is dat vörkamen, dat se wat opschreven hebbt över de Klöör vun de Huut oder woneem de Lüüd woll herkaamt. Na Plaan is dat aver woll nich maakt worrn.

Dat Weer

Un woans süht dat mit dat Weer umto ut? Opstunns hebbt wi in Bremen un Bremerhaven 21 Graad, in Rhauderfehn un Verden sünd dat 22 Graad. Vundaag: Eerst en poor lockere Wulken mit veel Sünnschien. Vun Middag op an kriegt wi in’t Binnenland mal Sünnschien, mal opstiegen Wulken, ut de dat aver blots en beten pladdern deit. Meist överall hell un dröög. Vör allen an de See lacht uns de Sünn. Dat Thermometer krabbelt op 23 bet 27 Graad, an de See 18 bet 22. De Wind dorto weiht flau, mal vun hier, mal vun dor. Tokamen Nacht: En poor Wulken, vele Steerns un dröög. In’n Süden eerst noch en poor opstiegen Wulken, man ok dor lööst de sik gau op. Bi 14 bet 10 Graad, op de Inseln 15 bet 12. Morgen: Sünnschien satt, af un an treckt dünne Wulken dör. Dröög bi 23 bet 27 Graad, an de See 18 bet 22. Dat weren de Narichten. Op Platt trechtmaakt un vörleest vun Reinhard Goltz. Tohoopstellt hett jüm Gabriele Intemann.