Jetzt läuft:

Bangles Walk Like An Egyptian
  • Als nächstes läuft:

  • Um 14:08 Uhr läuft: The Who Behind Blue Eyes
  • Jetzt läuft:

    Bangles Walk Like An Egyptian
  • Davor lief:

  • Um> 13:56 Uhr lief: Genesis That's All
  • Um> 13:50 Uhr lief: Electric Light Orchestra Sweet Talkin' Woman
  • Um> 13:47 Uhr lief: David Christie Saddle Up
  • Um> 13:44 Uhr lief: The Tokens The Lion Sleeps Tonight
  • Um> 13:40 Uhr lief: The Killers Human
  • Um> 13:35 Uhr lief: Mental as Anything Live It Up
  • Um> 13:31 Uhr lief: Kenny Rogers & Dolly Parton Islands In The Stream
  • Um> 13:24 Uhr lief: Chris De Burgh The Lady In Red
  • Um> 13:22 Uhr lief: The Beatles We Can Work It Out

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 7. Juni 2021

Plattdüütsche Narichten vun'n 7. Juni 2021

Audio vom 7. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

CDU hett bi Landdagswahl in Sachsen-Anhalt wunnen +++ Bremer Parteien vun de Börgerskupp freit sik över Wahl-Ergebnis in Sachsen-Anhalt +++ In Düütschland kann sik nu jedeen för dat Corona-Spütt-geven anmelden +++ 7-Dage-Tall geiht bunnswiet torüch +++ Düütsche U21-Football Nationalmannschap winnt de Europameisterschaft +++ Dat Weer

Informationen zum Audio

CDU hett bi Landdagswahl in Sachsen-Anhalt wunnen

Magdeburg: Bi de Landdagswahl in Sachsen-Anhalt hett de CDU düütlich wunnen. De Partei vun Ministerpräsident Haseloff hett mehr as 7 Perzent toleggt. Un liggt nu bi 37,1 Perzent. De AfD hett 20,8 Perzent kregen. De Linke is op 11 Perzent na unnen rutscht. De SPD hett mit 8,4 Perzent ehr slechts Ergebnis in´t Land holt. De FDP treckt mit 6,5 Perzent na 10 Jahren wedder in den Landdag in. De Grönen hebbt blots minimal toleggt un hebbt 5,9 Perzent vun de Stimmen afkregen.

Bremer Parteien vun de Börgerskupp freit sik över Wahl-Ergebnis in Sachsen-Anhalt

Bremen: De Parteien vun de Bremer Börgerskupp hebbt meist positiv op dat Wahl-Ergebnis in Sachsen-Anhalt reageert. CDU, FDP un Gröne meent, dat ehre Parteien dör ehr Afsnieden stärkt sünd.

In Düütschland kann sik nu jedeen för dat Corona-Spütt-geven anmelden

Berlin: In Düütschland kann sik nu jedeen för dat Corona-Sprütt-geven anmelden. De Reeg bi de Corona-Impfungen is nu ophoven. Man een paar Länner willt, tominnst in de Impfzentren, an de Priorisierung fasthollen. Vun hütt an sünd nu ok, to´n ersten mal, de Doktors in de Firmen mit vun de Patrie un geevt de Sprütt.

7-Dage-Tall geiht bunnswiet torüch

Berlin: De Tall vun de Corona-Neeinfektionen geiht bunnswiet torüch. Dat Robert-Koch-Institut gifft 1.100 nee`e Fallen bekannt. Dat sünd 800 minner as vör eene Week. De 7-Dage-Tall liggt nu bi 24. In´t Land Bremen gifft dat 10 nee`e Fallen, dorvun een in Bremerhaben. In Bremen liggt de 7-Dage-Tall nu bi 27, in Bremerhaben bi 14. In Neddersassen gifft dat 128 Neeinfektionen un 4 Minschen sünd sturven. Hier liggt de Tall nu bi 17,6.

Düütsche U21-Football Nationalmannschap winnt de Europameisterschaft

Ljubljana: De Düütsche U21-Football Nationalmannschap hett de Europameisterschaft wunnen. Dat Team hett de Näs gegen Portugal mit 1:0 vörn hatt. De düütsche Iishockey- Nationalmannschap hett bi de WM, bi dat Speel um Platz 3 gegen de USA, mit 1:6 een op de Mütz kregen.

Dat Weer

Un nu een Blick op dat Weer: in Syke un an den Bremer Flegerhaben 14, an de Fischreehabenslüüs in Bremerhaben  un in Cuxhaben sünd dat opstunns 15 Graad. Hüüt hebbt wi vele Wulken an´t Heven, de hier un dor ok Regen mitbringt. To´n Nomdag hen kriegt wi denn ok mal de Sünn to sehn, bi 16 bit 20 Graad. Tokamen Nacht sünd wedder dichte Wulkenfeller unnerwegens. Man dat pieselt blots af un an mal so´n beten. An de Küst kann denn in de Fröh Nevel opkamen. Dat Thermometer sackt op 13 bit 8 Graad. Morrn an de Küst erst noch Nevel, man denn lacht us ok mal länger de Sünn an. In´t Binnenland hebbt wi deels dicke Wulken, de sik vör de Sünn schuuvt, dat pieselt nich so faken, bi 17 bit 23 Graad. Middeweeken hebbt wi an de Küst veel Sünnenschien, in´t Binnenland ok mal hier un dor eene Wulke, bi 19 bit 25 Graad. Dat weern de Nahrichten op platt. Ralph Stölting hett se tohoopstellt. Op Platt trechtmaakt un vörleest hett se Antje Kruppa.