Jetzt läuft:

Electric Light Orchestra Sweet Talkin' Woman
  • Als nächstes läuft:

  • Um 13:56 Uhr läuft: Genesis That's All
  • Jetzt läuft:

    Electric Light Orchestra Sweet Talkin' Woman
  • Davor lief:

  • Um> 13:47 Uhr lief: David Christie Saddle Up
  • Um> 13:44 Uhr lief: The Tokens The Lion Sleeps Tonight
  • Um> 13:40 Uhr lief: The Killers Human
  • Um> 13:35 Uhr lief: Mental as Anything Live It Up
  • Um> 13:31 Uhr lief: Kenny Rogers & Dolly Parton Islands In The Stream
  • Um> 13:24 Uhr lief: Chris De Burgh The Lady In Red
  • Um> 13:22 Uhr lief: The Beatles We Can Work It Out
  • Um> 13:19 Uhr lief: John K feat. Kelsea Ballerini Parachute
  • Um> 13:15 Uhr lief: Christopher Cross Ride Like The Wind

Der Mittag mit Dirk Böhling

Plattdeutsche Nachrichten Plattdüütsche Narichten vun'n 4. Juni 2021

Plattdüütsche Narichten vun'n 4. Juni 2021

Audio vom 4. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Bund plant schienbor Solardack-Plicht +++ Bremer Politik is sick nich enig över Utmaat vun Rassismus bi Füerwehr +++ Noch mehr Bunnslänner stööt Corona-Regeln op +++ Hoge Pries för Spriet weern in Bremen ünnerscheedlich ansehn +++ Bremerhaben fangt mit Afrieten vun wichtige Iesenbahnbrüch an +++ Dat Weer

Informationen zum Audio

Bund plant schienbor Solardack-Plicht

Berlin. De Bunnsregerung will schienbor de Regeln för Huusbuer un för de Lüüd, de Huus un Grund tohöört, düütlich strenger maken. De BILD-Zeitung vermellt, dat vun tokamen Johr an en Solardack-Plicht gellen schall. Dat Blatt weet dat ut en, as dat nöömt warrt, „Klimaschutz-Sofortprogramm 2022“ vun de Regerung. Dorna mutt op all Neeboten in Tokunft en Photovoltaik- or Solarthermie-Anlaag boot weern. Bremen hett al fastleggt, en Solardackplicht intoföhren.

Bremer Politik is sick nich enig över Utmaat vun Rassismus bi Füerwehr

Bremen. Afornte vun de Börgerschaft hebbt bedrapen op den Afslussbericht to´n Bremer Füerwehr-Schandaal reagert. De insettde Fro, de dat Malöör ünnersöökt hett, harr dorin vun rassistisch un sexistisch Vörfallen bi de Beropsfüerwehr schreven. Bavento hett se lege Verdachten gegen Lüüd, wokeen dat Leit hebbt, utspraken. Wat dor nich goot löppt mutt ophören. Dat verlangen ok Politker vun Grönen un SPD. CDU un FDP meent nu döör den Bericht, dat se Recht hebbt. Se meent, dat dat blots enkelte vigeliensche Fallen geven hett.

Noch mehr Bunnslänner stööt Corona-Regeln op

Hamborg. Noch mehr Bunnslänner nehmen hüüt ehr Corona-Oplagen en beten mehr trüüch. In Hamborg un Berlin könen Wirtshüüs un Bars to´n Bispill ok in ehr Binnenrüüm wedder Gäst begröten. Grundlaag is en negativen Corona-Test. In Meckelnbörg-Vörpommern is wedder Urlaub för Touristen ut ganz Düütschland verlöövt. Bi de Anreis mutt en negativen Corona-Test vörleggt weern. Urlauber, de in en Ferienwohnung slapt un kien Wirtshüüs un Museen besökt, mööt sick nich nochmal testen.

Hoge Pries för Spriet weern in Bremen ünnerscheedlich ansehn

Bremen. De Debatt över hoge Priesen för Spriet gaht wieder. De Bremer FDP hollt den Vörslag vun Grönen-Baas Baerbock för unsozial un verlangt en Benzinpriesbrems. Dorgegen sett sick de Bremer Grönen för den Infall in. Üm den Klimafohrplan inhollen to könen, mutt de Sellschop ophören, Energie mit Ööl, Gas un Köhlen to maken. Baerbock harr sick dorför utspraken, de Kosten för Benzin pö a pö üm 16 Cent antobören.

Bremerhaben fangt mit Afrieten vun wichtige Iesenbahnbrüch an

Bremerhaben. De Düütsche Bahn fangt hüüt dormit an, de Iesenbahnbrüch an de Cherbourger Straat in Bremerhaben aftorieten. De Brüch is ünner annern wichtig för den Iesenbahn-Verkehr in den Haven un föhrt över en Hauptverkehrskrüüz vun de Stadt. Wegen dat Afrieten mööt sick Autofahrer op düchtig Maleschen instellen. De Krüzung Cherbourger Straat warrt vun´n Namiddag an bit Sünndagavend dicht makt.

Dat Weer

Un nu een Blick op dat Weer: in Wittmund 21, an den Bremer Flegerhaben un an de Fischreehabenslüüs in Bremerhaben 20 un in Wilshusen sünd dat opstunns 18 Graad. Hüüt morgen gift dat en Wessel ut Wulken un Sünnschien. An´n Middag fang dat wedder reell an to pladdern. In Oostfreesland blift dat wietgahns dröög. De Wind weiht blots en beten. Dat Thermometer wiest 19 bit 27 Graad. Op de Eilannen 16 bit 18 Graad. Tokamen Nacht höören de Regenschuer un Gewidder op. De Wulken warrt ok weniger. De Temperatur sackt op 13 bit 16 Graad daal. Morrn fangt dat mit Sünnschien an. An´n Middag trecken neje Regenschuer un Gewidder op. Hier un dor kann dat reell pladdern. 20 bit 25 Graad wiest dat Thermometer. Op de Eilannen sünd dat man 16 bit 18 Graad. Sünndag gift dat bi Sünn un Wulken den en or annern Regenschuer. Dat Thermometer wiest 19 bit 22 Graad.

Dat weern de Nahrichten op platt. Anja Guse hett se tohoopstellt. Op Platt trechtmaakt un vörleest hett se Markus Weise.