Jetzt läuft:

David Bowie Space Oddity
  • Als nächstes läuft:

  • Um 15:51 Uhr läuft: Two of Us Blue Night Shadow
  • Jetzt läuft:

    David Bowie Space Oddity
  • Davor lief:

  • Um> 15:43 Uhr lief: Gnarls Barkley Crazy
  • Um> 15:39 Uhr lief: Boys Town Gang Can't Take My Eyes Off You
  • Um> 15:34 Uhr lief: Slade My Oh My
  • Um> 15:30 Uhr lief: Paul Young Come Back And Stay
  • Um> 15:24 Uhr lief: Ricky Martin Maria
  • Um> 15:19 Uhr lief: Dire Straits Brothers In Arms
  • Um> 15:17 Uhr lief: Lesley Gore It's My Party
  • Um> 15:09 Uhr lief: Charlie Puth feat. Meghan Trainor Marvin Gaye
  • Um> 15:05 Uhr lief: Status Quo In The Army Now

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 3. Juni 2021

Plattdüütsche Narichten vun'n 3. Juni 2021

Audio vom 3. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Staatsanwaltschupp stellt Brebau op’n Kopp +++ Meyer-Warft meent, dat Snacken hett nich klappt +++ Lauterbach to de Corona-Inzidenz +++ Scholz: Nich wieter an’n Sprietpriesschruuv dreihen +++ Regeernbündnis ut acht Parteien in Israel +++ Dat Weer

Informationen zum Audio

Staatsanwaltschupp stellt Brebau op’n Kopp

Bremen – De Staatsanwaltschupp hett Ruums vun de Bremer Wahnungsboo-Sellschupp Brebau op’n Kopp stellt. Se sünd vermoden, dat Bewarver mit butenlandsch Wuddeln vun dat Ünnernehmen keen Wahnungen kriegt. Ünnersöökt ward opstunns, of de Brebau Daten vun de Lüüd sammelt, so as Huutfarv, Religion un wo goot se Dütsch snackt. De Beobdragte för Datensekerheit hett dat bi de Polizei mellt.

Meyer-Warft meent, dat Snacken hett nich klappt

Papenborg – De Meyer-Warft meent, dat Snacken twüschen IG Metall un den Bedreevsraat hett nich klappt. De Böversten vun dat Ünnernehmen schrievt, de Arbeitnehmer-Vertreder wöörn de wirtschaftliche Nootlaag vun de Warft nich begriepen. De IG Metall Küst will man wieter snacken. De Meyer-Warft will wegen Corona 1,2 Milliarden Euro insporen un mehr as 600 Arbeitsstäen wegstrieken.

Lauterbach to de Corona-Inzidenz

Berlin – SPD-Gesundheitsfackmann Lauterbach rekent darmit, dat de Corona-Inzidenz in den nöchsten Daag bi üm un bi 35 blieven ward. Dat sä he to de Zeitungen vun de Funke Mediengrupp. Dör dat Lockern geev dat twars ok mehr Infektschonen, to de glieke Tied ward aver ok jümmer mehr Lüüd impft. Buterdem ward nu veel buten utricht un darüm gaat de Infektschonstallen na ünnen.

Scholz: Nich wieter an’n Sprietpriesschruuv dreihen

Berlin – SPD-Kanzlerkandidat Scholz hett sik gegen Benzinpriese utsnackt, de jümmer mehr na baben kladdert. He sä to de Bild-Zeitung, een högerer CO-Twee-Pries soorgt „nich för mehr Schuul vun’t Klima, sünnern för mehr Arger“. Ok Bunnesverkehrsminister Scheuer vun de CSU lehnt dat Foddern vun de Grönen na högeren Sprietpriesen af. Grönen-Böverste Baerbock harr dat Höger Setten vun’n Benzinpries vun tohoopnahmen 16 Cent foddert.

Regeernbündnis ut acht Parteien in Israel

Tel-Aviv – To’n ersten Mal siet twölf Johrn is in Israel een Regeern ahn den rechtskonservativen Ministerpräsidenten Netanjahu billt worrn. De bitnu Oppositschonsföhrer Lapid hett een Bündnis mit acht Parteien ut all politischen Lagern op de Been stellt. Nu mutt dat Parlament noch mit een einfach Mehrheit „jo“ darto seggen. Ward darmit rekent, dat Netanjahus Anhänger bit to dat Ünner-Eed-Nehmen versöken ward, dat wackelig Bündnis ümtosmieten.

Dat Weer

Un nu een Blick op dat Weer: an den Bremer Flegerhaben un an de Fischereehabenslüüs in Bremerhaben 20, in Bremervöör 21 un in Ossenbrügg sünd dat opstunns 22 Graad. Hüüt Vörmiddag sünd all Schuers möglich, an‘n Namiddag un Abend kummt denn vun’t Emsland her to’n Deel dulle Schuers un Grummelschuers op. Dat kann rusig Weer geven mit veel Regen – bi 22 Graad op de Eilanden un bit to 27 Graad in Bremen un Veern. Tokamen Nacht kummt dat wieter orrig natt vun baben, ok mit Blitz un Donner. Later in de Nacht ward dat denn dröger – kann ok an’n Morrn hier un dar Nevel opkamen. Dat Thermometer sackt op 18 bit 15 Graad. Morrn wesselt sik dicke Wulken un Sünnschien af. Darbi kann dat in dat Flach üm Bremen un bit to de Elv noch wieter pladdern. Ok Grummelschuers köönt noch daal kamen. In Ostfreesland blifft dat eher dröög, bi 20 bit 26 Graad. Dat weern de Nahrichten op platt. Carola Schwirblat hett se tohoopstellt. Op Platt trechtmaakt un vörleest hett se Heidi Jürgens.