Jetzt läuft:

Dire Straits Brothers In Arms
  • Als nächstes läuft:

  • Um 15:24 Uhr läuft: Ricky Martin Maria
  • Jetzt läuft:

    Dire Straits Brothers In Arms
  • Davor lief:

  • Um> 15:17 Uhr lief: Lesley Gore It's My Party
  • Um> 15:09 Uhr lief: Charlie Puth feat. Meghan Trainor Marvin Gaye
  • Um> 15:05 Uhr lief: Status Quo In The Army Now
  • Um> 14:56 Uhr lief: Lipps Inc. Funkytown
  • Um> 14:50 Uhr lief: Elton John Sacrifice
  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 2. Juni 2021

Plattdüütsche Narichten vun'n 2. Juni 2021

Audio vom 2. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Mehr Geld för Pleger +++ RKI mellt 4900 Minschen, de sik nee ansteekt hebbt +++ Magistrat will, dat in Bremerhaben mehr lockert ward +++ Krankenhuus in Ollenborg schall Universitätsklinik weern +++ Werder Bremen nimmt Markus Anfang ünner Verdrag +++ Dat Weer

Informationen zum Audio

Mehr Geld för Pleger

Berlin – De Bunnesregeern will een beter Lohn för Pleger op den Weg bringen un dat de Lüüd, de pleegt ward, een beter Leven hebbt. Üm de Pleegreform vun Gesundheitsminister Spahn, över de veel snackt ward, geiht dat hüüt Vörmiddag in’t Kabinett. Verdrääg to’n Versorgen dröfft blots noch mit Ünnernehmen afsluten warrn, de sik an de Tarifverdrääg hollt or tominnst jüst so goot betahlt.

RKI mellt 4900 Minschen, de sik nee ansteekt hebbt

Berlin – De Söben-Daag-Inzidenz in Dütschland kladdert wedder een beten na baben. As dat Robert-Koch-Institut vermellt, liggt de Tall nu bi 36,8 na 35,2 güstern. Rund 4900 Minschen hebbt sik nee ansteekt. Dat RKI seggt, dat liggt daran, dat nu veel wedder open maakt ward un darum dat Virus een beter Schangs hett. Mit een dullet Wassen vun de Tallen rekent RKI-Baas Wieler aver erstmol nich. De Tallen för düsse Gegend hier gifft dat op butenunbinnen.de or in de buten un binnen App.

Magistrat will, dat in Bremerhaben mehr lockert ward

Bremerhaben – De Magistrat will vundaag noch mehr Corona-Regeln lockern. Darbi will he sik meist na de Regeln in de Stadt Bremen un in Neddersassen richten. Dat geiht man üm dat Openmaken vun Theatern, Kinos, Freebädern un dat binnen Sitten in de Restaurants un Lokale. Mit dat Lockern vun Morrn an kann dat nu ok in Bremerhaben losgaan, wiel de Söben-Daag-Inzidenz siet verleden Middeweken op Duer ünner 50 liggt.

Krankenhuus in Ollenborg schall Universitätsklinik weern

Ollenborg – De Stadt schall een Universitätsklinikum kregen. Ollenborg hett all een Steed för dat Utbillen vun Doktors – man de ward nich Uni-Klinik nöömt. Een Plaan för een Gesett vun‘t Kabinett in Hannober schall dat ännern. Krankenhüüs, de bi dat Utbillen vun Doktors mithölpt, schüllt in Tokunft Universitätsklinikum heten. Mehr Geld hangt mit düssen Schreed bitnu nich tosamen.

Werder Bremen nimmt Markus Anfang ünner Verdrag

Bremen – Werder Bremen hett een nee’en Trainer ünner Verdrag nahmen. Markus Anfang vun’n Tweetligisten Darmstadt ward nu een Werderaner. He weer ok all bi den 1. FC Köln un bi Holstein Kiel Trainer. De 46-jöhrige ward an’n nöchsten Sünndag in Bremen vörstellt.

Dat Weer

Un nu een Blick op dat Weer: in Cuxhaben 15, an de Fischreehabenslüüs in Bremerhaben 16, an den Bremer Flegerhaben 17 un in Deefholt sünd dat opstunns 18 Graad. Hüüt wesselt sik Sünn un Wulken af, man meist is dat fründlich. An’n Namiddag ward de Wulken dicker un dar köönt mal een paar Druppen fallen, verenkelt kann dat ok Grummelschuers geven – meist is dat aver dröög bi 20 bit 25 Graad. Op de Eilanden een beten köhler. Tokamen Nacht wiest sik de Heben locker wulkig un dar fallt keen Regen. Dat Thermometer sackt op 13 bit 11 Graad. Morrn fangt de Dag mit veel Sünnschien un dröög an. Later treckt vun de Ems dickere Wulken op, de to’n Deel dulle Schuers un Grummelschuers bringen köönt. Dat kann ok rusig Weer mit orrig veel Regen geven. Twüschen Werser un Elv blifft dat bit to’n Abend noch meist dröög, bi 22 bit 27 Graad. Dat weern de Nahrichten op platt. Michael Nendza hett se tohoopstellt. Op Platt trechtmaakt un vörleest hett se Heidi Jürgens.