Jetzt läuft:

Status Quo In The Army Now
  • Als nächstes läuft:

  • Um 15:09 Uhr läuft: Charlie Puth feat. Meghan Trainor Marvin Gaye
  • Jetzt läuft:

    Status Quo In The Army Now
  • Davor lief:

  • Um> 14:56 Uhr lief: Lipps Inc. Funkytown
  • Um> 14:50 Uhr lief: Elton John Sacrifice
  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band
  • Um> 14:18 Uhr lief: DÖF Codo

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 01. Juni 2021

Plattdüütsche Narichten vun'n 01. Juni 2021

Audio vom 1. Juni 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Tahl vun Lüüd ahn Arbeit sackt daal +++ Wat de Brebau vörsmieten warrt, gellt ok för den Opsichtsraat +++ Schoolmesterverband will den Ünnerricht wiederhen na de Söven-Daag-Tahl richten +++ Patschenten in de Bremer Krankenhüüs dröfft nu wedder Besöök kriegen +++ Bremer Senaat leggt fast of dat Volksvergnögen in Juni stattfinnt +++ Dat Weer

Informationen zum Audio

Tahl vun Lüüd ahn Arbeit sackt daal

Nürnbarg: De Tahl vun Lüüd ahn Arbeit is in Düütschland in Mai düütlich daalsackt. De Agentur för Arbeit mellt, knapp 2,7 Millioon Minschen ahn Arbeit, 84.000 weniger as in Aprilmaand. De Quoot vun Lüüd ahn Arbeit is um 0,1 Punkte op 5,9 Perzent daalgahn. Ok in Bremen un Neddersassen geiht dat wieder bargop: In Bremen gung de Quoot vun Lüüd ahn Arbeit op 11 Perzent trööch, in Neddersassen sackt se op 5,7 Perzent.

Wat de Brebau vörsmieten warrt, gellt ok för den Opsichtsraat

Bremen: Dat de Brebau vörsmieten warrt, bestimmte Minschen minnachtig antokieken, richt sik ok an den Opsichtsraat. Buten un binnen hett Ünnerlagen kregen, wo dat binnen steiht. Dorna wusst tominns een Liddmaat vun den Opsichtsraat vun de Wahnboesellschop, de de Stadt tohöört, doröver bescheed. Un dorum geiht dat: De Brebau hett woll Minschen mit butenlandschen Wuddeln na Plaan bi´t Sööken na en nee´n Wahnung minnachtig ankeken. Över den Verdacht snackt an Namiddag ok de Stadtbörgerschop.

Schoolmesterverband will den Ünnerricht wiederhen na de Söven-Daag-Tahl richten

Berlin: De Düütsche Schoolmesterverband will den Schoolbedriev wiederhen na de Söven-Daag-Tahl richten. Verbands-Präsident Meidinger stellt sik dorop in, dat de Klassen in´t tokamen Schooljohr kumplett in´ne School sünd. Bi den Schoolbedriev mütt een denn aver ok dorop acht geven, dat noch nich all Schoolkinner de Sprütt gegen Corona kregen hebbt. Meist dat sülvige verlangt ok de Arbeitnehmervertreter. De düütsche Gewarkschopsbund meent, dat Recht op Huuskontor schall tominns so lang gellen, bet de meisten Lüüd impft sünd.

Patschenten in de Bremer Krankenhüüs dröfft nu wedder Besöök kriegen

Bremen: In dat Land Bremen köönt vun hüüt af an Patschenten wedder Besöök kriegen. Woveel Besöökers un wolang se blieven dröfft, is aver fastleggt. De Minschen de noch kien Sprütt kregen hebbt or wedder gesund sünd, achteran se mit Corona krank weren, bruukt en negativen Test vun en Teststeed. In Bremen un Bremerhaven weer bet güstern Besöök in Krankenhüüs streng verbaden.

Bremer Senaat leggt fast of dat Volksvergnögen in Juni stattfinnt

Bremen: De Senaat snackt an Middag doröver, of de “Sommerwiese”, as se dat nöömt, op de Börgerweide stattfinnen draff. Dat Fest för Jan un Allemann schall twee Weken lang duern un Mitt Juni losgahn. Se schall kamen, vunwegen de Osterwiese utfullen is. Noch nich kloor is, of de Corona-Pandemie tolett, Buden un Karussellen optoboen. Wenn de Söven-Daag-Tahl ünnen blifft, gifft dat kien Grund, de Sommerwiese anners to behanneln as Freetietparks in Neddersassen, see Weertschopssenatorsche Vogt to buten un binnen.

Dat Weer

Un nu kiekt wi op dat Weer: In Cuxhaven hebbt wi 17 Graad, in Bremen 18 un in Bremerhaven un Leer sünd dat opstunns 20 Graad. Achteran sik hüüt de Daak oplööst hett, lacht eerstmal överall de Sünn. Vun middag af an trecken en poor lütte Wulkenfeller vun de Elv ran, dat blifft aver dröög. Den meisten Sünnenschien kriegt wi in Ostfreesland bet na´t Emsland un in´t Ollenborger Münsterland. De Wind weiht flau, eerst vun de oosten Kant, later denn vun de noordoosten Kant. Dorbi kladdert dat Thermometer op 19 bet 25 Graad. Op de Eilannen 16 bet 18 Graad. In de Nacht sliekern en poor Wulken vörbi un dat blifft dröög. Dat Thermometer sackt op 11 bet 8 Graad. Middeweken wesseln sik Sünn un Wulken af, eerst hett de Sünn noch de Nees vörn, vun Middag af an un meist an Namiddag kann dat denn mol pladdern, man Blitz un Donnerslag, starken Regen un ok Grisselgrussel kann dorbi ween. Dat Thermometer wiest denn 20 bet 24 Graad, op de Eilannen warrt dat wedder en beten köhliger bi 17 bet 19 Graad.

Dat weren de Plattdüütschen Narichten. Tohoopstellt vun Anja Guse. Op Platt trechtmaakt un vörleest vun Martina Brünjes.