Jetzt läuft:

Supertramp It's Raining Again
  • Als nächstes läuft:

  • Um 14:50 Uhr läuft: Elton John Sacrifice
  • Jetzt läuft:

    Supertramp It's Raining Again
  • Davor lief:

  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band
  • Um> 14:18 Uhr lief: DÖF Codo
  • Um> 14:15 Uhr lief: Lost Frequencies Are You With Me
  • Um> 14:08 Uhr lief: The Who Behind Blue Eyes
  • Um> 14:05 Uhr lief: Bangles Walk Like An Egyptian

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 31. Mai 2021

Plattdüütsche Narichten vun'n 31. Mai 2021

Audio vom 31. Mai 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

En ganzen Barg weniger Regeln in Bremen un Neddersassen +++ Landung buten de Reeg: Polizei kontrolleert Fleger an´n Berliner Fleegerhaven +++ Spahn will bi de Lüüd de privaat Corona-Test anbeden nip un nau henkieken +++ Zig Kinner ut Koranschool in Nigeria versleept +++ Ära vun Ministerpräsident Netanjahu womööglich bold vörbi +++ Dat Weer

Informationen zum Audio

En ganzen Barg weniger Regeln in Bremen un Neddersassen

Bremen/ Hannober: In Bremen un Neddersassen gellen vun hüüt af an en ganzen Barg weniger Corona-Regeln. Nu dröfft sik wedder mehr Minschen ut verscheden Huusholden drapen. Un ok vele Veranstalten bi´n Sport un in de Kultur sünd wedder rechtens. In de Stadt Bremen sünd de Schoolen wedder in den Regelbedrief trööch. Dat is so, wiel de Söven-Dag-Tahl siet en poor Daag ünner foftig liggt. In Bremerhaven süht dat aver noch anners ut, dor sünd de höögeren Schoolen noch in den Wesselbedrief.

Landung buten de Reeg: Polizei kontrolleert Fleger an´n Berliner Fleegerhaven

Schönefeld: An den Berliner Hauptstadtflegerhaven hett güstern Avend de Bunnspolizei ene Maschien op´n Kopp stellt, de buten de Reeg op´n Bodden weer. De Akschoon duerte bet in de Nacht rin. Wat dor achter stickt, is noch nich kloor. De Maschien keem ut Dublin in Irland un wullt na Krakau in Polen.

Spahn will bi de Lüüd de privaat Corona-Test anbeden nip un nau henkieken

Berlin: Bunnsgesundheitsminister Spahn will bi Lüüd de privaat Corona-Tests anbeden, nu nip un nau henkieken. Dat see de CDU-Politiker an´n Avend bi „Anne Will“ in de ARD. Man blots de tostännigen Gesundheitsämter köönt dat woll maken. Verleden Wekenenn keem op, dat in Nordrhein-Westfahlen un Bayern woll verscheden Steden bi´t afreken schummelt hebbt. Siet Anfang März betahlt de Bunn de Kosten, jedeen Börger draff een Test de nix köst per Week maken.

Zig Kinner ut Koranschool in Nigeria versleept

Kano: Lüüd mit Wapen hebbt in Nigeria zig Kinner ut ene Koranscholl versleept. Dat vertellt Behöörden un Bewahners an Avend. De Kidnapper harrn aver woll ölven Kinner wedder lopen laten, vunwegen de woll noch so lütt sünd. Dat passeerte een Dag achteran veerteihn Studenten wedder free kemen, de um un bi sess Weken vördem versleept worrn sünd.

Ära vun Ministerpräsident Netanjahu womööglich bold vörbi

Jerusalem: Mag ween, dat de Ära vun Ministerpräsident Netanjahu in Israel bold vörbi is. Sien natschonaalkonservativer Likud weer twars achter de Wahl de Partei mit de meehrsten Stimmen, liekers hett Netanjahu kien Regerung tohoop kregen. Nu wüllt de politischen Gegenspeler en Maatschaft sluten. De ultranatschonalistische Partei Jamina will tohoop mit de Tokunftspartei regeren. Se hett bi de Parlamentswahlen an´n 23. März de tweetmeisten Stimmen kregen un hett nu den Opdrag en Regerung optostellen.

Dat Weer

Un nu kiekt wi op dat Weer: In Em sünd dat 13 Graad, in Bremerhaven 16 Graad un in Bremen un Nee´enborg sünd dat opstunns 17 Graad. Achteran sik hüüt de Daak oplööst hett, lacht överall de Sünn. Man hier un dor köönt wi en poor lütte Wulken an Heven sehn, dat blifft aver dröög. De Wind weiht flau, mag ween an de See ok in Maaten vun de noordoosten Kant. Dat Thermometer kladdert op 19 bet 24 Graad, op de Eilannen op 15 bet 18 Graad. In de Nacht blinkern de Steerns an Heven, hier un dor kann an morgen wedder Daak opdükern un dat denn bi 11 bet 6 Graad. Morgen lacht, achteran de Daak sik oplööst hett, wedder de Sünn un dat blifft dröög. Vun middag af an trecken dickere Wulkenfeller vun de Elv ran, de an´n Avend an de Werser ankamen. Dat Thermometer kladder dorbi op 19 bet 25 Graad, op de Eilannen wedder en beten köhliger bi 15 bet 18 Graad.

Dat weren de Plattdüütschen Narichten. Tohoopstellt vun Carola Schwirblat. Op Platt trechtmaakt un vörleest vun Martina Brünjes.