Jetzt läuft:

Status Quo In The Army Now
  • Als nächstes läuft:

  • Um 15:09 Uhr läuft: Charlie Puth feat. Meghan Trainor Marvin Gaye
  • Jetzt läuft:

    Status Quo In The Army Now
  • Davor lief:

  • Um> 14:56 Uhr lief: Lipps Inc. Funkytown
  • Um> 14:50 Uhr lief: Elton John Sacrifice
  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band
  • Um> 14:18 Uhr lief: DÖF Codo

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 28. Mai 2021

Plattdüütsche Narichten vun'n 28. Mai 2021

Audio vom 28. Mai 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Sprütt för Kinner un junge Lüüd vun Juni an +++ Corona: 7-Daag-Tall ünner 40 +++ Tall vun Corona Infektionen in Bremen un Neddersassen geiht wieder torügg +++ Düütschland kennt ehre Verbrekens vun de Kolonialmacht in Namibia an +++ Düütsche Football-Nationalmannskupp in Öösterriek to´n Vörbereiden för de EM +++ Dat Weer

Informationen zum Audio

Sprütt för Kinner un junge Lüüd vun Juni an

Berlin: Kinner un junge Lüüd vun 12 Jahren an künnt sik vun Juni an gegen Corona de Sprütt geven laten. Ok wenn de Stadige Impfkommission Bedenken hett, willt Bund un Länner, vun tokamen Maandag an, de heranwassenden Lüüd de Kans geven sik impfen to laten. Dat europäische Amt för Arzneimiddel EMA will hütt doröver entscheden, wat dat Impfmiddel Biontech ok för junge Minschen tolaten ward.

Corona: 7-Daag-Tall ünner 40

Berlin: Dat Robert Koch Institut vermellt hütt 7.380 Corona-Nee-Infektionen. Dat sünd an de 1.500 Infektionen minner as vör eene Week. 192 Minschen sünd in´t Tosamenhang mit Covid 19 sturven. De 7-Daag-Tall liggt nu bi 39,8.

Tall vun Corona Infektionen in Bremen un Neddersassen geiht wieder torügg

Bremen: Dat Gesundheitsamt hett för dat Land Bremen 54 nee`e Corona Infektionen vermellt. 9 dorvun in Bremerhaben. De 7-Daag-Tall sinkt in Bremen op 29,6, un in Bremerhaben op rund 42. In Neddersassen hebbt sik 434 Minschen nee mit Corona infiziert, hier liggt de 7-Daag-Tall nu bi 27,9.

Düütschland kennt ehre Verbrekens vun de Kolonialmacht in Namibia an

Berlin: Düütschland kennt Verbreken an de Völker Herero un Nama in Afrika as Moord an`t Volk an. Mehr as 100 Jahren na de Verbreken, vun de düütsche Kolonialmacht in`t hütige Namibia, sünd sik beide Länner enig worden, dat wedder good to maken. In de tokamen 30 Jahren schall Namibia 1,1 Milliarden Euro Hölp för den Wedderupboo kriegen.

Düütsche Football-Nationalmannskupp in Öösterriek to´n Vörbereiden för de EM

Seefeld: De Düütsche Football-Nationalmannskupp geiht hütt in Öösterriek in de Vörbereidens för de Football-Europameisterschaft. Dat Team vun den Bunnstrainer Joachim Löw is bit to´n 6. Juni in Seefeld, in Tirol, in`t Trainingslager. In de Tied gifft dat noch een letztet Test-Speel gegen Dänemark. Dat eerste Speel för de Düütschen bi de EM is denn gegen den Weltmeister Frankriek an´t 15. Juni in München.

Dat Weer

Un nu een Blick op dat Weer: in Achim 10, an den Bremer Flegerhaben un an de Fischreehabenslüüs in Bremerhaben 11 un in Emm sünd dat opstunns 12 Graad. Hüüt geiht dat erst mit een Mix ut Sünn un Wulken los. To`n Nomdag hen kann dat in`t Binnenland, besünners vun´t Ollenborger Münsterland, över den Bremer Ruum bit in´t Ole Land, Schuers geven. Hier un dor is ok Blitz un Dunnerslag mööglich, bi 14 bit 18 Graad. Tokamen Nacht gifft dat nich mehr so veel Regen un wi hebbt blots noch een paar Wulken an´t Heven. Dat Thermometer sackt op 9 bit 7 Graad. Morrn hebbt wi erst hochneverartige Wulken an´t Heven, man hier un dor kummt de Sünn mal dör, bi 13 bit 17 Graad. An´t Sünndag lacht us denn de Sünn ok mal onnig an. Dor is blots hier un dor mal eene Wulke to sehn, bi 16 bit 21 Graad. Dat weern de Nahrichten op platt. Ralph Stölting hett se tohoopstellt. Op Platt trechtmaakt un vörleest hett se Antje Kruppa.