Jetzt läuft:

Elton John Sacrifice
  • Als nächstes läuft:

  • Um 14:56 Uhr läuft: Lipps Inc. Funkytown
  • Jetzt läuft:

    Elton John Sacrifice
  • Davor lief:

  • Um> 14:46 Uhr lief: Supertramp It's Raining Again
  • Um> 14:42 Uhr lief: Lukas Graham 7 Years
  • Um> 14:35 Uhr lief: Bruce Springsteen Brilliant Disguise
  • Um> 14:31 Uhr lief: Steppenwolf Born To Be Wild
  • Um> 14:25 Uhr lief: Whitney Houston I Will Always Love You
  • Um> 14:21 Uhr lief: Leo Sayer One Man Band
  • Um> 14:18 Uhr lief: DÖF Codo
  • Um> 14:15 Uhr lief: Lost Frequencies Are You With Me
  • Um> 14:08 Uhr lief: The Who Behind Blue Eyes

Der Nachmittag mit Norbert Kuntze

Plattdeutsche Nachrichten Plattdüütsche Narichten vun'n 27. Mai 2021

Plattdüütsche Narichten vun'n 27. Mai 2021

Audio vom 27. Mai 2021
Ein rot-weißer Leuchtturm zwischen Dünen. Dahinter ein blauer Himmel mit ein paar Wolken.
Bild: Radio Bremen

Imp-Gipfel snackt över Immuniseern vun junge Lüüd +++ US-Geheemdeenst schall Grund för Pandemie ruutfinnen +++ Stroomtrass Nordlink geiht an’n Start +++ In Neddersassen drauht Mangel an Huusdokters +++ Volksbegehren schall Platanen an’n Werserdiek redden +++ Dat Weer

Informationen zum Audio

Imp-Gipfel snackt över Immuniseern vun junge Lüüd

Berlin: An’n Namiddag draapt sik Kanzlersche Merkel mit de Ministerpräsidentinnen un Ministerpräsidenten vun de Länner per Video to en Imp-Gipfel. Dorbi schall dat ünner annern üm dat Impen vun Kinner un junge Lüüd gahn. Plaant is, datt all de jungen Lüüd vun 12 Johr an en Imp-Angebood bet Enn August kriggt. Betto is aver noch nich klaar, wat dat plaante Impmiddel vun Biontech-Pfizer vun de EU för 12- bet 15-Johrige tolaten ward, un wat de Ständige Impkommischoon in Düütschland dat Middel för all jung Lüüd anraadt.   

US-Geheemdeenst schall Grund för Pandemie ruutfinnen

Washington: US-Geheemdeenste schüllt ruutfinnen, wo de Corona-Pandemie heel genau utbroken is. Se hebbt dorför 90 Daag Tied, as Präsident Biden verklaart hett. Dorachter stickt de Fraag, wat villicht en Laborunfall in de chinees’schen Stadt Wuhan to de Pandemie föhrt hett, oder wat dat Virus vun een Deert op den Minschen överdragen worrn is.  

Stroomtrass Nordlink geiht an’n Start

Wilster: Bunnskanzlersche Merkel un Norwegens Ministerpräsidentin Solberg maakt hüüt Middag offiziell de Stroomleitung Nordlink twüschen Düütschland un dat skandinaavsche Land op. De Stroomtrass, de meist twee Milliarden Euro köst hett, verbinnt to’n eersten Mal de Stroommarkten vun de beiden Länner un gellt as Mielensteen vun’n Energiewessel. Se langt per Seekabel vun Wilster in Schleswig-Holsteen bet na Tonstad in Norwegen.   

In Neddersassen drauht Mangel an Huusdokters

Hannover: In Neddersassen kann dat passeern, datt dat in’n poor Johren in veele Kuntreien to wenig Huusdokters gifft. Dat is bi en nee’e Studie in’n Opdrag vun de Robert Bosch-Stiftung ruutkamen. So schall de Dichte an Huusdokters in’n Landkreis Emsland bet 2035 üm 43 Perzent trüchgahn. In’n Landkreis Auerk geiht de Studie vun en Minus vun 41 Perzent ut. In de groden Städer in Neddersassen draapt dat Ollenborg mit en Minus vun 20 Perzent, Ossenbrügge mit Minus 14 un Demorst mit Minus 13 Perzent besünners hart.

Volksbegehren schall Platanen an’n Werserdiek redden

Bremen: Mit en Volksbegehren will en Börgerinitiative de Platanen an’n Werserdiek in de Bremer Neestadt redden. Na Plaans vun dat Boressort mööt de Bööm daalslaan warrn, wenn de Diek höger boet ward. För dat Volksbegehren sammelt de Börgerinitiative opstünns Ünnerschriften. Dorachter stickt dat nee‘e Gootachten, mit dat de Börgerinitiative bewiesen will, datt dat ok mööglich is, sik beter vör Hoochwater to wahren un liekers de Platanen stahn to laten.  

Dat Weer

Un nu en Blick op dat Weer: in Cloppenborg un Nordholt 10, in Bremerhaben 11, un an’n Bremer Flegerhaben un in Emmen sünd dat opstünns 12 Graad. Hüüt gifft dat veele Wulken, die wietere Schuer bringt. Hier un dor kann dat ok Gewidder geven. To’n Avend hen blifft dat fakener dröög. Af un an kiekt blots kort de Sünn ruut. Op de Oostfrees’schen Inseln is dat ok för längere Tieden mal fründlich. Dat Thermometer kladdert op 13 bet 15 Graad. In de Nacht lockert de Wulken jümmer mehr op. To’n Morgen hen treckt vun de Noordsee her wedder dichtere Wulkenfelder op, aver dat blifft dröög bi 9 bet 6 Graad. Morgen kriggt wi’n Mix ut sünnige Tieden un dichte Wulken. To Anfang is dat noch dröög. Vun Middag an billt sik in’t Binnenland enkelte Schuer, meisttiets blifft dat aver dröög bi 14 bet 18 Graad.

Dat weern de Narichten op platt. Tohoopstellt hett se Gabriele Intemann. Op Platt trechtmaakt un vörleest vun Marc Gelhart.